越界的姐弟戀（甜）: 第二部-第六章：二人午餐

下午一時，學校校鐘準時響起，我起身離開坐位準備去課室門口等婉婷。而當我一起身時，就感覺到有三對羨慕、妒忌同憎恨既眼神望住我。三對咁怨恨既眼神，當然係來自三條蛋散。

我頓時趾高氣昂，輕輕整理一下衣領，然後雙手插住褲袋行出課室。我相信呢一刻，應該激到果三條友扎扎跳。我一行出門口已經見到婉婷挨住走廊牆等馬我，我即時將雙手從褲袋抽出來，廢時比佢見到我扮型。但婉婷應該都見到，所以輕輕笑咗一下。

即使婉婷無化妝，但依然係好靚，特別係笑起來既時候，皓齒朱唇，相當迷人。而學生look既婉婷，顯得更清純可愛。

事實上今次係我讀書以黎，係學校第一次同家姐以外既女仔食lunch，以往我都係同家姐或者果三條粉皮食。但因為家姐係prefect，佢逢星一、三、五都當值，所以只有星期二同四會同家姐食。

我同婉婷黎到學校附近既一間餐廳，因為午飯時間人多，我同婉婷只能夠坐卡位既一邊。而間餐廳既卡位都算幾逼，所以我同婉婷兩個人都貼得幾埋，幾乎手臂貼住手臂咁濟。我都驚婉婷會介意，所以問：「呢到咁逼，不如我地轉食另一間囉？」



婉婷一副唔介意既樣：「唔洗呀，我覺得咁樣ok。何況呢間啲嘢好味，我都幾鍾意食。」聽到婉婷咁講，我對婉婷既好感度又上升啦。婉婷性格咁好、靚女、同我又算係讀書夥伴，而且而家仲要有埋共同話題，有一瞬間，我內心係到諗，如果婉婷做女朋友都幾好......

因為Marvel 呢個話題，令我開始了解婉婷更多。而且我地兩人開始變得熟絡起來，話題逐漸擴闊，我同婉婷有更多嘢講，唔再似以前只係傾功課咁無聊。

係家庭背景上，其實婉婷都同我幾相似，只不過佢係獨生女，無其他兄弟姊妹。佢父母一樣都係長期外地工作，所以平時屋企都係得佢同工人兩個。

食完飯返到學校後，我先岩岩坐返埋位，三條蛋散已經即刻圍過黎，三個連珠炮彈係咁講：

口水佬：「容我稱呼你一聲大佬！大佬！」



豪仔：「唉，阿明真係爽，有女仔約」

豬肉榮：「dllm，羨慕死人啦！究竟同班花出街睇戲同共進午餐係咩感覺呀？」

我懶得戚咁講：「其實都無咩特別呀，咪好正常咁睇戲食飯」。其實唔單止呢三條友，班上其他同學見到我同婉婷lunch都充滿晒好奇，係咁討論。

婉婷挨住牆身既學生look示意圖：