越界的姐弟戀（甜）: 第一部-第九章：約會（一）

我同家姐拖住手行咗轉海港城後，就去咗食日式放題燒肉。因為我每次出街都會同家姐講聲：「家姐，我聽日約咗個同學出去呀」。家姐知道我社交圈子係好細：「係咪又同你果三個朋友出去玩？」其實我自己都有啲唔好意思開口：「唔係呀，女同學黎」。家姐只係輕輕咁「喔」咗一聲就繼續食嘢。

食完飯睇完戲後，我就同家姐返屋企。但唔知點解，自從岩先同家姐講完聽日我同女同學出去後，家姐就無咩出過聲。即使睇完戲後，我不斷同家姐分析啲劇情，但家姐個反應都係好冷淡咁。唔通家姐介意我同女同學單獨出去？

返到屋企後，我忍唔住問：「家姐，點解你好似睇落好唔開心咁既？」家姐擰一擰頭，帶有一點優傷既語氣講：「唉，只係突然覺得阿明你大個仔啦，而家已經識女仔約出去玩，以前都只係淨係識跟住我後面」

原黎家姐係因為呢個悶悶不樂呀......我同家姐解釋：「家姐，咩你講到我好似我唔會再跟實你咁架，我成世都會痴住家姐你架！何況我聽日都唔係出去玩呀，只係有個女同學約我去圖書館傾功課。」

家姐終於笑返：「你而家未有女朋友先咁講，到時你搵到果時，就會將我呢個家姐放埋一二邊」。由於老豆老母長期唔係屋企既緣故，我同家姐自細就好似相依為命咁，所以我地兩姐弟啲感情好深厚。我實牙實齒咁講：「一定唔會架！家姐咁錫我，我一定唔會唔理家姐！」



家姐：「你知家姐錫你就好！快啲去沖涼啦，沖完到我沖」。見到家姐開心返，我個心都安樂返啲。

《星期六》

放假時，家姐一樣會起身煮早餐，但就唔會好似平時返學6、7點咁早起身，我地多數9點就起身，唔會話訓得特別晏。食緊早餐時，家姐問：「阿明你今日溫到幾點呀？會唔會返黎食夜晚？」

家姐放假同我一樣，都好少會同啲朋友出去玩，平時啲假期都係我同家姐兩個人一齊過。不過其實家姐唔似我，平時係好多人約佢，但因為驚我一個人會有咩事，所以都好少出去，會選擇陪我。我：「應該都唔會溫太耐，我會返黎同家姐一齊食夜晚既」

我十一點五十分就係圖書館樓下等婉婷。過咗唔洗五分鐘，我就見到婉婷由遠處行緊過黎。而出街裝扮既婉婷，完全令人眼晴為之一亮，同平時返學既佢比較，簡直係判若兩人。上身白色T-shirt ，下身格仔短裙，再加上化埋妝，所以比平時更為吸引，青春誘人。



婉婷行到我面前，舉起隻右手係我眼前揮咗兩三下，但我完全無反應，因為我雙眼完全被婉婷濃厚烏黑既披肩長髮、楚楚動人既樣子、一雙水靈靈既大眼睛、看似雪白柔軟既玉臂、修長既雙腿攝住咗。

婉婷衣著示意圖：