越界的姐弟戀（甜）: 第一部-第八章：周五放鬆日

連我都估唔到自己會答應得咁爽快，更何況係果三條蛋散，佢地笑住咁講：「wow，有人要拍拖啦！」。婉婷都無理到佢地三條友：「咁我地聽日十二點圖書館等」。講完之後，婉婷就轉身走人。

一聽到係約圖書館，三條蛋散即刻展開恥笑mode：「哈哈哈，都知係溫書架啦」。而我實在太頂唔順呢三條友：「起碼我有女約溫書呀」。就係咁，三條煩膠一直煩到我到校門口。

家姐已經係學校門口等緊我，果三條友一見到我家姐，流晒口水咁既款。我對住三個發晒懵既傻佬講：「喂，我同我家姐行先啦，下星期見」。果三條友烚熟狗頭咁既樣，完全無晒反應。

我都懶得繼續理佢地，行到家姐面前：「個Michael 呢？仲以為佢會繼續纏住家姐你」。家姐笑一笑：「佢比中文阿sir捉咗去留堂。無佢跟住，人都輕鬆好多」。哈哈哈，原黎條MK仔無做功課，比老師罸留堂補做，認真抵死。

我同家姐準備走，回頭望一望果三條蛋散，依然雙眼發晒光咁望住我家姐。家姐知道佢地三個係我死黨，所以都懶得去理佢地，換著其他人咁昅佢，家姐實講：「昅夠未？未見過靚女？」。



因為我同家姐覺得返咗成個星期學，辛苦足成個星期，所以逢星期五，我地兩個別會出街食飯當慶祝下：「家姐，今晚我地食完飯去睇戲囉？」。家姐聰慧過人，對我都好了解：「係咪想睇Avengers 3呀？」。我自己好鍾意睇呢類英雄片，所以每次有新片，我實會拉著家姐帶我去睇：「哈哈，家姐真聰明！」

返到屋企後，我地換咗套出街衫就準備出發。家姐平時出街都著得好簡單，好多時都T-shirt 牛仔短褲就搞掂。但家姐天生麗質，所以無論佢點著，都會散發著一股仙氣。雖然家姐對潔白晶瑩既長腿我日日都見咁濟，但每次見都係覺得好吸引。換完衫後，我同家姐就出門去食飯睇戲。

中四既我，體格上已經差唔多發晒育。每次出街，家姐都會拖實我隻手，所以係街外人眼中都可能以為我同家姐係男女朋友關係。而且街上啲男人都會散發羨慕既眼光咁望住我。

點解家姐會拖我隻手？其實係因為細個果時，有一次家姐帶我落街買飯，當時貪玩既我，經過一間玩具鋪時，被櫥窗啲玩具吸引住而停咗落黎。家姐當時都無太留意，而當佢再次想叫我時，已經發覺唔見咗我。

雖然最後都搵得返我，但家姐驚我會再走失，所以自此之後，每次出街家姐都會拖實我隻手。呢個習慣，家姐直到而家都無改到，而我都好享受呢種被人拖實既感覺。



家姐出街衣著示意圖：