越界的姐弟戀（甜）: 第一部-第七章：林婉婷

我同家姐讀緊既呢間中學係Band 1學校，雖然我仲係中四，但已經開始感受到啲壓力。因為每科啲老師由中四第一日就開始催谷你，灌輸DSE失敗等於人生失敗既思想比啲學生。正因為係咁，大部份既學生都專心讀書，玩都好少玩，所以都唔會話有啲咩惡霸出現。

雖則我份人性格內向，只同熟既人玩得比較埋（果三條茂利），但由於我成績頂瓜瓜，係全班第一，班內好多同學都會問我功課，都算叫做有人緣。當中都不乏啲靚女同學，所以果三條蛋散茂利成日都好羨慕我。

林婉婷，身高165cm、體重約50kg、上圍目測有B-C cup，佢係其中一個經常搵我傾功課既女同學。佢同我同年，而我對於佢屋企背景我知得好少。婉婷由中一就已經同我同班到而家。婉婷成績其實都好好，全班第二，各科分數都同我好接近。

我相信你一定會問我，婉婷有咁好成績，點解都仲要搵我傾功課？呢一個我都曾有過疑惑，所以我係中二果時都曾問過佢，而果時佢講：「知己知彼百戰百勝呀嘛，我要搶全班第一！」。既然佢都咁講，我當然都信佢啦，加上有佢一齊傾功課，我自己都進步唔少，所以都無理咁多。

但一個女仔係咁搵你傾功課，比其他人見到都會覺得唔對路，特別係我果三個茂利死黨，成日都會係到話：「有女仔送上門，唔係有得食唔食呀？」。但其實我同婉婷每次傾計，除咗功課外，其他野都好少傾。



更何況婉婷係級花，身邊都有唔少追求者。係我既角度黎睇，婉婷應該係唔會鍾意我，一來平時無咩話題，二來佢咁靚女，所以我次次同三個死黨講：「咪玩啦，邊有可能」。我開頭都對婉婷無咩野，不過比佢地講講下，再加上婉婷愈大愈靚，其實都有少少心郁。但係婉婷同家姐相比，婉婷無咗果一種姐姐既成熟味道。

上堂聽書、小息lunch time吹下水、落堂，咁就過咗一日。我準備走之前，婉婷走咗黎搵我：「阿明，聽日得唔得閒？」。因為我三個死黨都係隔離，佢地一聽到即：「wow，有女約，爽歪歪啦」。不過我都有少少奇怪，平時婉婷約我都係傾功課，而且係約放課後，從來無約過我星期六日/假期。我驚訝咁講：「聽日星期六wo？」。婉婷只係回返一句：「咁得定唔得？」

平時我都無咩人約，星期六日放假都係留係屋企溫書或者同果三條蛋散打下機，所以我其實都無推婉婷既理由：「OK呀，聽日無問題」。今次係除咗家姐以外，第一次有其他女仔開口約我放假出黎，所以嚴格黎講，都算係第一次同女仔約會。