越界的姐弟戀（甜）: 第一部-第六章：返學

家姐出房後，我就起身落床換校服，跟住去刷牙洗面出廳食早餐。因為老豆老母工作既原因，再加上仲要睇住我呢個唔成熟既細佬，所以家姐細個時候就好獨立，煮飯呢樣嘢，對家姐黎講，完全就係輕而易舉、小菜一碟。家姐就係一個美貌與廚藝並重，「入得廚房，出得廳堂」既女仔。

我細個果時，腦海中都曾幻想過將來大個娶家姐做老婆。但隨著年紀愈大，就愈明白呢樣野係無可能發生，所以都逐漸打消咗呢個諗頭。

家姐計好晒時間，我搞掂出返廳，餐枱上就已經放好咗兩個早餐。家姐一見到我，就用好溫柔既聲音：「阿明，快啲過黎食早餐」。享用完早餐後，我同家姐就孭上書包同著鞋返學去。

落到樓下，門口早已有一位等候家姐多時既追求者。家姐一見到佢：「又係你呀？都叫咗你唔好再走黎我樓下！」。點解用「又」？呢一條友叫Michael，追咗我家姐成年，呢排更加玩埋接送，日日朝早返學走黎我樓下，懶係護花使者咁。Michael 份人面皮都幾厚：「接送Michelle 返學，係我作為護花使者應有既責任！」。

家姐聽完後反晒白眼：「我有細佬，唔洗其他人」。Michael 挺胸收腹：「Michelle 你細佬瘦猛猛，要好似我咁先夠晒資格架嘛」。Michael邊講邊show佢手臂肌肉出黎。不過講真，Michael 身型係幾fit，身高應該有180，頭髮set咗個韓仔頭，整體而言都算係一個靚仔。但份人太口花，呢樣正正係家姐最唔鍾意既野，所以呢條友十成十都係無機會。



家姐都懶得繼續同佢拗，拖住我隻手就走，而Michael 就一路跟住我地兩個。Michael 行到我隔離：「細佬，你家姐隻手係咪好滑呀？」家姐又唔係隔得遠，當然都會聽到：「阿明，唔洗理呢條友，我地行返啲返學」。我果時心諗：「死MK仔，葡萄吧！家姐隻手淨係得我可以摸！」

返到學校，家姐依舊用好溫柔既聲同我講：「阿明，咁我地放學見啦」。個嘔心死MK仔Michael拍晒心口對住我講 ：「細佬你放心，跟住落黎包係我身上」，有時我真係會有一絲衝動，想一拳打爆佢。家姐理都無理到佢，轉身就走人上課室。面皮成吋厚既Michael，緊係立即跟住我家姐。

我一入到自己課室，已經feel有三對邪惡眼神望住我，而我返到埋位，三條友就一擁而上。呢三條友就係我由中一到而家既毒L死黨：

（1）黃向榮，豬肉榮，係一個好肥既死肥宅，喜好係睇蘿莉類既動漫。

（2）李家豪，豪仔，份人矮矮細細，超毒毒男一個，喜好係睇韓國女團。



（3）張嘉晉，口水佬，份人好多野講，最鍾意講咸濕野。

口水佬邪笑咁講：「hehehe，阿明你就爽啦」。我緊係R晒頭啦：「爽啲咩？」。豬肉榮：「扮咩，今朝豪仔見到你拖住你家姐隻手」。

呢三條友一直都好羨慕我有個咁靚既家姐，係佢地腦海中會充滿晒姐弟戀情既幻想，仲會不斷係到講啲姐弟戀既動漫，好似就係到鼓勵緊我去鍾意家姐咁。