在西貢，見到日本兵的鬼魂: 第十七節

在我的指示下，其他人也把背包內的所有東西拿了出來。
 
我逐一查看，如我所料，我們之中其中一個人的個人物品正好沒有了遊船河必備的東西。
 
「各位，我已經知道左邊個人係兇手啦！」我說。
 
「吓？係邊個？」兇手聽到我說之後面露了一個冷靜的神色。
 
「講出個兇手之前，我仲有幾樣野要問一問，我陣間問既問題如果有人答唔到既話，咁嗰個人就係兇手啦！」
 




其他人的神態也開始緊張起來。
 
「阿釗，第一次我地發現周老闆死亡既時候，你有冇留意到沙灘上有幾多個腳印？」
 
「呀……..我唔係好記得！」阿釗對於不能回答我的提問有點不知所措。
 
「阿亮，周老闆死既時候佢身對手有冇帶表？」
 
「呀…….有！」
 




「咁係帶左手定右手？」
 
「……..好似係左手，又好似係右手，總之佢一定有帶錶啦！」阿亮說。
 
其他人看見阿亮和阿釗不能回答我的提問，開始慢慢的行開並遠離他們。
 
「大家唔駛咁驚住，我再問落去先，經紀張，周老闆有冇帶頸鏈？」
 
「有！」
 




「咁佢隻錶係帶左手定右手？」
 
「右手！」
 
「船家，阿培同志文，你地又答唔答到我周老闆隻錶係帶左手定右手？」
 
他們「你眼望我眼」，沒有一個人可以準確回答到我的提問。
 
「明白，我今次可以確定到邊一個人係兇手啦！」我說。
 
「係邊個呀？只有經紀張答到你既問題，咁即係其他人係兇手？」志文說。
 
「唔係，兇手係經紀張！」我用手指著。
 
「我？我全部問題都答到晒，點解會係我？你唔係話答唔到既人先會係兇手咩？」經紀張說。




 
只見阿亮和阿釗鬆了一口氣。
 
「根據犯罪心理學，當一個犯人如果想避開自己嫌疑既時候，佢對於所有問題都會用一個肯定既答案去證明自己係清白既，好似我之前問係頸鏈同手錶帶邊一隻手既時候，其他人都答唔到只有你一個用肯定既答案回答我，我就知道你就係兇手！」
 
「咁都係證明我記性好，唔通咁就代表我殺人呀？」經紀張說。
 
「仲有一樣野可以確定到你係兇手，呢樣野係冇得反駁。」我著他們跟我一樣蹲下身子，看一看各人背包內的物品。
 
「各位，你地睇唔睇到有咩野係我地個個人都有，而經紀張既個人物品係冇架？」
 
「唔…..拖鞋或者鞋？」志文說。
 
「冇錯，就係拖鞋！一般情況下，去遊船河既人背包內一定會帶備了數樣物品，包括毛巾，內衣褲，泳褲，拖鞋或其他沖身物品等等，我地架船沉左之後，大家仲記唔記得我地上左岸，大家都換左對拖鞋？」
 




「我記得！因為對鞋太濕著唔到，所以我地個個都著晒拖鞋！」阿釗說。
 
其他人看著經紀張發現他現時穿著的是一對波鞋，其他人於是紛紛走開並走到我的身後。
 
經紀張的眼神很冷酷感覺有一點陰沈，如果說日本兵會下咀咒的話，此刻經紀張看著我的是充滿怨恨的眼神，與他雙目交投讓我有點渾身不自然，我盡量抑壓著自己不安的情緒，並把視線移開。
 
「我繼續講落去，經紀張著住拖鞋殺左周老闆之後，用倒後行既方式行返去個樹林度，佢倒後行係想轉移視線想將殺人既事情推晒去俾日本兵度，令我地信以後所有殺人事故都係日本兵既所為，由於佢知道成對拖鞋行完沙灘後成個鞋底都係沙，所以佢拋棄左對拖鞋，而之後全程都改著住波鞋，之後再行返去草地扮瞓覺，經紀張，我既推理有沒錯？」
 
經紀張還是依舊看著我們，沒有作出太大的反應。
 
是我的推理錯了嗎？正常來說，兇手被人識破了詭計之後一會作出反抗或是說些什麼去為自己辨護，可是眼前的經紀張出奇的冷靜。