在西貢，見到日本兵的鬼魂: 第十六節

看著自己的個人物品，我靈機一觸想到一個可以把兇手抽出來的方法。
 
「係啦！用呢個方法，雖然未至於百份之一百可以確定到兇手既身份，但係至少都一定啱左七至八成！」
 
如果現在就把這個方法說出來的話，說不定兇手會因為自己的身份被識破而把我殺掉也說不定！可是，如果不說出來，或許再會有人被殺，我應該如何是好？
 
我看一看在場的人數，除了被殺的周老闆，大昌和失蹤了的阿信之外，現場一共有七個人，我假設其中一個人是兇手，即是他要面對著我們六個人，如果真的發生打鬥或其他事情的話，計人頭我們一定必勝！
 
我看一看自己的手錶，時間為早上五時正，即是說我們要等待救援的話，說不定要再等五至六個小時。
 




我行去之前我們在沙灘休息的位置，並把大昌、阿信和周老闆的背包集合起來。
 
「你做咩呀？」阿釗問。
 
「我諗人都死左，但我地至少都攞返佢地既野俾返佢地既屋企人啦。」我把背包放好，並分別把他們背包內的東西全部拿出來。
 
「你又話攞返佢地啲野俾返佢地既屋企人，而家你又攞晒佢地啲野出黎做咩？」志文問。
 
「其實，我諗到一個方法可以捉到兇手出黎，關鍵就係響我地既背包入面。」
 




其他人聽到之後一臉茫然。
 
「我想講其實我地唔係撞鬼，今次有咁多人死係人為事件，亦即係話兇手就係我地其中一個人！」
 
「你講咩呀！擺明係撞鬼啦！你知唔知呢度係邊度呀？呢度係西貢呀！我地個個行家都知附近呢個區域好猛鬼架啦，我一直唔同你地講，係因為驚你地怕，但係你話兇手就係我地其中一個人，咁即係矛指向我啦，你地成班都係自己人肯定想夾埋屈我！」船家激動地說。
 
這也難怪船家會如此激動，作為一個「外人」，他有這個想法一點亦不出奇。
 
「我同你地講，兇手唔係我，你地唔好屈我呀！」船家指著我不停的破口大罵，情緒十分激動。
 




「船家你冷靜一啲先，我係話兇手係我地其中一個人，但唔代表兇手就一定係你，只要大家跟我一樣，攞晒你地背包裡面既野出黎，就可以好快咁知道邊一個係兇手！」我說。
 
「阿揚，其實你咁做既目的係咩？你而家捉到個兇手出黎都冇用架，陣間佢殺埋你仲麻煩啦。」阿釗說。
 
「我而家完全唔知點解個兇手要殺人，話唔定下一個被殺既人會係我或者會係你，我地而家捉到佢出黎，咁至少我地可以同佢保持距離，你明唔明？」
 
接著在我的指示下，其他人也把背包內的所有東西拿了出來。