在西貢，見到日本兵的鬼魂: 第十五節

如果………
 
「喂，快啲起身！又死左一個人呀！」經紀張一聲大叫。
 
原來我不知不覺間睡著了，我張開雙眼，看著經紀張所指示的方向。
 
今次躺在沙灘上內臟被割開了的人是大昌！死狀和周老闆一樣，內臟散落到一地也是。
 
「阿信呢？阿信唔見左呀！」阿亮也在大叫著。
 




情況有一點點混亂，因為就在我們睡著的時候，就發現大昌被殺掉和阿信失蹤，其他人也起身四處尋找阿信的蹤跡。
 
為怕發生意外，我們分成數個小組去找尋阿信，而我則和志文一組。
 
「唔係掛？又死一個？下個會唔會到我地架？」志文說。
 
「其實你覺唔覺得好可疑？我地之前先講好左大家都一齊唔瞓等天光，但係我地突然之間全部瞓晒，仲要有人死左我地都唔知？」我說。
 
「話時話，你又講得好啱！」志文說。
 




「我諗，其實成件事冇我地想像之中咁簡單，呢個應該係兇手一早已經安排好既殺人計劃都唔定！」
 
「你咁講，即係呢度其實冇鬼，而且響我地呢班人當中有殺人兇手？」志文一臉錯愕。
 
「冇錯！」
 
「但係你又講你之前見到有鬼喎，咁你又點解釋呢？」
 
「我假設兇手有兩個，一個負責殺人，另一個就負責扮鬼分散我地既注意力，至少到而家為止我估其他人都仲係以為佢地係被日本兵所殺既，係咪？」
 




志文點頭示意明白。
 
我續說：「其實要響沙灘度殺人之後唔留低自己既腳印其實唔難，只要兇手背著周老闆行去沙灘，再跟住腳印倒後行一次，咁就可以只留低一個人既腳印！」
 
「咁即係兇手係我地咁多個人裡面既其中一個？」
 
「冇錯，不過我仲未諗到辦法捉呢個人出黎，我地唔好講呢樣野住，快啲睇下見唔見阿信先啦！」
 
我們在島上四處尋找，可是還是找不到阿信，過了不久，我們就在沙灘集合。
 
「我地搵過晒都唔見，可能阿信俾日本兵殺左都唔定啦！」經紀張說。
 
「日本兵，唔好殺我呀，我俾返啲鑽石你啦，你唔好殺我呀，我同你無仇無怨！」船家不停的向四方八面「參拜」。
 
「阿揚，啲鑽可你咁想要，我地俾晒你啦，我唔要呀！」阿亮把他的鑽石給了我。




 
其他人也一樣把所有的鑽石給了我，我當然老實不客氣把所有鑽石接收再放進我的背包。
 
我把背包的東西全部拿了出來，好讓背包可以騰空一點空間或者看看有什麼東西可以拋掉去減輕背包的重量。
 
我把背包內的東西逐一放好。
 
「咦？用呢個方法係咪可以推斷到邊一個係兇手呢？」
 
看著自己的個人物品，我靈機一觸想到一個可以把兇手抽出來的方法。