前度: may2.6

有日係走廊同bobby傾計，May係操場行過，行去師弟個邊。

我：你睇下阿May，依家幾幸福⋯開心過同我個陣好多⋯

Bobby搭住我脖頭：唔洗唔開心啦，快D搵返一個女朋友，你就會忘記左May既啦。

我：真係有用咩？

bobby：當然有用啦，忘記痛苦，咁就需要搵到快樂去忘記。



我靜靜地望住May，個鼻開始有少少酸酸地⋯我⋯

bobby：chris，唔洗等阿May啦⋯May唔會返黎既啦⋯May依家個心完完全全係師弟㗎⋯

Danny突然行過，都走黎講幾句：係啊，你放低阿May啦。

我：嗯⋯我會既啦。

Danny：你覺唔覺May同師弟好襯？



我聽到依句，我個心即刻好似滴血咁，因為我⋯我都好認同依句說話，佢地兩個真係好襯⋯⋯同我一齊簡直係鮮花插係牛糞上。

我會忘記你既啦，May。

一年後中六，我有新既戀情，同左另外一個師妹candy拍拖，但同大家情況一樣，依段感情只維持左半年，半年後我畢業，依段感情亦都無左。

新女朋友candy，我並無同佢扑過一次嘢，亦都無發過一次脾氣，可能我將對May既內疚，無俾到May既好，補償左俾candy。

好多謝May令我成熟左，唔洗好似以前咁咁幼稚。



我對Candy有無微不至既照顧，我fd都覺得我成個暖男咁，有時我覺得自己溫柔到，似candy既老豆多過似男朋友。

我：20:30 聽日好凍著多D衫啊。

我：20:21 M痛飲D紅糖水啊。

May既感情好穩定，佢同個師弟拍拖到我畢業都無分手，May今次真係無揀錯人，佢揀師弟係正確㗎。

我偶然同candy一齊返學時會撞到May依對情侶，但我始終都無望May佢地一眼，因為我到依一刻都未完全放得低May，我好驚我望到佢個陣，我好驚見到後個失慌樣會俾阿May見到⋯

畢業個日，我著住套校服俾同學寫低自己既心底說話，搵同級fd底既同學互相寫嘢，我既六年中學生涯要結束啦，個日，我係學校無撞到阿May，我亦都無特登去搵阿May，無同阿May講一句再見。

我走到去操場，準備同全級同學係操場影個大合照，中六各班既同學都落曬去，大家企定定，由聽日開始，我地唔再8點05分前衝入學校，無得再同一大班同學嘻嘻哈哈吹水𥄫女。

：各位同學，請望一望上面，我地準備影張大合照。



我望一望樓上拍照既老師，無意中睇到一個熟悉既身影係走廊行過。熟悉既馬尾，熟悉又陌生既側面，笑容依然都係咁甜。

我深深吸一口氣，發自內心地笑一笑。

我畢業啦，
再見啦，
雖然我無親口同你講，
我亦都唔知你想唔想聽我講句再見，
我想同你講，
你陪伴我個段日子真係好開心，真係好難忘。
可能你已經忘記左我。
但係你⋯⋯你一定要繼續咁開心，
要同師弟繼續幸福快樂啊，
願佢繼續保護你，


May