前度: may2.5

一個人靜靜地既時候，我都會想起阿May，如果落咁雨，我依種思念更加強烈，不斷湧入我既腦海。

我既腦海全部都係May既畫面，同May既回憶。


May：快D同我食曬D菇佢。

May：喂啊，唔準扮可憐既樣俾我睇啊。

May：送我返到樓下啊，好唔好？



May：我好俾心機整㗎，你快D試下啦～好唔好味啊？


依D回憶令我不自覺地笑左一下。

但畫面又好快轉到同佢分手，佢同另外個男仔一齊，佢同師弟嘻嘻哈哈既畫面，佢同師弟好甜蜜咁一齊返學，我眼眶就會濕潤起黎，但我強忍住唔流一滴。

用手拍一拍自己，同自己講振作D。



chris，已經過去左啦，唔好再咁傷心啦。


（說不上愛別說謊，就一點喜歡）
（說不上恨別糾纏，別裝作感嘆）


我開始積極做其他嘢，希望可以用轉移依種思念既感覺，有時我會瘋狂地打機，有時攞個畫板出黎畫畫，令自己無多餘既時間去想起佢。

我以為會有用，但最後發現，當我打完機畫完畫，我個腦會即刻唸起佢。唸起佢對我既溫柔，唸起佢既笑容。



後黎我依D從來唔做運動既人，竟然走去約其他同學放學放假去打波，因為人地話，做完運動，出一身汗，你所有既煩惱負面情緒都會消失⋯

但好可惜既係，打完波，D同學有女接送，搞到我又唸起阿May。

兄弟們一直安慰我，想幫我脫離依種感覺，唔敢係我面前提起阿May依個日，但我既思念點都停唔到，兄弟既陪伴，反而我唸起May個句說話。

May：朋友重要過女朋友，女朋友可以搵過⋯朋友無左就無左既啦⋯⋯

個心即刻隱隱作痛，

我苦笑左一陣，呵，係啊⋯我依家真係無左女朋友啊，但我仲有兄弟，呵呵，你真係講得好啱啊，May⋯

我既使命係陪伴，而May既使命係令我成長，成長唔一定會得到D嘢，但一定會令你失去D嘢。



人類總是犯同樣的錯誤，總係要失去先明白如何去愛一個人。

每次聽到D同學講起阿May既近況，新相，我都係苦笑。

隔離檯個同學伸個手機過黎俾我睇，而螢幕裡面既女仔，係阿May。

：喂，chris，你覺的女神May正唔正啊？

我：哈，正啊，但人地有男朋友喔，你又啱啊？

：無所謂啦，J下姐，理得佢男朋友係唔係男神啦。

我：咁你慢慢繼續睇佢D相慢慢繼續J啦⋯⋯