上左個肥婆身, 好難移動呀: 第二十九章: 報仇

我知道，呢種係屬於佢既温柔。
我幫佢整理好成個人，刮走唒啲鬚渣，洗翻乾淨個頭，再清理好枱面既垃圾。
原來，可以為佢做每一件事，係咁幸福。
我真係好想，下半世都繼續幫佢打理屋企，幫佢整理家頭細務....
我幻想我同佢以後一齊生活..我每日煮好飯等佢翻黎食，再幫佢放水沖涼，佢會笑住咁叫我老婆，然後成身臭汗攬埋黎。
「嘻...」
「諗緊啲咩咁好笑？」
「唔.....夢想囉。」
「你竟然有個dream？」
「你啲凡夫俗子唔會明，我夢想係得到全世界！」




Johnny笑住咁捏左塊面一下:「有我重唔夠咩？」
傻佬，你咪我全世界囉。

第二朝，我地整理好唒所有裝備，就同johnny同伯母一齊岀發去接理香姨。以防萬一我地三個帶左比上次更加多既武器，電筆，小刀，避彈褲通通一應俱全。
「理香姨...慢慢黎...呢度上車...」理香姨既身體重未完全康復，雖然行得走得，但步速依然好緩慢。
「因如.....你確定你老豆一定係屋企？如果唔係既話我地翻去一定凶多吉少。」
我一早派左偉言上左我之前比阿dom監視間屋去查，佢頭先已經報左料話確定見到爸爸有翻到屋企。
「放心啦，理香姨，一切都係計劃之中。」
大約4點幾，我地架車已經到左屋企停車場。
已經成兩個月冇翻黎.....但老豆同katy一個電話都冇比過因如。係佢地眼中，仔女究竟係咩野？




商業工具？定淨係等家族望落風光小小既所謂家人？當中又有冇愛既存在？
為左安全起見 我安排左伯母同理香姨係車度唔好岀黎，我同johnny兩個行先一步走向屋企視察情況。

我慢慢咁拎起屋企鎖鑰，屏住呼吸咁....開左道門。
屋入面...空無一人。
「岳父會唔會係房做緊野？」johnny 咁快轉口叫岳父。「閘住，等陣見到佢唔好咁叫佢呀！」我面都紅唒咁望住佢。
之後我地上樓上小心翼翼咁行去爸爸間房。一上去就見到房門半掩，睇黎爸爸應該係入面做緊野。
我示意johnny係門口等，廢是爸爸見到佢會覺得奇怪 ，都係我打聲招呼會好啲。
我慢慢推開房門行入去.......
「呀！」突然有人扯左我入房，再一野關埋房門鎖住左！




「心如！心如！屌你班仆街門門呀！」我淨係聽到，門既另一邊係johnny嘶心裂肺既叫聲。
我一下比人捉住擲落地下，成條腰好似骨折咁痛。我揉住條腰骨向上一望。
房入面根本冇爸爸。
只有katy姨，媽咪，同杏子。