上左個肥婆身, 好難移動呀: 第二十七章: 七魂六魄

「醫生....你咁講咩意思.....？」
「代表....你揾翻你果一魄之前.....你唔可以轉世做人.....」
我個心沉左一沉.....佢咁講係咩意思......
「要用一個人既軀體生活，一定要有七魂六魄先係一個完整既靈魂。咁佢先有足夠能量去過人既生活。
相反，如果你揾唔翻果魄....你下生下世都淨係可以轉世做蓄生....」
「冇可能......人唔係......有三魂七魄咩？....點解會變.....七魂六魄.....？」
「三魂七魄係你地世人所傳既姐。其實每個靈魂一直都係七魂六魄，少一個都唔得。而蓄生就七魂三魄都可以駕馭嫁啦。」
即係.....我唔可以再股胎做人......？
冇野比呢個消息黎得更加震驚.....點解會咁.......我冇得再做人.....？
呢一刻，我先發覺，原來可以做人....係幾咁難能可貴既事.......

「醫生.....我重有啲......事.......一定........要做.......求.....下你.......幫我........」
我跪左係度，緊緊捉實大叔。我唔可以死住.......我重有事未完成.......我唔可以死.....
伯母見到我咁，都心痛到喊左岀黎。
「阿海，你幫下佢啦.....我都求下你......」
伯母邊喊，邊陪我跪埋一份。
「阿詩......你地唔好咁啦....唔係我唔想幫你.....我都好難過嫁....問題係我都唔知佢果魄去左邊.......」大叔一臉難做咁想拉翻我地起身。
「阿海...我知你有....果樣野.......」伯母講完，大叔面色即刻沉左落黎。
「阿詩......咁我好難做.....何況至多都係用得一星期.....」
伯母望住我問:「我地至多可以比你生存多一個星期，你得唔得？」




得......一個星期？
但係......
我都唔想錯過.....
就算得一日，我都要翻翻去。
我點點頭。大叔好無奈叫望住我地:「唉....你又欠我一筆啦阿詩。拿，真係得一個星期咖咋。」
之後...佢慢慢行左入房....拎左一個樽仔岀黎....入面有個光點，發住藍色既光....
「呢個係我自己之前儲落既魄....之前比靈管局既人發現左沒收唒.....好彩呢個佢地刮唔到.......呢個係唯一一個啦。」
講完之後，佢拎起藍色既魄，放左入我天靈蓋入面。
藍光一下子消失左，但我個身.....又充滿翻力量！

我同伯母瞬間去翻山頂，即係一開始伯母揾到我果撻草地度。
我同伯母即刻跑去屋度，但度門鎖住左。我穿過門入屋，見到因如重好似三個星期前咁訓左係度。
佢唔會.....已經死左掛....
我行埋去，入翻去因如入面。
奇怪？點解個身體同三個星期前冇分別，行得走得既？
我即刻衝去開翻道門比伯母，佢見到佢有翻軀體用，都安慰起上黎。「心如，個軀體如果完全冇靈魂住係入面嫁話係唔會消耗能量嫁，所以你先可以好似之前咁。」
「但我見到因如係入面喎....」
「因如一直沉睡緊，你就當佢係一個不吃不喝既租客一樣，係唔會用到個軀體既力量。唔好再研究啦，你冇咩時間，快啲去做左緊要野先！」
我點點頭，再拉住伯母揸車去阿dom屋企。
「等我揸，我上次上過阿dom屋企飲茶知係邊。」伯母講完就坐上司機位開始飛車，手車穩到爆唒速都冇小小頭暈既感覺。
「伯母....呢三個星期....johnny佢點？」
「唉....你唔講我都唔記得話你知.....呢三個星期你失左蹤，佢第一個星期不斷周圍去揾你，日日都捕住個電話等你msg。
到第二個星期，佢開始貼街招，但入面你個樣係佢用手畫岀黎...佢驚貼你真樣會令你危險.....
到第三個星期.....佢成個人好憔悴咁，24小時咁開住陰陽眼岀去周圍行....佢驚你個靈魂走左唔識翻黎......佢飯又食得兩淡，之後就急急腳岀去揾你....日日如是....
睇到我不知幾心痛......你快啲打翻個電話比佢報個平安先啦....」




我聽完之後，鼻酸酸，流左幾滴眼淚.....我之前重因爲一段死人錄音...懷疑過佢.....
人與人之間既猜疑，究竟浪費左一生人既幾多時間？
直到而家得翻一個星期.....我先真真正正感受到，所謂既活在當下。