上左個肥婆身, 好難移動呀: 第二十三章:激情
「喂，快啲過黎，你媽咪同魚肉啱啱入左去。」
我即刻戴上無線耳機，準備偷聽入面既情況。
入面既傳岀小小開水聲，估計媽咪同魚肉應該一齊浸浴，鴛鴦戲水緊。
過左陣聽到媽咪既嘻笑聲，聽落係同魚肉沖完行左岀黎。
「阿媚，你真係...越黎越正....」話口未完就聽到啲口水交纏既聲，應該係打緊茄輪。
但一諗起裏面係自己老母果樣，即刻覺得成件事好嘔心。
我望望johnny，發現佢偷偷地拉緊件衫。
仆街，佢竟然扯左。呢條友究竟有幾重口味？
冇幾耐，耳機就傳黎大戰緊既啪啪聲，媽咪一路嗌到剁豬咁，唔洗耳機隔住牆都聽到。呢度啲隔音真係差到漏油，連305房既情侶呻吟聲都聽到。
「呀！....快啲呀！你......真係.....呀.....好....勁！」媽咪已經比魚肉抽插到野都講唔到，啪啪聲越黎越快，越黎越勁，搞左成差唔多廿分鐘先聽到魚肉高潮既呻吟聲，媽咪剁豬咁既叫聲都靜左落黎。估唔到個魚肉咁持久，唔怪得媽咪要包佢。
「嗄....嗄......你真係好叻豬.....」
之後仲聽到幾下打茄輪聲，個房先正式靜左落黎。
「媚，我都話左我邊方面都勁嫁啦。仲有呀，我琴日聽左你吩附去永成大廈幫佢打針，不過佢真係呆到見到我都可以完全冇反應。你究竟落幾重藥落去...」
邊個佢？莫非係理香姨？
「鬼叫佢前幾日發神經，一野抓落黎我皮都損。唔洗受翻啲懲罰咩？你睇下人地隻白滑手手比佢搞到有傷口，幾核突...」
「慘慘！我聽日幫你過去同佢啪多支針，教訓下佢蝦我地媚媚。」
哇屌你老母，諗起入面兩件成百幾歲係度講呢啲，真係好撚核突。
聽到呢度，都有啲眉目，睇黎聽日要去一趟永成大廈，可能有機會揾到理香姨。我望一望johnny示意佢可以放低耳機走人，點知聽到媽咪同魚肉講:
「魚魚....你覺唔覺得304有啲奇怪？我地入左黎成粒鍾，隔離都完全冇聲既？明明302啲叫聲我地都聽得一清二楚。」
我即刻緊張咁望住johnny....係喎....呢度啲隔音咁差，我地一啲叫聲都冇真係好惹人懷疑.....
「你知我份人小心嫁啦...次次我都會確認下302同304有冇人嫁，今日佢明明話兩邊都有人租左，但聽唔到聲我有啲擔心，會唔會比人跟蹤...」
「傻豬...之前你都試過啦，結果我去人地房門隙裝先發現人地做得含蓄啲姐，你估個個好似你叫得又大聲又好聽咩...」
「我唔理，小心駛得萬年船，我而家好唔安心。」
「係啦係啦...我而家偷偷地裝下好未？傻豬黎。」
死啦.....比佢裝到我地偷聽就玩撚完。
耳機已經傳岀魚肉着緊衫褲既聲......點算好.......
「johnny!!!點算好！呢度3樓姐，一係我地跳窗算！」我完全慌哂手腳，開始衝過去開窗。
「喂！你唔好唔痴線啦呢度跳落去唔攤都斷幾條骨啦！加上咁樣咪只會打草驚蛇！我地做翻開房要做既野咪冇事囉！」
「下....咁突發....我未ready喎...」
「唔ready都要ready！」
話口未完佢就一野除左自己件tee同皮帶，一野露幾舊腹肌岀黎。之後就一野除左我件上衣，得翻個bra比我着住。
「屌，唔好成碌木咁啦咩都見過哂啦，快撚啲同我將啲衫亂哂咁放落地下，順手扯半張被落地。」
反而佢成個人非常冷靜，冇一絲既猶豫就開始做野。屌，而家咁危急我重係度扭扭擰擰真係on99，好彩有johnny臨危不亂。
之後johnny扯左我入沖涼房，再關埋門，然後瘋狂吱啲梘液落手度。
「下？係度做呀....得梘液得唔得嫁....」得咁少潤滑會唔會痛死.....
「做你老母咩而家咁既情況我都扯唔起啦！食下腦得唔得呀？！」
耳機已經傳黎魚肉行岀房門既聲。
「佢岀黎啦，叫啦你！」之後佢開始用隻手發岀啪啪聲，加左梘液啲聲特別似，係喎！邊個話要真做！比個假象佢咪得囉！
「呀......Um....呀」
「我屌你比啲掙扎得唔得呀！叫完好似冇叫咁！加啲喘氣聲，銷魂小小啦！」
屌....真係好撚尷尬，冇啦啦要係佢面前淫叫....但唔叫又...我唔想再比人捅多次大脾....
「呀......呀......」我開始盡量扮上原亞衣咁嗌得銷魂啲，越嗌越大聲。岀面既人聽到應該會覺得浴室入面絕對係激戰緊。
實際上只係兩條友木無表情咁坐係度拍手同嗌。
嗌左都大概成2,3分鐘，都仲未聽到魚肉翻翻去房既關門聲。九成係未見到人重未放心得落。
「shu...我地係時後岀去埋尾。」
johnny停止左拍手聲，同時示意我唔洗再叫。
佢故意好大力打開浴室門，再攬住咁推我岀去，確保魚肉睇唔到我正面。
之後佢一野㩒左我落地下，再成個人跪係我上面，上半身壓住左我。
「bb，我就係鍾意你怕怕醜唔敢叫咁大聲個樣」佢故意提高聲量比魚肉聽。但係都重係未聽到佢入房既聲。
「不如..執多劑好冇...」
講完johnny就用手㩒我，一野錫左落黎。
今次.....好似唔係..發緊夢。
我確確實實聽到佢每一下既呼吸聲，甚至佢每寸肌膚，體温，我都清清楚楚感受到...
佢粗暴而橫蠻咁瘋狂錫我...重慢慢....伸左條脷入黎，一下，又一下係我個口度肆意遊走。
我就好似比佢睇上既獵物咁，任佢魚肉，唔識反應....
我淨係知，佢個唇好軟....每一下都好似食緊棉花糖咁......
...佢個身好温暖.....
我個心臟已經就跳到每秒200下...
呢一刻...個世界好似得翻我地兩個咁.....就好似...我.....已經....無法思考.....
慢慢....我已經唔知同佢錫左幾耐....好似呢個空間已經唔存在住時間咁.....
我地似乎已經忘記左本來係度既目的........
Johnny㩒住我既手慢慢變到攬住我條腰，個嘴唇一直冇離開過我。
我完全浸淫左係佢既温柔鄉入面，成個靈魂已經比佢填滿左。我開始攬翻住佢，將佢反壓翻落地下，一直肆意妄為咁錫佢。呢一刻，我感受到我既心跳，靈魂就好似比左佢咁，耳邊彷似響起無數情歌，記錄底我地兩人既激情。
就係咁，我已經唔知同佢錫左幾耐。直到如花打電話叫我地退房，我先發現....
原來我地已經錫左2個鍾。
早係一個鍾前媽咪同魚肉已經一早退房走左，偉言講過佢地每次開房只會買1個鍾。
激情過後，我同johnny都坐左係地下，沉默左落黎。之後我地冇講過一句野，默默咁着翻啲衫就落左去退房。
一路上我地都好靜默，但我個心早已經有一大堆問題...究竟佢係一時衝動定點.....定佢鍾意因如先錫我？定係佢之後會諗住扮無野？我真係冇辦法扮無事咁落去...我做唔到...
「johnny,我..」正當我要問清楚既時候，我見到佢合埋眼，身上既黃光漸漸變做白光。
「你唔會係我一生最愛。」
佢堅定咁行上前，拖實左我。
「仲記唔記得我講過，牧村實冇同真島一齊到，所以佢先成為左真島既最愛。
陳心如，我唔想做你最愛。
我可唔可以成為你第二愛既人？」
我笑住點點頭，拖實佢隻手。
無論發生咩事都好，我都要成為你既第二位。