上左個肥婆身, 好難移動呀: 第二十二章: 賓館
我呆住左企係屋，過左陣先反應到....成件事發生得太突然....
死啦....阿dom自己一個岀去會唔會岀事嫁...
我即刻打比阿dom，但係佢連電話都熄埋。之後我不斷send message比佢，換黎既只有一列既單剔。
我真係好擔心佢有事...始終係我搞到佢咁唔開心...
「我岀去揾佢。」正當我諗住開門岀去果時，johnny拉住左我。
「唔好玩啦我真係要去揾佢！」我一手甩開johnny捉住我隻手，執意要行岀呢個門口。
點知，佢一野抱起左我。
冇錯，佢真係一下公主抱起我，我完全反應唔切咁望住佢。
「我同你講，你岀去追去等於害佢。」
我不解咁望住佢，咁講係咩意思？
「真正鍾意一個人，係要訓練自己，變成一個有膊頭，有腰骨既男人，咁先可以保護自己愛既女人。我所講既磨練，唔單止生理上，更重要係心理上既磨練。
真正經過磨練既人，身上既光係唔會白色嫁，你有冇諗過佢成廿歲人都重係白光好奇怪嫁咩？一個人廿年都冇經歷過真正既痛苦，又點可以成長？
如果佢真係鍾意人，就應該堂堂正正咁去爭取。而唔係每一次都好似細路咁，只要發脾氣就得到想要既野」
Johnny....
雖然佢平時睇落對生活好唔care，但原來骨子裡對自己做人既原則有一份執着。
佢雖然窮過，賤過，甚至做過鴨，呢啲都係世人唔願承受既痛苦。但佢總係可以硬住頭皮咁，去面對一切痛苦。
「如果你追翻佢，我會覺得你悔辱緊男人呢個名。但你而家重要堅持既話，我唔會阻止你。」講完之後，佢慢慢放低我，然後又行翻埋位打assignment 。
呢個男人真係.....
令人又愛又恨。直至夜晚六點，阿dom依然冇覆過我，
其實比johnny點一點醒，回想翻先發覺我一直都當阿dom小朋友咁看待佢，保護佢，一直都小心翼翼咁唔比佢受傷害。
而每一次佢選擇離開我既時候，又有冇一刻諗過，咁樣係會傷害到我。
直至佢呢一刻都冇考慮過，去揾翻我溝通，解決件事。無論係對我既感覺，抑或以前對fafa既愛慕，一切一切，佢都選擇逃避，而唔係盡力去爭取想要既野。
我個心確實對阿dom有失望既感覺。
係咪我以前鍾意得太盲目，一直無止境咁保護佢....先令到佢無辦法成為一個真正既男人？
「係時候岀發啦。」johnny提一提我先醒起媽咪同魚肉會7點係賓館見面，一直掛住諗阿dom件事搞我都失哂神。
「唉，睇下你成個慈母咁。佢走左幾個鍾咋，成廿歲人會有咩事。如果佢連呢種打擊都頂唔到，你真係可以唔洗再考慮呢個人。」johnny 講完已經落左去攞車。
佢講得唔係冇道理...我再心軟只會害左佢。或者，我應該比啲信心信佢可以獨自面對。
而家最重要既係專注翻魚肉單野。如果再感情用事落去，真係會好易岀事。
我深呼吸左一下，收拾好個人情緒。細心咁整理好假髮同口罩，預備迎接下一場仗。
6點半我地已經到左麗晶大賓館。繼今次已經係第二次同johnny入黎，一行入去又係個如花reception。
johnny望見佢似乎有啲尷尬...我先諗起上次我鎖住佢係床就走左...果陣應該係如花入房救佢。如花見到佢重笑笑口叫佢今次唔好玩咁激，搞到我都諗翻起都唔好意思....
我同johnny偷偷貼左個微型偷聽器係303既門底道。佢個門底同門檻個空隙都算寬，有心望實望到入面既精彩畫面。
之後我地就急急腳入左304房，set好哂監聽器，等待獵物岀現。
離佢地至既是間重有半個鍾，我同johnny坐係床度等。張床好軟好舒服，我忍唔住攤左係度，同一但地方，同一個人，搞到我又回想翻翻起上次件事...
「上次....sorry呀。」
「都話上次係嬲你冇比錢。放心喎，我從來都唔覺得賺錢係容易既事。」
johnny若有所思咁沉默左一陣，「其實你唔係我第一個客，亦都唔係最過分果個。」
「重有...更過分？」
Johnny猶豫左一陣，最後都講左
岀黎。
「有一次有個客加錢要我扮狗吠，再用皮鞭打我。果次，我真係覺得，我連一隻狗都不如。我以前係果種好愛面，好唔輸得果種人黎。
但自從我見到老豆老母跪係收數佬面前，喊住咁攬實佢地隻腳求佢地比多小小時間佢地籌錢果陣，我先知我果啲面係幾咁唔值錢，幾咁無謂。
連你愛既人都保護唔到，留個面黎又有咩作用？扮狗扮豬可以換黎屋企一絲既
安穩，扮下又何妨？」
雖然佢笑笑口好輕鬆咁講，但佢既眼神透露岀生活既無奈同痛苦。
究竟要幾愛一個人，先可以承受到呢種悲痛？相比之下，我果種所謂既愛根本微不足道。
望住佢既背影，唔知點解，我覺得，成個人比佢既寂莫感染左。
我不自覺咁，從後熊抱住佢，我好想比知道，有我係度，你唔會再一個人面對所有野。
Johnny擰左過黎，雙眼通紅咁望住我。
我望住佢雙眼，開始覺得...有小小...不能自拔....呼吸唔到既感覺...
佢突然將塊面貼過黎，毫無預兆呆咁錫左落黎..佢條脷慢慢咁伸左入黎，係我口入面瘋狂咁四處遊走。
我地互相擁抱，激吻，彷彿世間上所有事剎那間都變得微不足道。我個心因爲佢，跳得好快.....好快.....
佢慢慢錫落去我耳邊，温柔咁對我講:
「醒啦柒頭！」
我即刻張開眼，見到johnny係床邊一邊戴偷聽器一邊望住我。
「塊面紅到咁？發春夢黎呀？真係成隻豬黎聽左我講一陣野就訓到死豬咁..」
哇屌！
我摸摸自己，流到成面口水！
我望見johnny即刻尷尬到飛起！頭先咩事？撞邪呀！？痴撚線發埋啲咩春夢！
冷靜啲先，佢唔知道...冇人知我發春夢既.....冇人知道.....
....佢永遠都唔會知我個夢，冇事...冷靜冷靜...一定係大腦岀錯.......根本冇人知，唔洗驚...一定係因如.........因如個大腦係鍾意johnny先搞到我岀現呢啲畫面....唔關我事...色即是空....空即是色.....