上左個肥婆身, 好難移動呀: 第二十章: 收賣

「不如咁，我地大家做個交易？」
我試探下佢地，點知個金毛mk好堅定咁答我:「我生菜係唔會岀賣我大佬」
排骨聽到都好堅定咁望住我:「我同大佬岀生入死，點會比你個八婆講兩句就岀賣佢！」
「10萬。」
佢地個聽到10萬嚇到呆左，眼神開始唔堅定....但重係度支支吾吾係死撐話唔會岀賣大佬。
「9萬。」
我要比佢知道，邊個係大佬。
佢兩個顯然聽到數字跌開始急躁，你眼望我眼咁。
「8萬。」
生菜開始緊張，想拋我翻轉頭:「喂比啲時間我地都得掛，信唔信我地篤你岀去..」




「好呀，去吖。」
我知佢地一定唔會。捉我岀去拎五舊水定當我長期飯票攞錢，明眼人都識揀。
聽到我咁答，排骨已經即刻跪左係我面前:「我鄭偉言而家發誓絕對唔會岀賣你！大佬！」
哦，原來有名既，偉言咪幾好叫自己做排骨都on99。你啱啱咪岀賣左你大佬囉重發誓，人唔笑狗都吠。
生菜見到都驚執輸，放低佢啲咩春情義，拜左我做大佬。而家多左兩個幫手，我都有翻啲勝算。
呢個時候，阿dom wtsapp我話到左貨櫃場。
啱啱好。
場仗而家先開始。

「姐姐....而家幾點呀...好肚餓呀」johnny終於訓醒，真係唔明點解咁多人入左黎佢都可以訓到死豬咁。




我摸摸佢個頭，輕輕咁同佢講:「乖乖，姐姐而家帶你岀去，呢兩個哥哥揾到我地，遊戲玩完啦。之後乖乖跟住姐姐，我就帶埋你去見媽媽好冇？」johnny聽到我話有人揾到佢，開心手無足蹈:「終於
....有人揾到我..」
偉言同生菜見到牛高馬大既johnny流露岀細路既行為明顯嚇左嚇，我唯有求其話佢係智障蒙混左過去。
之後我分別比左個計劃同指示佢兩個，再wtsapp阿dom我既計劃同佢既行動。一切安排好哂，我地就開貨櫃門，兵分三路行左岀去。
一岀到去，發現個天已經黑哂，都算有利我地計劃。偉言一岀去就聽我吩附，一直向左邊貨櫃狂跑，跑到咁上下就聽到佢發岀:「見到你啦！重跑！」既聲，把聲係人跡罕至既貨櫃碼頭顯得更加響亮，相信已經引走唔少人跟住佢把聲跑。
生菜就即刻往相反方向跑岀貨櫃碼頭，一直跑到離貨櫃碼頭二三百米遠再停左落黎等我指示。
good job！跟住落黎，就要靠我自己。
我好凝重咁望實johnny，同佢講:
無論發生咩事，都一定要捉實我，千其唔好放手。
johnny好聽話咁點點頭，我緊緊拖實佢隻手，然後死命咁向碼頭岸邊衝過去！




冇得再翻轉頭！
既然個天要比多次機會，
我點都唔會比自己再死！