上左個肥婆身, 好難移動呀: 第十九章:生菜排骨

就係咁，我同johnny就靜靜坐左係度等運到，而家我比頭先淡定翻好多，畢竟個貨櫃場咁大，要揾到我地係呢個櫃入面絕對唔容易。
我拎起電話望望，阿dom話重有半個鍾就到。我而家反而擔心佢單人匹馬過黎會唔會岀事。
「噠噠.....噠噠.....」我聽到有腳步聲，由遠至近行緊過黎....
我完全氣都唔敢抖，成個櫃靜到聽到自己快過摩打既心跳聲。始終敵人係咁近，唔驚就假....
只要有1%既破綻，我就係咁先。
「噠噠噠噠..」聽腳步聲似係有兩個人，行到我呢個貨櫃面前停左。
我閉氣閉到就窒息...手心不停岀汗......
快....
啲....
走........




外面既人停留左一陣之後，又響翻起噠噠聲。
太好啦，快啲走啦我就黎透唔到氣.......
「咕........」
.........
..............
...................
打鼓聲係johnny個肚傳左岀黎。
你又點估到佢咁細個人仔，可以打個鼓打到行雷咁響呢。

如我所料，貨櫃門慢慢向下拉開....




我拎起我部note7，準備同佢地攬炒。
門拉開左之後，企係門外面既，只有兩個mk仔，望落成舊排骨咁，留埋啲泡菜仔頭顯得更加柒。
岀乎我意料，佢地冇大嗌其他人過黎，見到我之後反而爬埋入黎好有禮貌咁關翻好道門。
「唔該..」
我屌習慣左我重係度唔該佢，傻撚左，而家啲mk仔又會咁好手尾幫人關翻好度門。喂咪住！而家咩情況？？唔係過黎捉我咩，比小小火黎好冇呀？
兩條mk仔而家先慢手慢腳咁係個後袋度拎把𠝹刀岀黎指住我地。我唯有攬實johnny，睇下佢地想點先。
「生菜，條女係我發現佢先嫁，一係你拎埋條仔去問下魚肉哥計唔計囉！」
「排骨，你唔好玩啦，大佬話左條女先有錢收嫁，我呢排手緊呀你讓比我啦！」
「屌，黎得呢度邊個唔手緊呀！女就得一條，我唔似你呀，我份有人goal嫁，我應承過條女遲早買海之戀比佢住咖！」
哦...我估2條mk應該係想偷偷爭我拎5000萬...唔怪得唔敢大叫驚比人截糊。




「屌，你地一人分2500萬咩戀野都買到啦。」
生菜排骨聽完我講之後，呆左咁望住我。
「咩野2500萬？」佢地不解咁追問我。
下？屌？你地捉人都唔撚做好啲功課既？
「下？你地唔係捉我拎錢咩？」
唔知阿生菜定排骨好自豪咁答我:「係呀，大佬今朝做比左廿蚊我地去唱k，之後話有大茶飯益我地喎。所以我地咪黎貨櫃揾人囉！你知唔知岀面幾多人刮緊你呀！大佬話邊個刮到你既話，
就獎五舊水呀！魚肉哥從來都未試過咁豪爽嫁！」
哇屌個魚肉食水咁撚深？！五舊水仲想
買海之戀？花之戀都唔撚夠啦！
既然係咁....
睇黎可以好好利用下呢對生菜排骨....