上左個肥婆身, 好難移動呀: 第十七章: 抓伊因

過左一個星期既努力，我既身體都復原得七七八八，唔洗用拐杖都行到。
最重點係，昵一個月原來我只係靠管道進食流質營養品吊命，我足足輕左幾十公斤，終於可以行得舒服翻好多。阿dom不愧岀身醫覺世家，屋企咩醫療設備都有，都唔明點解佢要on99走去讀business。
就係咁，一星期後既今日，我同johnny去翻當日既貨櫃場。
「記得，所有野越快搞掂越好。畢竟你而家去到邊比人見到都好危險。」
講完，佢比左兩個miniso既盒我，
「入面有兩個叉電器，呢度有兩部note7，記得拎好，必要時拎黎保命。」
接過哂所有野之後，我同johnny一步一步行入貨櫃場。
去揾翻當日令我生不如死既地方 。

個貨櫃場真係非常之大，我同johnny揀假日過黎，了無人煙既貨櫃場就好似個巨型迷宮咁，行左入去一陣已經分唔到方向。




「johnny，我冇陰陽眼都唔係辦法...我點睇到佢呀？」johnny望望我，考慮左一陣，「或者...我可以暫借住我一半能力比你先既。」
下？陰陽眼都有得岀租？
「不過，我本身都係得小小能力，分左一半比你之後，代表我地都只有削弱一半既能力。我地會睇唔到太完整既靈魂，可能淨係睇到薄薄既一層影。」
「咁都好過得一個揾，影都算有，分比我先。」
Johnny聽完我建議都無異議，於是佢合埋眼，摸實我個天靈蓋，全神貫注咁傳送能力比我。
「可以啦。」
「下？完左啦？」
成個過程都冇兩秒，佢身上既白光已經暗淡左一半。屌咁撚兒戲，唐立言進化都重把炮啲。
我張開眼望向周圍，似乎無咩大變化。
「留意前面。」johnny示意我望向佢既正前方。




冇野呀.....邊度有野呀.....
「200米前方，有個小朋友既靈魂過緊黎。」我集中精神望向前面......好似.....見到......一個好稀薄，近翻透明既小鬼影行緊過黎。

隔左一陣，個鬼影越黎越近。直到行到我地面前，我先可以稍為清晰小小咁望見佢個樣。佢望落似6,7歲既細路仔，一頭平頭裝，仲着住件超人tee。
佢望見我地，好興奮咁大叫:「哥哥你終於翻黎啦！等左你好耐啦！快啲開始玩好冇呀？」
好彩...佢好似冇嬲我地咁耐先黎揾佢。
Johnny行埋去摸摸佢個頭，好温柔咁問:「好啦，弟弟你想捉人定做比人捉呀？」細路聽完之後諗左陣，話:「之前次次都冇人揾到我...等到我鬼咁悶，今次我決定做捉人果個，你地哩埋！範圍係呢個場入面！」
「我數一百聲之後黎揾你地！一，二...」
哇，屌咁突然既，話黎就黎，一時間都唔知哩係邊。我即刻拉走johnny去左個角落，「喂死啦！我地分開哩定點？點算呀得100秒都唔知去得邊？！」
Johnny笑住咁望我:「睇黎你真係好想玩喎。拿我就想快啲搞掂完走，但又廢是咁無誠意咁啦。一於就行遠小小果個角落黎哩埋，快快趣比佢揾到就收工啦。」




係喎，我真係走去咁撚認真玩，on99。於是我同johnny就去遠小小有個貨櫃既角落坐係度，咁啱上面有塊布，就拉左落黎遮住自己。
身為一隻可以自由穿插既靈魂，呢個位相信佢應該廿分鐘就揾到。搞掂到時就翻去食翻個靚lunch訓個晏覺，正！

過左半個鍾都冇動靜...
唉都係訓陣先。「唉，唔知等到幾時，喂我訓陣先，飯氣攻心。」講完我就攤左係佢大脾訓，軟綿綿好舒服。冇耐我就好安心咁訓着左......
「咔嚓！」突然間聽到相機聲，警覺性高既我即刻比佢嘈醒左，我拍醒埋同我一樣訓緊既johnny。「有人！」
我即刻爬起身拉起塊布，見到有個目測米五，着住潮牌jel住起角all back頭既男人拎住部手機唔知打緊啲咩。我一野追上去扼住佢條頸，再奪命交剪較一野夾佢落地！
「johnny！快！手機！」johnny一野衝上黎搶左部手機，「貨櫃，白滑，野戰，流岀，心理時鍾」聽完johnny望住部手機讀我更加火滾！
「就係你啲低質user係度遺害人間！johnny！同我影低佢，打180，jj30cm，中上樣岀post！屌！」
聽完我講個毒撚嚇到瀨屎求我地放過佢，於是我地影低佢再del埋佢啲相，威脅佢敢開post就放佢上去，毒撚拎翻部手機之後喊住咁衝走左。
屌，虛驚一場。望下個電話，
仆街！已經4點啦！？
成5個鍾個細路都未揾到我地。