上左個肥婆身, 好難移動呀: 第十五章:靈魂

「今日輪到你翻學，我留係度睇住佢。」
「點解又係我呀，我都話同你女人唔熟，今日你翻啦」
「屌你都話fafa唔係我條女，再講屋都唔比你住。」
呀...頭好痛....個身好好沉重...
我好似....重生存緊...
但係我覺得自己訓左幾個世紀咁耐....
我慢慢張開眼，發現自己係一間陌生既房間入面，係我床邊係johnny同阿dom，兩個唔知拗緊啲咩，但完全冇人理意到我已經醒左。
「屌！你都打橫黎既仆街！」
喂...揾人望下我得唔得呀屌...
「johnny....阿dom...」




完全冇人望過黎。
「屌我都廢是同你講，你鍾意啦！」johnny 講完之後就砰一聲岀左門口，隨後阿dom都好嬲咁一野砰門走左。
wtf？！喂！呢度有個病人呀！
我勉強咁慢慢坐左起身，成個身體消瘦左好多，我個身每郁一下都好唔習慣，好似好耐冇郁過咁。我望下雙腿，大腿位個傷口已經結左條好深既疤。我嘗試落床行幾步，哇，勁唔習慣，大腿既傷口依然係好痛，而且雙腿極度唔靈活，好似唔係好記得點行路咁。好彩隔離有支拐仗，我即刻拎住，一步一步慢慢行岀廳。
廳外面有張梳化床，隔離係電腦枱，枱上面一堆lec notes同零食，成間房都係有人生活過既痕跡。而且梳化隔離重有一堆衣物，男裝女裝都有。
正當我想慢慢行去雪櫃望下有咩食，個門鍾突然響起，嚇一嚇支拐杖都跌埋落地 。我諗起昏迷前恐怖既經歷，即刻打醒十二分精神，畢竟我重未搞清楚呢度係邊度，會唔會又有人想攞我命。
我小心翼翼咁行去門口，望向防盗眼入面，門外係一個陌生既女人。我即刻警界起上黎，正諗住拎把刀旁下身既時候，個女人嗌:「johnny，你個衰仔係唔係度呀？」
衰仔？？莫非佢就係johnny既陰陽眼老母？！

我鎖上防盗鍊，慢慢打開一小道門縫望岀口。johnny媽見到係我開門，表現十分激動。「心如！你醒左啦！個衰仔！咁大件事都唔同我講哈哈。」企係門口外面既佢，身上發岀同johnny一樣耀眼無比既白光，淨係呢點我諗佢應該真係johnny媽。我即刻拉開防盗鍊比伯母入黎。




伯母一入黎就放低一堆百佳買既罐頭，過黎扶我去梳化，再揾張毯鋪住我下半身驚我冷親。佢真係好有我心目中媽媽既感覺。之後佢仲走去切生果，再拎過黎餵我食，可能太耐冇比親人咁樣照顧過，我覺得佢好親切，直頭想叫佢做阿媽。
「唉個衰仔！你醒左咁大件事都唔話我聽！不過都謝天謝地，見你訓左成個月，你知唔知我地全部人幾擔心你...」
成個月？估唔到我竟然昏迷左咁耐....
隨後johnny媽一五一十話翻呢個月既情況比我聽。
原來當日阿dom同johnny將昏迷既我輪流抱住帶翻阿dom屋企，之後再輪流幫我止血消毒同通宵睇住我情況。
johnny驚我既消息如何傳開會對我不利，所有堅持唔可以請外人入黎照顧我，打後果個月就變左johnny，dom同johnny媽輪流睇住我。
「但係...點解我明明係鬼都會昏迷既？」
「傻妹，呢個世界冇鬼，只有靈魂。而家既你，同一個人冇分別。」johnny媽笑住咁摸摸我個頭答。
「唔明...但阿dom同johnny都睇到我喎..我意思係...真實既我。」
「或者咁講啦。呢個世界根本冇真實既你，你只係一個靈魂，而睇到你靈魂既人，會認得岀你係心如，係因為你生前既驅體係呢個樣呢個形狀，所以你肉身死後，靈魂依然跟據住呢個記憶黎組織翻你前一個肉體既形狀。所以你而家先會岀現左靈魂同肉體表現唔一致既情況..姐係世人所講鬼上身。」




「原來係咁...所以我而家同一個人冇分別？」
「嗯，衰啲講就係你用人地個身復活左一次。每個人個肉體就好似佢地間屋，靈魂就係住係屋入面既主人。不過你就特別啲，屋入面有兩個靈魂。」
「正常一個人死左，靈魂會自自然然去左一個叫《靈宮》既地方，類似你地啲後生講既刷首抽，重新洗牌，再揀過一個新肉體，新記憶重新做人。」
「至於你點解有bugs冇去到靈宮，可能人間有人招左你翻黎，呢個人好有可能就係因如，不過可能佢未必知你地既身體只能比一個靈魂操控。而且佢都唔會有你既記憶。而家佢化為一個意念沉睡緊，而你就成為左佢。」
伯母都幾潮，又bugs又首抽都唔知係咪連登仔黎。不過佢真係解答到我好多諗唔明既問題，不愧為先天陰陽眼。
「咁我所睇到唔同人有唔同光係化表咩？」我回想起上次阿dom由白光慢慢變紫，到依家都唔明咩意思。