上左個肥婆身, 好難移動呀: 第十三章:逃走

我唔想死.....我唔想再死.....我唔甘心.......我重未揾到真相，我唔死得，我唔死得...
我用僅餘既意志堅持住保持清醒，望住我大腿不停流落黎既血已經浸滿左我成條褲。冇時間啦......再唔止血，我必死無疑....
我吃力咁用手捉一捉johnny，佢知我重有意識顯得好激動，一直捉實我。係我腳既旁邊，係頭先係我大脾抆落黎既刀。呢個係唯一可以鋸斷麻繩既希望，我用手指頭不停刮johnny希望佢留意到把刀。
身後後johnny開始不停搖晃將櫈，睇黎佢已經知我想點。我地岀盡力咁向左邊傾，終於，我地連體嬰咁一齊連櫈連落地，我地雙手離把力只有5cm左右。
Johnny雙手放開我，雖然我睇唔到佢做咩，但係冇幾耐我已經聽到手指夾起刀鋒既聲。我感覺到雙手既既麻繩一併比佢慢慢切割緊....
呀！....
一陣劇痛由手腕傳黎。白痴，你割埋我條脈啦！
原本重撐到既意識，比佢割一割，個頭比頭先更加暈。反而身上既痛楚已經痛到一個點，冇太大感覺...
冇幾耐，我同佢手上既繩已經割開，佢即刻坐起身將我抱住，再將我地塞住口既布攞開。
「喂！你唔好嚇我呀...你..你流好多血....頂住呀我地一定岀到去嫁！」




johnny終於正面望見我，佢見到我成身都浸滿血，震到成個人都手忙腳亂，手足無措咁。佢即刻撕開佢件衫包紮我大腿仲大量流緊血既傷口，再一直死用手㩒住個傷口止血。但佢見住啲血由佢指縫間滲岀黎，眼神慢慢變得難過而絕望。
「放棄我啦...johnny，你重有機會岀去...唔好浪費時間係我度啦..呢度咁少空氣撐唔到好耐...」
我已經慢慢意識變得模糊，奄奄一息。
「唔要呀...收聲呀你...」
佢既聲音變得哽咽。
模糊既視線中，我見到johnny一路㩒實我個傷口，
佢既眼淚控制唔住，一滴，一滴咁流。
今次係我第一次見一個牛高馬大既男人，
竟然會為左我成個女人咁係度喊。

「johnny....可唔可以開多次眼？」
「...？」
「我想死之前，係你面前既...係陳心如..」我任性咁向johnny提岀最後一次要求。
Johnny點點頭，再一次合起雙眼，外圍既黃光慢慢變做白光。
好温暖。
佢再次張開眼望住我，但係佢面前既我，已經面無血色，不停發冷...大概冇淨翻幾多時間....
Johnny一直死攬實我係咁呵氣，保持翻我身體既温度，不停話:「撐多陣呀，我地都唔洗死，我實會諗到方法嫁...唔好訓覺...千其唔好訓着...」
我會心微笑左一下，講真，死之前世界上有一個人會因為我消失而難過，我已經覺得冇咩太大遺憾。比起上一次死，今次我已經覺得..好滿足。
「...心如...心如，唔好訓住，我隔離...好似...有個人....定....鬼」johnny突然間望住佢隔離團空氣講野，可惜我身為鬼都睇唔到我既同類。
「傻佬...你...開左眼...應該......係鬼黎....」我喘住氣咁話佢聽。估唔到,呢一幕就好似睇戲咁比啲遊魂野鬼睇住...




「心如..睇黎我地仲有...百分之一既希望。今次睇黎靠”佢”啦...」