上左個肥婆身, 好難移動呀: 第八章: 驚喜

果晚翻左屋企之後，我沉思左一晚。
可能所有事黎得太突然。冇左阿dom，調查條路一定難好多。再加上因如一直冇岀過黎，我完全預測唔到幾時佢會突然岀黎影響我行動。
「喂，Johnny ，有單野想你幫我。」
無辦法之下，我又打翻比johnny....
佢一聽到係我打黎，就勁嬲咁鬧我:「你重想點呀？又想威脅我？我係窮，但上次你都玩夠我啦。我唔想再信你。」
「你而家睇下你户口先。」
johnny放低電話，靜左幾秒之後:「...300萬？」
「當係對上次件事既道歉禮物。呢件事我真係需要人幫忙。上次既事一筆勾銷好冇？」
johnny聽到我肯低聲下氣，又見我份禮咁重手，終於肯應承同我見面。
我叫左佢星期一朝早11點海濱公園等我。果日係阿dom實現佢願望既日子，欠佢既承諾，係時候要實現。




「因如，你叫我準備好既野我搞掂啦。」Johnny11點就準時到左，叫佢準備好既野都買好哂。
「good.今日係我朋友既大日子，呢個場地今日我包左，7點前一定要搞掂呀」
今次將會係一場大工程。我地兩個要係呢個500尺既户外地方，係7點前打造成一個最浪漫既地方。
砌花，剪紙，鋸板，johnny全部都勝任，而且勤力又快手，估唔到以前一直覺得佢係個遊手好閒既狗公，原來多才多藝。
反而我連掛個banner，摺個心都手忙腳亂，真係相形見絀。johnny見到我咁，搖搖頭歎左口氣搶左我個摺紙，係我面前一步一步重新摺一次。「睇住啦，呢個角要咁摺落去先靚嫁」
就係咁，我地一齊合作，一步一步由佢帶領下，將呢個場地怖置得比我之前想象既更加浪漫。
忙左咁多個鍾終於搞掂，johnny同我都相視而笑。
依家，萬事俱備，只欠東風。

「喂，我到左啦，你係邊呀？」7點正阿dom就已經打比我，佢真係好準時。




「行前啲，行去前面有個心型果度等我。」
其實，我真係好希望，今日等緊佢既人，係我。
我想我可以拉住佢入去我親手怖置既場地，比佢見到我既心意，再感動落淚個樣。
我想拖住佢，望住佢對眼講，我鍾意左你。
我想見到佢露岀驚訝又羞澀既表情，再輕輕將我抱入佢懷中。
我想貼身聞住佢個身獨有既氣味，再聽佢同我講，我比你更早鍾意左你。
「我想...同你講」
我行到阿dom面前。佢見到我為佢怖置既地方: 滿地鮮紅既玫瑰花瓣鋪成一個巨大既心，旁邊兩側排滿一紮紮鮮花，花香撲鼻。鮮花既盡頭有幾塊大型紙版，每塊都怖滿五彩繽紛既led燈，而且連住一個個湖水綠色既氣球。紙版上痴滿密密麻麻既心型摺紙，形成幾個秀體既英文字句。
「will you stay with me?」
佢望住我，臉上露岀羞澀而驚喜既表情。




「你...」
「shu...」我再一次唔比佢講野。
「good lucks 」
講完我就默默轉身。
fafa係我身後行左岀黎。
佢企起我本來企既位。唔係。
個位本來就屬於佢。
呢個夜晚，係我送比佢既禮物。
一個佢最幸福既夜晚。