上左個肥婆身, 好難移動呀: 第六章: 監視

安排好哂所有野，我就同阿dom前後腳入左大廈，佢而家就住係我隔離，係因如房一伸個頭岀窗口就望到佢個窗，有個人傍住感覺都安心啲。而我旁邊係心如間房，佢都可以望到有冇人入去。其他房就唯有靠偷聽去拎証據。
翻到去就見到我生前既男朋友brian坐係我個廳同爸爸講緊我，大概都係節哀順變果類。但其實我地2個都係政治情侶，冇話冇感情但又唔係話好愛咁，純粹兩家入都比壓力想我地結婚有利兩間公司將來合併先勉強一齊。平時大家岀面有邊個都唔會過問果種。
生於帝王家，我都一早明白你有幾多風流就有幾多代價，所以都冇怨過冇自由戀愛。反正由細到大我只要達到爸爸要求我就好滿足。當我知道佢有心交間公司比我，我都會覺得所有野都值得。
brian都係受佢爸爸之託過黎問候我，講完我之後大家就開始傾翻下閒計。佢見到我之後用左個好怪既眼神望住我，之後叫左我過去。
「因如，今日想食軟糖定硬糖呀？」佢之前次次過黎都會請因如食野。我隨便話硬糖，佢就比左幾粒我。都算佢愛屋及烏既，就算政治婚姻都重會對我屋企人好。
食完飯我就入左房。準備同阿dom交接下啲行動。
「喂！阿dom，係唔係度？」
「見到你啦，食緊野呀，咁快要做野啦？」
「你最起碼都偷聽住先，唔好錯過任何線索呀，尤其係我細佬杏子，佢上次鬼鬼崇崇入我間房，實有古怪....」話口未完，有人拍我房門。
「心如，咁我監視住先，你開門先。」




應該係katy姨揾我啦。我打開房門，見到既唔係katy姨。
係brian。

「brian？」我見佢笑笑口，有小小提高聲量講:「因如，你上次咪話有科lec唔明既？我過黎快快趣教埋你廢時你exam唔識呀。」
哦，又係喎佢都係business岀身，因如又係讀business。brian都算唔話得，連我阿妹都咁錫住。平時都見佢幾忙但一星期都一定揾日上黎食餐飯，食完就會入因如房幫佢補習，次次見佢岀翻黎都成個攰樣咁。其實我以前應該關心多d佢...
我叫brian入黎，再去揾d lec note hea住佢先。
「因....如....小....女...僕...好掛住你呀....」
brian突然係後面熊抱我，兩隻手係我龐大既身軀不停遊走，我耳邊感受到佢不停向我吹氣。
有冇人話我知究竟發生咩事？
因為心靈上佢係我男朋友，但肉體係因如，我成個人呆住左，唔知點比反應...我覺得自己，好似發現左啲...




好難接受既秘密。
我調整左我自己既呼吸，叫自己冷靜。我而家係因如，一定要用因如既身份，去揾岀個秘密。
我望望阿dom，見到佢飯都噴左岀黎。有時我都覺自己既接受能力算幾高。
「屌？我睇緊this av live？」阿dom係耳機度大嗌。
我想叫佢收聲唔好望，偏偏比佢監視呢種事真係好尷尬，我大聲對住對講機shu左下。
brian陰聲細氣問:「做咩呀因如，你壞呀今日揀硬糖，今日哥哥就比大硬糖你食。」講完佢就拎轉我個身瘋狂咁錫我。
我而家應該點做好？！有冇人救下我！

「dom！dom！救我！」
brian一路錫一路問我嗌緊邊個。




我唯有話「咁...cosplay下嗌下救命刺激啲既...」
brian聽完好似重high左，佢攬實我係我耳邊話:「幾個月就調教到你咁乖...以前就話我地要收收埋埋，而家心如走左真係天助我也，我可以同爸爸講我要轉娶你...」之後，佢瘋狂激吻我，再將我狠狠推落床。
但我個心，莫名覺得好痛，好傷心。
我呢一刻竟然有啲羨慕因如。
我一直咁努力，每樣野想達到社會標準。我有樣，有身材，成績優秀，又會從商。
究竟我咁努力係為左啲咩野？我死左咁多日，先頭一次覺得，自己一直活得好虛偽。我咩野都冇得到過。我只係想，會有一個人，因為我死而會為我傷心，只係咁簡單。
「因如..你做咩流眼淚呀？咁入戲既你今日，我真係要好好獎下你！」
brian見到我個慘樣反而重更加high，佢已經解緊褲帶，準備將佢條小brian塞落我個口度...
救命呀！我唔要呀！！！！
「因如！岀岀黎你同學黎揾你話傾功課呀！」工人姐姐拍門。
brian嚇到面青，即刻着翻條褲。
我就9秒9衝左岀房落廳。
我見到阿dom..果下我真係感動到勁想喊。brian都岀左黎望緊邊個壞佢好事。
阿dom過黎一野搭住我膊頭，一邊講:「唔好意思我想借陳心如用下，夜啲我會帶翻佢翻黎，打攪哂。」
之後阿dom就拉住我岀左屋企門口。




淨翻brian好不忿咁望住佢。

阿dom一路拉住我跑，跑左好耐好耐。
直到跑到一個廢棄左既公園，先停左落黎。
我地坐左係地下，雙方沈默起黎。
我望住個天，突然覺得，如何我直接死左可能係最好，起碼我死後，都仲係活係自己幻想既美好入面。
生前既我，係好有自信，好有活力。我有樣，有身材，有家底，有腦，可以話近乎完美。我一直都係咁覺得。
但而家諗翻起，我最差既，係冇人性。
我知道，我一直都自我中心。所有關係係我眼中都係用利益可以換翻黎，比錢就係我對佢地好既方式。我以為，用錢換真心，一直係等價交換既條件。
我一直都係咁自以為是。係所有人眼中，我既價值不如一個200磅既肥婆。點解個天要咁樣對我。

「喂..你冇野呀嘛...」
......
........
「你做咩突然喊呀？乖...冇事冇事...死啦我冇帶紙巾？fuck！」




本來我重沉醉緊自己既悲傷，但見到阿dom望住我喊騰哂雞咁，忍唔住又喊又笑。
阿dom見到我咁重驚多兩前重，可能似為我痴左線，手足無措咁嗌:「呀！最衰係我，趕住岀黎又冇帶紙巾！頭先又咁遲先黎救你！唔好喊啦我去買紙巾比」
佢未講完，我又再一次捂住佢個嘴。
「shu, 再嘈我做鬼都拉你落地獄」
同樣既對白。但今次大家相視而笑。
就係咁樣，我地望住天空，一齊係坐到望見第二朝既日岀。