我和表妹的禁忌之戀: 第二部-第十五章：Asso三人小組

上完第一堂2點半，而下一堂係3點半鐘上，所以都隔左成個鐘。因為朝早送完表妹後，返去訓左個覺，起身後無食野就直接返學，所以我問kelvin：「不如去食個tea囉，我好肚餓呀」

Kelvin：「無所謂呀，去食囉」

我同kelvin對望左一望，果然大家諗既野都一樣，所以我開口：「Michelle，我同kelvin諗住去食個下午茶，你一唔一齊去呀？」

Michellle：「都ok呀，橫掂我無地方hea」

呢個算唔算約女生食飯呀，哈哈哈，Sor，係我諗太多。



學校附近其實都無咩食，所以是但搵咗間茶記就坐企食。

茶記夥記：「三位吔咩呀」

阿明：「唔該，常餐牛麵奄列多士凍奶茶。」

Kelvin：「一蚊跟機，要多份」

Michelle：「咁我都要一份一樣架啦，但凍奶茶少甜」



茶記夥記：「好既，好快到呀」

叫完野食後，其實三個人都幾尷尬，空氣瞬間dead air。

Michelle：「你地兩個本身就識架啦？」

阿明：「唔係，asso先識架炸」

Kelvin：「係呀」



阿明：「我地兩個都無去o camp，上個星期返學果時好似比人孤立咁。」

Michelle：「我都係無去到。」

阿明：「d人係o camp玩熟晒，所以佢地晨早就mark晒人」

Michelle：「我上星期無返，所以都識唔到d咩人」

阿明：「怪唔之得好似無見過你咁」

Kelvin 對我打左個眼色同踢咗一下我隻腳，我當然知咩事，因為其他d同學好多已經組晒隊準備之後d group project，而宜家我同kelvin都係得兩個，所以緊係要搵多一兩個，更緊何Michelle 仲要係靚女。

阿明：「係啦，你應該都未有組架可？」

Michelle：「係呀」



阿明：「咁不如我地一組啦，我地都缺人」

Michelle：「無問題呀」

就是這樣，asso小隊初步成型。

岩岩上第二堂既lecture 無耐，我枱面既手機亮左一亮，唔洗問阿桂，一定係表妹，我即刻拎起電話覆

表妹：「老公～我放學啦❤️」

咁既對話比人見到仲得了？我拎起部電話，成個人往後傾一傾，避免比隔離兩個見到，好彩我地三個係坐最後果排姐，後面無人。我覆返表妹：「咁早d返屋企啦！」

表妹：「你係咪仲上緊堂呀？」



阿明：「係呀，5點半先放學😞？

表妹：「咁你比心機上堂啦😘，唔好偷懶呀！」

阿明：「知啦」

Kelvin：「覆whatsapp 覆到咁神秘，女呀？」

阿明：「唔係呀，屋企野黎」

Kelvin 好賤咁笑住講：「真係～～～？」

阿明：「係呀！快d 認真上堂炒 notes啦」

Kelvin就咁比我打發左。上完第二堂後，同Michelle 交換左whatsapp，佢就走左啦。



Kelvin一見Michelle走左就變得多野講左啦：「阿明，Michelle好L正呀，估唔到會同我地一組」

阿明：「係幾靚女既，嘿嘿嘿，kelvin哥睇中人地呀？」

Kelvin ：「靚女係人都鍾意架啦，更何況我係男既」

阿明：「好啦，我地講左assignment one d野先啦，我趕住返去呀」

Kelvin：「okok，你係大佬，你話點就點」

一同kelvin傾完，我就whatsapp表妹：「老婆，我落堂啦」

表妹果然係第一時間就覆：「哼！掛住死人啦😣」



阿明：「有無咁掛住我呀？」

表妹：「有呀！每分每秒都諗住老公你😘」

表妹雖然有時幾麻煩，但何嘗唔係一種樂趣呢，表妹咁痴我，完全又唔洗驚會有綠帽，因為表妹仲驚過我。