我和表妹的禁忌之戀: 第二部-第十四章：狗公俊

食完個早餐後，我就送表妹返學。因為間茶記就係學校既附近，所以我地兩個人慢慢行返去學校。

「婉婷...婉婷...早晨呀」，聲音由我地兩個後面傳過黎。

我同表妹向後望一望，dllm呀，又係死狗公阿俊。

表妹：「早呀」

阿俊：「表哥早晨呀」



表妹：「我表哥叫阿明呀！」

阿俊：「咁呀...阿明表哥早呀，咁得閒送婉婷返學呀」

我果刻真係想爆粗，我送表妹關你L事咩。當然啦，大街大巷點會失儀態，所以我應返條死狗公：「係呀，表妹好痴我架，所以我咪送佢返學」，問你死未！

阿俊：「呢d野都要勞煩到阿明表哥你呀，粗重工夫等我黎做嘛，我好得閒架，婉婷呀，不如以後我日日都陪你返學好無」

我dllm祖宗十八代呀，係我面前都咁明目張膽？



表妹橋到我隻手實一實，然後講：「唔洗啦阿俊，表哥會送我返學架可？」

日日送咪日日送，點都要頂硬上：「當然係啦，呢排出現左好多色魔，所以要特別小心」

阿俊：「咩有色魔咩，唔見新聞有既？」

Dllm，我講緊你呀，係到詐傻扮懵？我繼續講：「有既，你唔覺眼姐」

阿俊：「不過婉婷你咁橋實你表哥，唔講真係以為佢係你男朋友添，好彩係表哥姐」



我就係我表妹女朋友呀，我dllm。

表妹笑住望咗我一眼，然後應返個死狗公：「哈哈，係咩」

送到校門口，我拉埋表妹到一二邊，然後同果個阿俊講：阿...咩俊呀，你自己上去先啦，我要同我表妹講d野」

阿俊對表妹眨一眨眼：「婉婷，咁我地課室見啦」

果一刻，我真係想衝過去打柒個死狗公！

我同表妹講：「我同你講呀，果個阿俊相當有嫌疑，盡量避免仲佢接觸呀！」

表妹輕輕聲講：「嘻嘻，老公你係咪呷醋呀？」

阿明：「我..我無呀...驚我老婆蝕底比人炸」



表妹：「嘻嘻，我知啦，人地都係你既人啦...唔好咁擔心啦～」

阿明：「好啦，快d入去啦，就8點打鐘啦」

表妹：「咁你今日係咪唔會黎接我架啦...」

阿明：「係呀..3點半到5點半有堂，趕唔切你接你...」

表妹：「咁我放學whatsapp 你～」

阿明：「當然無問題啦，我上堂隨時用得手機」

表妹細細聲講：「好～咁我入去啦，88老公～」



我同細細聲咁講：「88老婆～」

望住表妹入學校後，我轉身就走。時間仲早，我返即屋企訓咗多陣先再起身返學。

講真，asso真係好鬼多靚女，咩類型都有，真係睇到人想入非非。可惜有左表好既我，此刻呢d靚女我都根本唔放入眼裡！

今日第一堂係tutorial，所以人數唔似上lecture咁L多人。我一入課堂，就已經見到kelvin坐左係到，所以我都坐埋過去。

阿明：「kelvin，份assignment one 你識唔識點做呀」

Kelvin:「都識既」

阿明：「咁等陣落堂你教一教我，我有d唔明」

Kelvin：「喔」。



睇黎都係傾game好d：「白貓你抽唔抽到隻限角」

Kelvin :「抽唔到呀！我諗住re島抽...」

阿明：「唔好衝動呀！衝動係魔鬼，打臉project黎...」

係我同kelvin 傾緊之際，有個靚女走過黎問：「唔該，有無人坐架？」

嘩，真係好L靚呀...白色T-shirt，牛仔短褲，我發覺班上都有好多男仔都流晒口水咁款望住佢。雖然佢係靚女，但成個人有d cool同比人有種高傲既感覺，搞到我同kelvin都唔多敢同佢講野。

因為tutorial要分組討論野，而我同kelvin就坐係個靚女隨離，所以都被迫開口問佢：「阿sir話要分組傾呢個case study，我地一組？」

個靚女：「好呀，無問題呀」，OH MY GOD! 好甜既聲呀，同個樣完全相反...



阿明：「我叫阿明，佢叫kelvin，你呢？」

個靚女：「你地好呀，我叫Michelle」

無想像中咁cool wo...之後我地就開始傾case study啦。