我和表妹的禁忌之戀: 第二部-第十六章：第一次約會
星期六
琴晚已經比老母吩咐落要我早上去拎位先，表妹聽我講完我要去拎位，佢又話要陪我一齊去拎。
所以一大早，我要先morning call表妹叫佢起身，因為佢話要化妝。所以叫完佢起身後，我再訓多半個鐘先再起身刷牙洗面出門。
我到咗表妹屋企樓下等佢：「喂，我到咗樓下啦，你落得黎未？」
表妹：「差小小呀，比多5分鐘我」
結果呢一等，等左成半個鐘表妹先落黎...。不過呢半個鐘係等得抵既，表妹化咗個靚妝，上身著白色間條T，下身著碎花短裙，少女既青春氣質出晒黎，而且又show咗條又白又滑既長腿出黎，真係睇到我眼甘甘。
表妹一見到我，第一時間又橋實左我。靠近我果一下，一陣好香既少女味道撲過黎，真係好好聞...好香，當然啦，應該係香水味黎。
阿明：「大小姐，你終於肯落黎啦...」
表妹扁晒嘴咁既款：「咩wo，遲咗小小炸，何況我都係想扮靚d著靚d，等陣飲完茶同你去拍拖呀嘛」
阿明：「係啦，我知啦」
表妹：「咁我今日著得靚唔靚呀？」
阿明：「直情靚爆鏡，等陣一出去，完全無敵呀，無人夠你靚」
表妹：「哼！鬼信你呀」。表妹講完呢一句後笑左一下，我就知其實表妹係好開心聽到我咁講。
表妹：「我地係去邊間飲呀？」
阿明：「去上次飲果間呀，稻X」。我地兩家人基本上係每兩個星期就會一齊去飲一次茶。
拎完位等埋老母佢地黎，終於食得啦。d阿爸阿媽傾計呢，一定避唔開講d仔女呢幾樣野，成績、事業或拍拖...。
阿姨對住我講：「阿明，你都20歲仔啦，仲未搵到拖友咩？」
我老母：「佢呀，除左返學，成日就喱係屋企打機，點識到女朋友」
阿姨：「後生世仔，快d識返個帶返黎比你阿媽同你阿姨我睇下嘛」
阿明：「知啦...」
阿姨：「咁學校果邊呢，慣唔慣呀，有無信心升返上去」
我都未答，老母就搶住答：「我對阿明有信心既，佢本身成績咁好，升返上去無問題既。」
老母跟住用好勢利既眼神望住我：「阿明，你話係唔係？」
呢一刻我點敢駁嘴呀，我即應：「當然有信心啦...」
老母阿姨d轟炸式問話訓話呢...救命呀，搵人救下我！好彩老豆姨丈有時都會幫兩嘴，等我死得無咁慘...
全程表妹都係到對住我陰陰嘴笑，緊係啦...因為佢無比呢場戰火牽涉，無佢既事...。
睇黎此地都係不易久留，我whatsapp咗句比表妹：「速食速撇」。
之後我同表妹狼吞虎嚥咁食晒d野，然後我同表妹打左個眼色，表妹然後講：「二姨阿媽，我叫左表哥陪我出去買野呀，我地食完野啦，宜家諗住走」。
老母同阿姨：「咁你地兩個夜晚係出面食埋先返啦，難道兩個人會出去行下。」
老母：「阿明，記得睇實你表妹呀，婷婷有咩事呢，我實用掃把炳死你」。由細到大，我老母當正我表妹係親生女咁濟，錫佢多過錫我。細個果時，如果知道我蝦表妹，一定會炳鳩我，幫表妹出氣。
阿姨：「哎呀家姐，香港地有咩事姐，我個衰女包好醒架，阿明唔好比佢恰返轉頭先好。」
再聽落去，就走唔甩架啦，所以我特登講：「表妹，我地夠鐘未？」
表妹故意大聲d咁講：「就夠鐘啦，d野限量版黎，再唔去就買唔到啦」
我老母：「咁你地快d去啦，玩得開心d呀」
呼，終於成功閃人，再留多陣，相信耳膜都會爆。出到黎，表妹即刻拖住我隻手，然後講：「哈哈哈，你頭先好慘呀」
阿明：「你仲係到講，全程係到幸災樂禍...」
表妹：「我都想幫下口架，但我出聲，實會連我都...所以只好靜靜雞咁食野算，嘻嘻」
阿明：「算啦，宜家成功閃到人就得啦。我地買左兩點半，宜家仲有d時間，咁我地就直接先出旺角行陣街先好無？」
表妹：「好呀」
因為表妹著得真係好正，所以搭地鐵都引到成班男既偷昅我表妹，行街更加唔洗講啦，回望率極高。拖住個咁靚既女朋友，我都覺得有d自豪。
行左陣街，見差唔多時間就行過去戲院排隊等入場。
好死唔死，竟然係戲院門口撞到狗公俊同佢d fd。
阿俊：「嘩，婉婷，你著得好L靚呀...」
表妹：「哼！洗咩講！」
阿俊：「阿明表哥，你又咁得閒呀，陪婉婷出黎睇電影呀？」
阿明：「我日日都陪住我表妹既」
阿俊：「表哥，都話粗重工夫交比我囉」
我dllm呀，關你L事咩
阿明：「我做咩野又關你咩事？」
阿俊：「無呀，我都係關心下婉婷啫。婉婷，你第時要人搵人陪，搵我呀嘛，保證隨傳隨到」
表妹：「唔洗客氣啦，我有表哥就得」
講完無耐就開始入場
表妹同阿俊講：「我同表哥要入場啦，遲d傾」
嘩，好彩唔係睇同一場姐，但比個狗公俊咁搞一搞，我條氣真係d唔順。坐底之後，表妹都知我嬲嬲地，然後講：「唔好嬲啦，阿俊份人係咁kai，佢無咩野架」
阿明：「哎呀，你仲幫佢講野！？」
表妹嗲住講：「無呀...老公～今日係我地第一次出黎行街拍拖，開心d啦，最多我錫你一啖..」
見到表妹咁既款，我都已經嬲唔落啦：「唔得，要錫兩啖」
表妹個嘴挨埋黎，錫咗我塊面兩啖，然後講：「咁得未呀？唔好嬲啦～」
阿明：「比你錫咗兩啖，咩火都降晒啦，無嬲啦」