荒島日記（新手、後宮甜）（不定期更新）: 地下.一

啪啪！


「邊位啊？」
敲擊兩下房門，無幾耐房門就打開，並且探出個頭嚟觀察。
「係你？」


因為我突如其來嘅打擾，而感到驚訝嘅短髮少女Jennie，佢打開房門讓我快速進入後立即關上門。




然後佢用疑惑嘅眼神望住我。
「小毒撚，搵我有咩事？」


我仲未講嘢，佢又繼續講。
「唔通～你想做上次未做完嘅事？」
佢一邊講，一邊用右手做了個打飛機嘅動作。




我白了一眼。
「我其實嚟係想打聽一下。」


「你想打聽啲咩？」


「你識唔識有個叫苟公子，同埋有個叫赫競嘅人⋯⋯」
我把係醫療室遇到佢地兩個嘅情況一一講曬俾Jennie知。




Jennie聽完後十分不爽，帶著憤怒嘅語氣講。
「苟公子係一哥嘅二仔，叫苟並強，而赫競係佢嘅死黨，亦都係佢嘅走狗，平時跟係佢後面狐假虎威。」


「你成日提一哥，究竟佢係邊個？」


Jennie用拳打了一下牆壁，咬牙切齒的說著。
「佢係呢個郵輪最仆街嘅人！！」


Jennie叫我坐係梳化上，然後佢企係我面前，聽著她娓娓道來的講述。
「你唔好睇宜個郵輪好似好正常好安全咁，其實有好多問題隱憂⋯⋯




一開始嚟到個荒島，大家都係到想辦法點樣聯絡外界，希望可以搵到我地，帶我地離開。


我地嘗試咗好多方法去聯絡外界，但好奇怪，郵輪上嘅無線通訊設備好似遭人惡意破壞，備用嘅幾部衛星電話全部唔見曬。


慢慢大家又一開始嘅滿懷希望，逐漸走到宜家失望、心淡⋯


有人嘅地方就一定有紛爭，係短短一個月內，郵輪上經歷過好幾次衝突，最後民選咗原本係郵輪上做保安主管子傑做最高話事人，亦即係我舅父，負責管理郵輪上嘅一切事務。


我舅父雖然係郵輪嘅最高話事人，但實質佢無權無勢，大家選佢係因為佢係最了解郵輪上一切嘅人。




同埋佢對任何人都不構成威脅⋯


郵輪上實質可以話到事嘅人就有兩位，一位係霞女士，另外一位係苟一。


霞女士唔洗講，佢係婦女會會長，郵輪上嘅婦女都好聽佢講嘢，目前郵輪上女性係佔大多數，所以你見好多需要勞動力嘅地方都係靠佢地。


你見到嘅清潔、治安、烹煮、製衣等等全部都係由佢地負責。


而苟一，聽講佢原本係香港係做官嘅，佢係目前郵輪剩低嘅男性最多支持者，大多數男性都係跟佢工作，佢地負責嘅範疇係打獵、捕魚、食品加工等等。




苟一掌握住食物，亦即係掌握住成架郵輪大多數人嘅命脈，因此同舅父、霞女士發生無數次嘅爭吵，最後舅父無奈答應佢嘅要求。


第一，地下一層到地下四層屬於苟一嘅勢力範圍，無論下面發生乜嘢事，霞女士同舅父對於以下四層嘅事全部無權過問！亦都無權管理！

第二，佢地會繼續提供食物，但食物以地下四層嘅供應為優先，其他人無權過問！

第三，地下四層用電量唔可以受到規管！


所以你睇郵輪宜家好似好和平好安全，其實發生咗好多唔見得光嘅事只係你唔知。」


我思考咗一陣。


「我想知地下四層係個咩地方？」


Jennie舉起食指。
「地下第一層，佢地稱之為［黑市］！有好多古靈精怪嘅嘢售賣，無你搵唔到，只有你想不到。」


有好多古靈精怪嘅嘢買⋯可能會搵到一啲唔錯嘅嘢，一定要去睇一睇先得！


Jennie繼續說著。
「地下第二層，有唔少按摩院風俗店，亦有唔少賭博場所，同埋佢地會係個到會搞拳擊比賽等等，可以講係佢地嘅大部分人最主要嘅娛樂場所。」


Jennie見我聽的津津有味，立即講。
「不過我勸你唔好幫襯喇，個到服務費高到你俾唔起㗎。」


其實我一直都係諗咁個黑市⋯


「地下第三層，係佢地居住嘅地方，無乜特別，但地下第四層，佢地稱之為⋯［樂園］。」


「樂園？」


「嗯，佢地叫個到做［樂園］，我對個到知道嘅嘢好少，阿奇曾經想偷偷進入過去睇下，但無奈［樂園］二十四小時有人守住門口，根本無辦法落去。」
Jennie講完，便成個人訓係床上思考著。


「你都知郵輪上幾多嘢。」
好彩我無搵錯人。


Jennie繼續訓係床上，雙眼無神咁望住天花板。
「其實全部都係阿奇話俾我知㗎，我舅父就話不知者無罪，所以舅父從來都唔會同我講郵輪上嘅嘢。」


「你男朋友咁勁嘅？佢做私家偵探㗎？」


Jennie立即彈起。
「啱啱大學畢業點會咁快做到私家偵探？佢嘅夢想係做一名記者，為世界上所有不公義嘅事情而發聲。」
Jennie講完，從表情就可以知道佢十分崇拜佢男朋友阿奇嘅夢想。


「佢失蹤前同我講佢好似知道咗［樂園］嘅一啲秘密，所以佢要再去一次打探下，點知佢就成個人就音信全無失蹤咗⋯⋯」
Jennie講完便得低個頭，隱約聽到佢抽泣嘅聲音。


「所以舅父叫你唔好再去，就係因為你去咗地下四層搵你男朋友。」


Jennie點點頭表示。


咁又唔怪得主管子傑阻止佢，睇完Jennie嘅講述，就可以知道地下四層係個龍蛇混雜嘅地方，正常人去到都可能自身難保，更何況Jennie咁柔弱嘅女子。


「咁上次係咁追住你個肥佬，佢係發現咗你潛入四層所以先捉住你？」


Jennie尷尬地R咗吓頭。
「咁又唔係⋯我個陣係地下二層行緊，個肥佬突然走過嚟搭嗲，係咁問我一晚幾錢，咁我俾佢問到唔耐煩喇，就同佢講一晚100張糧票想嚇走佢，點知佢真係拎得出嚟⋯咁我肯定唔答應佢㗎，然後我就跑囉，佢又一直追住我，於是我係門口踢咗佢一腳，佢就更加死追住我唔放，之後無耐就見到你喇⋯」


我要打聽嘅嘢都大概知道曬，於是我準備離開。


「你宜家係想落去？」
Jennie立即叫停我。


「嗯。」


Jennie快速走到我旁邊。
「帶埋我去！」


「唔得啊。」


「我一定唔會麻煩到你㗎⋯」
Jennie用誠懇嘅眼神望住我講。


「都係唔得啊⋯」
我好肯定你一定會麻煩到我⋯


「求下你喇⋯」
Jennie楚楚可憐地望住我，並且不斷用佢個胸摩擦我嘅手臂⋯⋯





待續