荒島日記（新手、後宮甜）（不定期更新）: 隱密.六

「咁就俾佢走甩咗？」


藍醫生點點頭。


主管子傑托著腮好認真地說到。
「我地今日朝早就已經留意郵輪嘅周圍，但唔見有屍體。」




在一旁翹著手嘅中年婦人霞女士亦開口說話。
「睇嚟想殺死藍醫生嘅人仲在生。」


「點解佢要殺死藍醫生？」
我講完，除了在醫療室內好專心打掃嘅矮小清潔阿伯，其餘人都紛紛望向藍醫生。


「藍醫生，你有無頭緒？」
中年婦人霞女士問到。




藍醫生搖搖頭，佢完全無得罪過人，想不到為何對方執意要殺佢。


眾人沈默了一陣。
「話說⋯⋯」


見到藍醫生身後嘅擔架床，有個人躺在上面一動不動，並且臉上也蓋了層白布，我走了過去拉下白布，係⋯


「光頭佬⋯」


藍醫生見我緊張望住光頭佬便解釋到。
「唔洗擔心，佢只不過係攰到訓著咗，背隻上嘅傷口我已經包紮好。」


雪兒亦尷尬地解釋到。
「至於白布蓋臉⋯係因為佢話驚太光。」


隨後，光頭佬發出呼嚕呼嚕嘅鼻鼾聲。


身穿迷彩軍服嘅老伯問到。


「竟然這樣，我們是不是需要保護藍醫生人身安全？她可是郵輪上唯一的醫生。」


突然有人推開醫療室大門，然後對著醫療室內嘅眾人說到。
「這問題，你們不需要擔心。」


說話嘅人係渾元極意太極門嘅掌門人馬師傅，佢對著醫療室眾人抱拳打招呼。
「在下打聽到子傑主管想找個人保護藍醫生，以在下的功夫，保護藍醫生簡直綽綽有餘。」


「原來馬師傅有興趣擔任保鑣一職。」
主管子傑走過去同馬師傅握手。




我疑惑地望住馬師傅，因為我到依家都唔係好相信佢嘅功夫。


唔止係我，就連穿迷彩軍服嘅老伯、中年婦人霞女士都用充滿疑惑嘅眼神望向馬師傅。


馬師傅見我地幾個嘅眼神，佢用力抱拳，然後中氣十足地說到。
「看來在下需要獻醜了⋯」


馬師傅走到醫療室內空曠嘅位置，佢慢慢地紮馬，我地全部人目光都集中係佢身上，突然佢大喝一聲，身體好似抽搐般咁跳動。


「閃電五連鞭！！！」
馬師傅對著空氣連揮五拳。




我呆若木雞⋯因為佢依個所謂嘅功夫⋯想打中人根本係無可能⋯點解萬天天會跟個咁嘅人學功夫⋯


佢擺明就係個騙子。


「唔錯唔錯⋯」
主管子傑尷尬地拍著手，而其餘人同我一樣，俾馬師傅嘅功夫嚇到呆咗係到。


馬師傅再次抱拳，然後驕傲地說到。
「兩百公斤的英國大力士也不是我的對手，我曾經還徒手把UFC選手打得無力還手⋯⋯」




果然係典型嘅吹噓自己。


「咦？點解咁亂嘅？」
此刻，有兩人走入醫療室內，並且用腳踢地上嘅雜物。


「苟公子，你無聽講尋晚有人係醫療室襲擊醫生咩？」
旁邊嘅平頭短髮少年解釋到。


那個叫苟公子嘅人走咗過嚟，見到藍醫生包紮嘅手，便嘻皮笑臉說到。
「咦！依位咪就係醫生？你依家情況好似唔係幾樂觀喎，需唔需要我地保護你？」


藍醫生並無理會佢，不過眼神透露出對苟公子嘅不滿。


苟公子見藍醫生無回應，視線便轉向在旁個雪兒。


「靚女，你考慮成點啊？睇嚟你工作嘅環境幾危險，不過只要你跟住我，我保證你以後生活無憂。」
說罷，苟公子伸手捉住雪兒嘅小手。


見到雪兒厭惡嘅眼神，我立即用力拉開苟公子隻手，唔俾佢繼續捉住雪兒，突然一個重拳打向我嘅面部，令到我倒在一邊。


「粉腸，竟然用污糟嘅手掂苟公子。」
一拳打倒我在地上嘅平頭短髮嘅少年不屑地說到。


「喂！你地做咩打佢啊！」
雪兒立即抱住在地上嘅我，並且大罵平頭短髮少年。


「呵！我打佢⋯」
平頭短髮少年未講完，辣椒妹從旁一巴打落佢塊面到。


啪！！！


響亮嘅一巴傳遍整個醫療室。


平頭短髮少年摸著熾熱嘅臉頰，然後憤怒地望住辣椒妹，辣椒妹亦不甘示弱，瞪大眼睛望返住佢。


「仆街！望夠未啊？」
辣椒妹此刻嘅氣勢更強。


我諗，在場嘈交應該無人嘈得贏辣椒妹。


「你！！」
平頭短髮少年立即舉起隻手準備，霞女士立即捉住佢嘅手臂說到。
「放肆！你地好同我停手！！」


平頭短髮少年轉向怒視住霞女士。
「你係唔係想死？」


苟公子拍一拍平頭短髮少年嘅膊頭，並且望想霞女士。
「原來係婦女會嘅會長，好喇赫競，尊敬下佢老人家。」


「好。」
那個叫赫競個平頭短髮少年便立即收手，不過仍怒視著辣椒妹同霞女士。


霞女士望向一邊個主管子傑，主管子傑只係露出一個尷尬嘅笑容，並無為無理取鬧嘅二人作出回應。


「依到唔歡迎你地！好快啲立即離開！」
霞女士中氣十足地對著二人喝到。


赫競惡狠狠地對著霞女士。
「你話離開就離開啊！你估依到係你㗎！」


「算喇赫競，我地大人不記小人過，不過你地以後要小心啲啊～」
說罷，苟公子對著霞女士露出笑容，是令人深寒嘅笑容。


「染金毛個條女，你死梗！」
赫競怒視住辣椒妹，然後對住辣椒妹做了一個划頸嘅動作。


我望著離開醫療室嘅二人，恐嚇辣椒妹同依一拳嘅仇，我一定會報！！！



待續