荒島日記（新手、後宮甜）（不定期更新）: 隱密.五

「大佬⋯好痛啊⋯」
稀疏男捲縮係中學操場嘅某個角落。


「細佬⋯細佬⋯」
光頭佬跑到稀疏男面前查看傷勢。


「你地睇吓，個傻仔嚟救細佬啊。」
其中一個疑似係學生裡面嘅大佬指著佢兩兄弟說到。




「哈哈哈哈哈！！！」
其餘同學紛紛笑著。


一瞬間，光頭佬已經企到那個學生大佬面前，瞪大雙眼望住佢說到。
「道歉⋯道歉⋯」




原本大佬俾光頭佬嘅眼神嚇咗一跳，佢望到身邊十數人，便用力推光頭佬。
「道歉？我仲嫌佢俾人打得少啊！你地全部人同我再打鑊佢！」


於是幾個人圍著縮在地上嘅稀疏男拳打腳踢，另外數人則對付光頭佬⋯


最後，十數人躺在地上翻曬白眼，而學生中嘅大佬忍受著疼痛，正在努力咁爬出操場嘅角落。




「道歉⋯」
光頭佬捉住個大佬，將個大佬拖返入操場嘅角落，那一天，光頭佬成為令人聞風喪膽嘅惡魔⋯⋯



「道歉⋯同藍醫生道歉⋯」
光頭佬把雨衣男人狠狠捉起，雨衣男人不斷拉扯著佢隻手，但力量同光頭佬完全無辦法比。


雨衣男人提腿踢向光頭佬嘅心口，但光頭佬嘅心口好似鋼板一樣，完全造成唔到任何傷害。


突然雨衣男人笑了起來，然後從身後抽出匕首刺傷光頭佬嘅手臂，令光頭佬隨後鬆開雙手。




雨衣男人立即閃到一邊拉遠同光頭佬之間嘅距離。


「嘻嘻嘻！嘻嘻嘻！」
雨衣男人握著匕首看著光頭佬。


雨衣男人緊緊握著匕首，因為從剛才幾次交鋒後佢得知，光頭佬全身都好似鋼板一樣，普通嘅拳頭係無辦法對佢造成大傷害，只有鋒利嘅刀刃。


雨衣男人衝向光頭佬，匕首瞄準著光頭佬嘅腹部。
「嘻嘻嘻！！」


光頭佬一手拍向雨衣男人隻手，瞬間令雨衣男人手背感到熾熱，匕首更被打飛到一邊去。




雨衣男人緊張地望向匕首嘅位置，佢深知自己無咗把匕首，係根本應付唔到光頭佬。


雨衣男人摸著發熱嘅手背，望向飛到一邊嘅匕首，光頭佬已經再次將佢捉起，目光變得更凶神惡煞。
「唔道歉⋯」


仲未等佢反應過嚟，光頭佬突然旋轉起嚟，好似陀螺一樣，然後好快咁將佢狠狠拋到一邊。


boom！




雨衣男人砸到醫療室內一邊嘅雜物上，佢難受到吐出一口鮮血。


雨衣男人想不到自己，光頭佬竟然將米七左右四十五公斤嘅佢，如砸鐵餅般十分輕鬆拋出去。


佢用力支撐著身體想企返起身摸著頭，但光頭佬似乎唔想俾佢有喘氣休息嘅機會。


光頭佬已經再次企到佢面前，將佢成個人提起，並且重複著講。
「唔道歉⋯」


光頭佬再次旋轉身體，雨衣男人捉緊光頭佬嘅衣服，但完全無用，佢再次好似鐵餅咁俾光頭佬拋到一邊。




「呃啊⋯」
撞到不少醫療室內嘅雜物，雨衣男人痛到身體顫抖起嚟。


此刻雨衣男人，除了身體無比嘅疼痛，仲有腦袋此刻嘅天旋地轉嘅暈眩。


「唔道歉⋯」
光頭佬又唔知乜嘢時候企在係佢面前。


雨衣男人用盡全身嘅力氣不斷退後，但光頭佬並無放過佢，一直瞪大雙眼望住佢嘅一舉一動。


「唔道歉⋯唔道歉⋯」
光頭佬一手捉住雨衣男人嘅衣領，雨衣男人難受地被捉起。


好快，光頭佬再次陀螺般旋轉身體，然後雨衣男人被佢狠狠拋到一邊，雨衣男人又撞向無數雜物上。


「呃啊啊啊⋯」
雨衣男人痛到跪在地上吐血，摸著身上各處因撞擊雜物嘅造成嘅傷口。


「健興⋯健興⋯」


「藍醫生⋯」
原本光頭佬想繼續拋雨衣男人，聽到躺在角落嘅藍醫生呼喚著佢，便走去關心藍醫生。


「你無事啊嘛？」
藍醫生看著光頭佬手臂上嘅傷口說到。


見藍醫生如此關心自己，光頭佬高興地不斷摸自己個頭。
「哈哈～我無事～」


「紫霜呢？紫霜佢受咗傷⋯佢係邊⋯」
躺在地上嘅藍醫生擔心紫霜嘅安危。


光頭佬四處張望尋找紫霜嘅身影，終於係某張擔架床下看到紫霜。
「佢係個到～」


趁光頭佬走過去抱起紫霜，雨衣男人執起匕首衝向藍醫生，因為佢由始至終嘅目標係殺死藍醫生。


「嘻嘻嘻！！！」
見自己就快得手，雨衣男人再次發出瘋狂嘅笑聲。


藍醫生閉上雙眼，雨衣男人舉起匕首刺向藍醫生，匕首一瞬間便插了入去⋯


藍醫生睜開雙眼，才發現有個身影擋在自己面前⋯


「哈哈⋯無事⋯藍醫生⋯」
光頭佬擋在藍醫生面前，用佢強壯魁梧嘅背隻挨了一刀。


雖然佢把口話無事，但佢此刻已經痛到流眼淚，並且講嘢都窒窒地。


但光頭佬望到藍醫生充滿恐懼佈滿血絲嘅眼神，令佢想起曾經嘅人⋯⋯


「大佬⋯係血啊⋯我流血啊⋯」
在學校因俾打到頭破血流而捲縮在地上嘅稀疏男，並且身體不斷地顫抖⋯⋯



光頭佬迅速站起，完全無視插在自己背隻上嘅匕首，面無表情地望向雨衣男人，雨衣男人緊張地吞了啖口水。


依股氣息，依個眼神，令雨衣男人雙腿開始發抖無辦法逃跑。


光頭佬用力托起雨衣男人，在雨衣男人凌空嘅時候捉住佢雙腳，雨衣男人深知不妙，不斷想踢嘅光頭佬雙手，但光頭佬已經開始旋轉身體。


旋轉嘅速度愈嚟愈快，雨衣男人已經因離心力而挺直個人，佢雙手抱緊自己嘅頭部，準備迎接光頭佬嘅拋技。


但今次好唔同，因為光頭佬完全無鬆手，旋轉嘅速度更加快，噗！噗！噗！光頭佬捉緊雨衣男人旋轉撞向周圍嘅雜物。


光頭佬今次真係陀螺咁旋轉，佢將雨衣男人當陀螺鐵環，將醫療室內嘅所有人當係陀螺盤。


雨衣男人上半身不斷撞周圍嘅雜物，佢努力保護頭部到光頭佬停下手嘅時候。


但光頭佬無停下手，反而愈轉愈快，快到雨衣男人已經聽唔到撞到雜物嘅聲音，只聽到因不斷加速而產生嘅風聲。


那個在學校稱王稱霸嘅學生大佬，就係俾光頭佬依一招人肉陀螺搞到滿地找牙。


「呃啊⋯⋯啊⋯」
雨衣男人被撞到鬆開了保護頭部嘅手，佢翻曬白眼失去知覺地任由光頭佬旋轉。


「健興⋯」
聽到藍醫生回過神嘅呼喚，光頭佬才停下手來把雨衣男人砸到一邊。


光頭佬衝到藍醫生面前，然後佢抱起藍醫生到紫霜身邊，藍醫生檢查紫霜嘅傷勢，確定並無大礙而鬆了口氣。
「無事就好⋯」


咔！


光頭佬和藍醫生望向聲音個方向，見原本失去知覺暈倒嘅雨衣男人企咗起身，光頭佬立即張開雙臂保護去身邊嘅藍醫生和紫霜⋯


咣噹！！！


雨衣男人撞破醫療室內嘅玻璃窗飛出郵輪外，當光頭佬走到去查看嘅時候，雨衣男人已經消失於茫茫大海⋯⋯



待續