荒島日記（新手、後宮甜）（不定期更新）: 叛徒.四

「應該係佢！」
藍醫生看一看泥土上嘅植物，然後叫光頭佬挖掘。

光頭佬立即用飛機嘅殘骸製成嘅小鏟子，圍著棵植物翻鬆挖掘泥土，數秒後，便拔出棵植物。

藍醫生拎起棵植物檢查。
「個樣成舊番薯咁，進一，拎本書出嚟睇下似唔似。」

雷門進一從背包取出本泛黃嘅書籍，對比藍醫生手上嘅植物，確認係山烏龜後，進一開心地來回跑。



「再挖多幾舊返去。」
藍醫生指著旁邊嘅山烏龜植物。

「哈哈～好～」
光頭佬再次挖掘泥土。

藍醫生見雪兒好認真咁觀察著光頭佬背後嘅竹籃，便講。
「裡面個啲係甘草、黃蓮、桑葉等等，都係啲清熱解毒嘅草藥，但有啲草藥係有毒性，所以我要研究一下先可以俾進一嘅媽媽服用。」

雪兒一知半解地點點頭。


「藍醫生，點解你會識咁多中藥嘅嘢？連佢地生長嘅地方都知得一清二楚。」

藍醫生用手撥一撥秀髮。
「其實我家族都係學中醫嘅，係得我一個先去學西醫，因為⋯」

「因為啲咩？」

「er⋯以後有機會再講。」
說罷，藍醫生把山烏龜放入竹籃裡。



「哦⋯好。」
見藍醫生唔想講落去，雪兒便無追問。

「睇嚟你對醫學好有興趣？」
藍醫生一邊看著光頭佬小心翼翼咁挖掘泥土一邊問到。

雪兒抬頭仰望天空。
「其實我細細個嘅夢想，就係想成為一名醫生。」

「加油。」

「嗯。」
雪兒望著天空數秒。
「咦！點解⋯」



「咩點解？」
藍醫生回頭望雪兒。

「你睇吓個到。」
雪兒指向飛機殘骸方向嘅天空，此刻飄著濃濃嘅帶有暗紅色嘅煙。

眾人立即望向雪兒指住嘅方向，光頭佬望著弄弄暗紅色嘅煙，瞳孔慢慢地放大。
「哈～細佬～」




另一邊

［ 福青村 ］





容祿在房間裡搖頭嘆息了一陣，便走出房外面對眾人。
「雖然我地已經趕了回來，但很抱歉，鼎爺受的傷實在太嚴重，於昨晚凌晨時分逝世，享年⋯⋯」

「鼎爺⋯」
眾人紛紛在房門外得低頭。

「大佬⋯大佬⋯大佬啊⋯」
單眼佬曾蕩博激動地衝入房間裡，然後哭跪係鼎爺遺體旁邊，握著鼎爺已經僵硬嘅手說到。

旁邊嘅人見到單眼佬哭的如此犀利，便走去安慰佢。
「博哥⋯你唔好咁激動⋯博哥⋯」



「博哥⋯保重身體啊⋯」

「我跟咗你咁多年⋯同你出生入死過無數次⋯你點可以話走就走⋯大佬⋯」
單眼佬曾蕩博一把鼻涕一把眼淚咁講，原本沈默不語嘅眾人俾佢地兄弟之情而感動，眼眶逐漸泛紅。

「估唔到阿博仔都幾重情重義。」
與鼎爺同輩份的世叔伯，聽到鼎爺逝世嘅消息後便趕到嚟。

「咁係喇，細細個就已經跟阿鼎喇。」
另一位老人回答到。

一個揸住拐杖嘅白髮男人在旁唏噓說到。
「估唔到阿鼎就咁走咗⋯睇嚟我地依啲老嘢都好快跟住走⋯」

「唉⋯」


另外兩個世叔伯隨即嘆息。

單眼佬曾蕩博跪係三位世叔伯面前。
「洪爺⋯炳爺⋯強伯⋯都係我唔好⋯如果我當時係鼎爺身邊⋯就一定唔會發生依啲事⋯都係我嘅錯⋯都係我嘅錯⋯」

世叔伯洪爺立即安慰單眼佬。
「唔好怪責自己，意外嘅嘢無人會估到。」

「係囉係囉，你起身先。」
另一個世叔伯嘗試扶起單眼佬。

「但係⋯」
喊到滿面通紅嘅單眼佬，佢啲鼻涕就快滴落到地面。

「唔洗但係，好好休息，社團唔可以無人打理，以後就要靠你去打理。」
握拐杖嘅世叔伯拍一拍單眼佬嘅背隻後，便慢慢咁走出房外。

「係啊，博仔，我睇好你啊，後生可畏。」
另外兩個世叔伯講完便離開。

係門外等咗好耐嘅鳥嘴男，向著世叔伯輕微地鞠躬，世叔伯們點一點頭，便開開心心咁一齊走到不遠處的房裡。
「我今日想搵阿麗。」

鳥嘴男確認世叔伯離開後，便走到單眼佬曾蕩博旁邊，蹲下身係佢耳邊說到。
「你啲戲會晤會太浮誇？」

單眼佬緊張地回頭望一望房外。
「班老嘢呢？」

鳥嘴男
「早就走咗去’‘機場‘’打飛機。」

「我唔誇張啲點呃佢地。」
說罷，單眼佬發出哭泣嘅聲音。

鳥嘴男看到後有些無奈。
「估唔到你份人咁虛假。」

「依個世界就係講求金錢同權力嘅喇，你估仲有人講義氣咩，同埋，我只係攞返我應得嘅嘢。」
說罷，單眼佬再次發出淒厲嘅哭泣聲。

鳥嘴男起身，容祿走到鳥嘴男身邊說到。
「選擇好哪裡埋葬遺體沒有？」

鳥嘴男望了一眼鼎爺嘅遺體。
「你地揸主意。」

同容祿講完，鳥嘴男便走出房外，從袋裡掏出個十分名貴嘅金屬特製打火機，看著它默默唸到。
「義氣⋯⋯」



待續