荒島日記（新手、後宮甜）（不定期更新）: 叛徒.三

「秋儀⋯你點啊⋯係唔係好痛⋯」

「學東哥⋯」
秋儀仍緊緊攬實我。

「分開佢地兩個。」
MK傑伸手想拉開秋儀，但秋儀攬實我唔肯放手。

「發生乜嘢事？做咩打我條仔！」
辣椒妹訓醒看到此刻如此嘅情境，立即起身對MK傑嚟個飛腳。



MK傑瞬間被踢到倒地，手中嘅棒球棒飛出一邊去。

「嘩！依條女正啊！」
彪悍男人阿標看到辣椒妹後雙眼發光。

「係啊！樣靚身材正！」
另一位彪悍嘅男人阿力看到辣椒妹，便被辣椒妹嘅樣貌身材吸引住。

辣椒妹見兩人靠近，便握起雙拳，擺出打交嘅姿勢。


「你地想點啊！夠薑就隻揪！」

「隻揪？好啊。」
彪悍男人阿標放低手上嘅繩索，優哉游哉咁行近辣椒妹，唔放辣椒妹在眼內。

佢咁嘅態度只會令辣椒妹火滾，辣椒妹二話不説，向阿標揮右拳，阿標用力接住了辣椒妹嘅拳頭。

阿標色瞇瞇對著辣椒妹說到。
「哎唷～咁白滑個手唔係用嚟打人㗎～」



「你！」
辣椒妹聽到後，憤怒地用左拳揮向阿標，阿標再次接住辣椒妹嘅拳頭，然後用雙手一扭，令辣椒妹轉入佢嘅懷裡。

「放開我！放開我！」
在阿標懷裡嘅辣椒妹不斷掙扎反抗著。

阿標用力攬住辣椒妹，然後低頭嗅著辣椒妹身體嘅氣味。
「你好香～」

「死變態佬放開我啊！放開我！」
辣椒妹怒視著佢背後嘅阿標。

阿標身形太過彪悍，雙臂強壯孔武有力，辣椒妹無辦法同佢去比拼力氣。

阿力鹹鹹濕濕咁望住辣椒妹，然後有些羨慕咁望回阿標。


「阿標，你睇依個𡃁妹嘅樣，應該做得你個女喎。」

「哈哈哈！佢今晚就好好咁服侍我。」
說罷，彪悍男人阿標更加用力捉緊辣椒妹，然後用突起嘅褲頭頂著辣椒妹圓圓嘅臀部。

「收皮喇你！」
辣椒妹用力踩彪悍男人阿標隻腳，阿標痛到立即放開辣椒妹。

辣椒妹趁阿標未反應過嚟，一腳踢上阿標嘅雙腿之間。

彪悍男人阿標瞬間雙腳發軟跪地，然後緊緊摸著褲頭突起位置，面色蒼白嘅佢望住辣椒妹。

辣椒妹一腳踩在彪悍男人阿標嘅背隻，用力逼使阿標趴落地上，然後好得戚地望向阿力。

突然一個身影閃到辣椒妹背後。


「辣椒妹！小心後面！」

辣椒妹仲未反應過嚟，戴帽男以手刀嘅方式快速敲了辣椒妹嘅後腦，辣椒妹瞬間失去知覺倒地。

「都係你最叻！」
彪悍男人阿力跑到戴帽男身邊讚揚，然後用繩索綑綁地上失去知覺嘅辣椒妹。

我只可以眼睜睜咁望住辣椒妹俾佢地綑綁手腳⋯

「啊⋯」
秋儀俾佢地扯住頭髮而哭泣。

「放開秋儀啊！放開佢啊！」

「依家你無話語權！」


說罷，MK傑用棒球棒係我頭上揮了一棒，我大腦瞬間空白而倒在地上。




「大陸仔⋯」

「學東哥⋯」

「大陸仔⋯醒啊喂⋯」

「嗯唔⋯」
後腦嘅位置好痛，我努力睜開雙眼，見到秋儀同辣椒妹仲有四眼妹三人望住我。

「你地⋯秋儀，四眼妹，你地兩個無事啊嘛？」



秋儀同四眼妹異口同聲講。
「我無事。」

「達叔呢⋯達叔依家點啊⋯」
我拼命尋找達叔嘅身影。

四眼妹用膊頭推一推我，示意我跟住佢眼神望過去，只見達叔無反應咁挨係一邊。
「佢無醒過⋯不過我見佢有咳過幾次⋯」

「都唔關心吓我嘅⋯」
辣椒妹有些抱怨咁講。

「咁你有無事？」

辣椒妹擺出副哭喪臉。
「咁係有事喇⋯咁樣打我個頭⋯」

「噓⋯唔好講嘢住⋯快啲咪埋雙眼⋯」
四眼妹打斷辣椒妹嘅說話。

我地立即閉上雙眼，然後便聽見有人從飛機殘骸內走出，我睜開雙眼小小去睇，見到肥佬陳俾佢地捉咗出嚟。

「行快啲啊！死肥佬！」
阿標和阿力捉住肥佬陳走出嚟。

「你們想怎麼樣！」
肥佬陳驚恐地望著二人。

「陳總⋯陳總⋯」
秘書Lily亦俾佢地捉住咗。

馬奇摸著秘書Lily塊面，秘書Lily憎恨地望住馬奇，馬奇彎下腰說。
「今晚你好好陪我，我就饒了你。」

肥佬陳看到高佬佳同MK傑便情緒激動。
「阿佳⋯阿傑⋯你們兩個怎麼了⋯快放了我！快放了我！」

MK傑慢慢走過去，然後係肥佬陳臉上刮了響亮嘅一巴。
「死肥佬，我都忍得你耐喇！」

肥佬陳俾MK傑嘅依一巴打到呆咗，MK傑圍著肥佬陳走了幾圈，嘴裡不斷說著肥佬陳嘅錯事。
「死肥佬！成日用睇唔起人嘅眼神望住我！永遠都好似高人一等咁，有好處就全部攞曬！苦就由我地受⋯⋯」

然後佢地將綑綁起嚟嘅肥佬陳同秘書Lily推到達叔身旁，肥佬陳看到滿面血跡嘅達叔而嚇到顫抖起嚟。
「他不會是死了吧⋯」

秘書Lily呼喚著達叔。
「小兄弟⋯快醒醒⋯小兄弟⋯」

我小心翼翼咁觀察四週，我地營地個生還者大部分人都俾佢地捉住曬，只有好少量嘅人已經逃離。

四眼妹細聲說著。
「佢地似乎忘記咗一個人。」

「邊個？」

四眼妹托一托副眼鏡。
「外出咗好耐仍未見人嘅獅子狗。」

說罷，四眼妹用眼角輕輕地望向我身邊嘅辣椒妹。



待續