荒島日記（新手、後宮甜）（不定期更新）: 叛徒.五

有個男人匆匆忙忙咁趕到嚟，然後係門外大嗌著。
「博哥！博哥！」

單眼佬慢慢地回頭。
「乜嘢事？」

那個男人氣喘喘地說到。
「好似⋯有消息⋯」

男人帶著單眼佬同鳥嘴男跑上全村最高的四層建築物上，然後男人指著某個方向。


「博哥，你睇吓。」

單眼佬立即攞起男人手上嘅望遠鏡望，看到遙遠嘅叢林裡飄起一股濃煙。
「咦！係唔係關基整嘅訊號煙嚟？」

說罷，單眼佬把望遠鏡遞到鳥嘴男手上，鳥嘴男認真咁觀察咗一陣。
「應該係。」

單眼佬感到興奮。
「wow，睇嚟馬奇佢地搵到禿頭兩兄弟，依兩個二五仔！當初想毒死我地？捉返嚟我要狠狠地折磨一輪！」



鳥嘴男看著遙遠嘅濃煙冷淡地說。
「喂，關基話暗紅色嘅濃煙係代表啲咩？」

單眼佬呆了一會，然後才想起煙嘅顏色代表唔同嘅暗號。
「我唔記得喎！快啲搵關基問清楚。」

負責偵察嘅男人沈思了一會。
「暗紅色，好似係代表女人。」



單眼佬聽到後變得激動。
「係啊係啊！係代表女人啊！咁即係話馬奇係個島搵到女性生還者！」

鳥嘴男放下望遠鏡。
「遇到其他女性生還者係好正常，並唔需要放煙，除非⋯」

單眼佬接著鳥嘴男嘅說話。
「除非係遇到太多人！需要我地再派人過去幫忙！」

鳥嘴男點一點頭，單眼佬興奮地衝落樓。
「我依家就派人過去。」






飛機殘骸



此刻，稀疏男被五花大綁，吊掛係其中一棵大樹下，馬奇走上前去，捉住稀疏男嘅衣領問到。
「說！為什麼要毒死我們！」

「放過我⋯馬奇哥⋯求下你放過我⋯」
稀疏男驚恐地對著馬奇不斷求饒。

「放你媽！」
馬奇一拳打向稀疏男嘅腹部，稀疏男痛到噴口水。

馬奇捉住稀疏男僅餘嘅頭髮。
「快說！你到底為什麼要毒我們！」



「我唔知㗎⋯」
稀疏男喊住求原諒。

「你不說是吧！好！！」
馬奇退後一步，然後握緊雙拳，對著吊起嘅稀疏男如沙包一樣不斷地揮拳。

畫面實在太過血腥，我都唔敢直視。咦！此刻在叢林外有個人影！

係紫霜！

紫霜一個人躲係叢林裡其中一棵樹後面，好似係因為攪肚痛，所以無跟達叔佢地外出，啱啱亦因此避開馬奇眾人。

我對著身邊嘅人細聲說到。
「四眼妹，秋儀，辣椒妹，你地幫我睇水，我要傳達訊息俾紫霜。」



辣椒妹聽到我提起紫霜，便不斷四處張望。
「紫霜？係邊？佢係邊？」

我就嚟俾辣椒妹激死⋯
「噓⋯冷靜啲⋯佢依家係我地唯一嘅希望⋯唔好咁張揚⋯」

我好似條蟲咁不斷咁蠕動，調整好最佳位置對準紫霜，然後向著紫霜用口語表達。
（快啲去搵獅子狗返嚟！）

紫霜一直望住我，但好似睇唔明我嘅口語，仍然企係原地不動，於是我努力繼續用口語表達。
（快啲去搵獅子狗返嚟！快啲去搵獅子狗返嚟！）

「大陸仔！」



聽到有人叫我，我擰轉頭望，仆街喇⋯係MK傑⋯

「你終於醒喇！咁就好玩喇！」
MK傑奸笑數聲，然後捉住綑綁我嘅繩索，將我拖去稀疏男佢地個方向。

「快啲放開我條仔！你個仆街！」
「放開學東哥！」
辣椒妹同秋儀不斷地罵著MK傑，但MK傑沒有理會頭也不回，繼續拖我過去。

四眼妹見我被佢拖走，著急地用口語叫紫霜快啲去搵獅子狗。

「MK傑！你想點啊！」
我向著拖住我嘅MK傑講。

「想點？你好快未知囉！」
MK傑繼續拖住我行過去。

數分鐘後，我都同稀疏男一樣被吊掛係樹下，吊係佢旁邊嘅樹下。稀疏男捱咗馬奇嘅連環重拳而暈倒。

「你唔洗望佢喇。」
說罷，MK傑一拳打落我腹部，疼痛如被火熾熱燃燒般。

我用餘光望周圍嘅人，肥佬陳、秘書Lily等等，被命令望住我同稀疏男。

此刻我同稀疏男好似上咗處刑台般，以殺雞儆猴嘅方式警告其餘人。

警告佢地唔好有咩舉動，否則就好似我同稀疏男咁受到刑罰。

肥佬陳被嚇到瑟瑟發抖唔敢望我地，秘書Lily就雙眼泛紅咁望住我地兩個。

「點啊？正唔正？」
MK傑奸笑地對著我說到。

「正你老⋯」
我未鬧完，MK傑再次向我腹部揮拳，我痛到再次標冷汗。

「快啲放開我條仔啊！！！」
辣椒妹憤怒地咆哮著，MK傑嘴角上揚，然後指著辣椒妹說到。
「我今晚就狠狠咁‘’對付‘’你！俾你見識一下乜嘢叫做真正嘅男人！！！」

我努力咁忍住疼痛，憤怒地望著MK傑。
「MK傑！係男人嘅！夠薑就隻揪！」

「你想隻揪啊？」
MK傑突然又一拳打過嚟，今次痛到我連黃膽水都嘔埋出嚟。

MK傑哈哈大笑。
「你憑咩同我講條件啊！大陸仔！！」

「喂喂喂⋯你想點啊⋯放開我啊喂⋯」
彪悍男人在眾人裡捉起肥豬劉，然後將佢吊掛係我旁邊嘅樹下。

肥豬劉看著MK傑同一旁嘅高佬佳。
「阿傑⋯阿佳⋯做咩綁起我啊⋯我係師兄啊⋯我地唔係好兄弟咩⋯快啲叫個大隻佬嚟幫我鬆綁⋯」



待續