荒島日記（新手、後宮甜）（不定期更新）: 叛徒.二
「狩獵⋯」
高佬佳唔明馬奇講咩，而MK傑拉著高佬佳到一邊係耳邊輕聲細語。
「馬⋯馬奇⋯」
稀疏男驚恐萬分地望住前面叫馬奇嘅男人。
馬奇向馬車上嘅戴帽男講。
「現在通知一下大家。」
馬車上嘅戴帽男人從馬車上拎出個長條形嘅物品出嚟，然後佢用火機點著，長意思形嘅物品立即噴出濃煙飄上天空。
馬奇向後吩咐著。
「繩子拿出來了嗎？」
「當然！」
兩個彪悍嘅男人手上提著一大堆樹藤做嘅繩索。
「做咩啊你地⋯」
「你地想點啊⋯」
「唔好行過嚟啊⋯」
眾女看著佢地不斷靠近感到不妙。
馬奇看著眾人，樣子變得更加狡猾。
「這裡一個也不要放過，全部捉回去。」
「佢地會捉曬我地返去⋯男嘅會做奴隸⋯女嘅會俾佢地強姦⋯」
稀疏男顫抖地說。
四眼妹聽到後便大嗌。
「快啲跑啊！佢地係想捉我地啊！」
眾女聽完四眼妹說話開始逃脫，而兩個彪悍嘅男人亦立即衝向眾女，但有兩個跑的慢嘅人，已經俾彪悍嘅男人撲到在地上，然後用繩索綑綁雙手雙腳。
馬奇拍一拍MK傑膊頭。
「那已經綑綁住的人就交給你看了。」
MK傑笑著點頭。
「好嘅！大哥！」
高佬佳見此情形感到害怕和不安。
「傑少⋯做⋯做咩會咁⋯我地咁樣做會唔會唔係幾好⋯」
MK傑立即安撫著身旁嘅高佬佳。
「阿佳，正所謂識時務者為俊傑，我地係到一直受肥佬打壓，依家終於有人幫我地出頭，唔係應該高興咩？」
「但係⋯」
「但咩係，你唔係好鐘意你嘅同學雪兒咩？依家就去幫你搵雪兒返嚟，以後雪兒就屬於你一個！」
MK傑立即四圍望飛機殘骸嘅所有位置，尋找雪兒嘅身影。
雪兒同藍醫生佢地一早出發採藥，MK傑係無辦法搵到雪兒。
MK傑環顧四週望到我後，嘴角立即上揚，然後指住我大嗌。
「大哥！大哥！就係依條友！佢最撚麻煩！一定要解決佢先！」
「what the fuck....」
馬奇聽到MK傑嘅說話後，立即衝向過嚟。
「那我現在就收拾他！」
「你想對大陸仔點啊！」
四眼妹立即上前阻擋馬奇。
馬奇沒有推開四眼妹，反而一手扯住四眼妹嘅手臂，令四眼妹疼痛地無辦法反抗，然後馬奇擰轉頭講。
「阿標！拿繩子過來綁她！」
那個叫阿標嘅彪悍男人聽到後，立即帶著繩索跑過嚟。
弊⋯唔可以睇住四眼妹俾佢地捉住。
我立即向馬奇揮拳，係拳頭打過去嘅一剎那，我見到馬奇突然一笑。
馬奇擰著四眼妹手臂，然後用四眼妹身體去擋我依一拳，我趕唔切收力，拳頭狠狠打向四眼妹嘅腹部。
「啊⋯」
四眼妹痛苦地叫了一聲。
「sorry⋯四眼⋯啊⋯」
我未道歉完，馬奇一腳把完踢倒在地上。
我掙扎地起身，看著四眼妹已經倒在我前面位置，頭上不斷冒著豆般大嘅汗珠。
四眼妹俾我依一拳打到頭暈目眩，已經無辦法再站立起來。那個叫阿標嘅彪悍男人已經走到過嚟，開始用繩索從後綁四眼沒雙手。
「快啲放開四眼妹！」
我立即起身衝過去制止。
馬奇想再次用腳踢倒我，但我已經睇穿曬佢嘅動作，我敏捷地躲避佢依一腳，然後狠狠地撞向正在綑綁四眼妹嘅彪悍男人。
彪悍男人阿標俾我撞倒後，我從袋裡掏出瑞士軍刀向著馬奇同彪悍男人阿標。
「咪靠近過嚟！唔係就同你地搏命！」
原本馬奇見我左手被包紮，認為我好容易對付，誰知我身上有武器。
看著我手上鋒利嘅軍刀，佢地兩人都唔敢輕舉妄動地上前。
「大陸仔！我勸你乖乖地投降喇！」
不遠處嘅MK傑大嗌著。
「投降？我投你老⋯⋯」
我望向MK傑方向，見MK傑雙手捉住個滿面鮮血赤裸嘅人，係達叔嚟⋯
達叔頭上不斷有鮮血流下，而身體正搖搖欲墜地俾MK傑捉住，完全一啲反抗嘅能力都無，感覺達叔就快奄奄一息地死去⋯
點解達叔會係佢地手上⋯點解達叔會受咁重嘅傷⋯
「達叔！達叔！你地對達叔做過啲乜嘢嚟！達叔！」
我拼命大嗌著。
MK傑鬆手令達叔倒在地上，然後從馬車裡攞出個棒球棒指向達叔，用恐怖嘅笑容對住我講。
「我勸你都係乖乖地。」
「達叔⋯點解會咁㗎⋯」
醒過嚟嘅四眼妹，看到此刻在MK傑手上滿面鮮血嘅達叔，眼淚不斷湧出嚟。
達叔依家係佢地手上，而且傷的咁重，我無辦法唔聽佢地嘅說話。
於是我把軍刀掉在地上。
彪悍男人阿標看到我投降，立即一腳狠狠踢倒我，再踩住我背隻綁起我雙手雙腳。
我憤怒地望住MK傑。
「如果達叔出咗啲乜嘢事！我一定唔會放過你班仆街！！！」
「被捉住了口氣還這麼大？」
馬奇講完，用我嘅軍刀刺入我另一邊無受傷嘅手臂。
「啊！！！」
手臂上嘅痛楚立即蔓延全身，痛到我淚水標曬出嚟。
馬奇看到腳軟在地上攀爬嘅稀疏男，立即坐係稀疏男身上。
「哎？原來是老熟人啊！你大哥呢？」
稀疏男聽見馬奇認得佢，身體就顫抖的更加厲害。
MK傑正攞住棒球棒走過嚟，表情變得面目猙獰，見我猶如見殺父仇人。
「大陸仔！我好記得你當初點樣令我係眾人面前出醜！今日！係你嘅死期！」
說罷，MK傑攞住球棒衝咗過嚟，然後向著我頭部位置揮棒。
噗！
我抬頭一看，見到秋儀以飛快嘅速度跑到我面前攬住我，用佢嬌小嘅身驅去幫我擋了MK傑嘅依一棒⋯
秋儀正努力用微笑去望住我，但佢嘅嘴角正在流出一絲鮮血。
「秋儀⋯」
待續