荒島日記（新手、後宮甜）（不定期更新）: 二人.四
唔知幾時，秘書Lily走咗過嚟，佢望咗雷門進一一眼，便蹲下身問到。
「小朋友，你是不是迷路呢？」
雷門進一望住秘書Lily數秒，然後又放下嘅小書包，再次攞出本《野生中草藥大全》俾秘書Lily睇。
「この植物を見たことがありますか？」
「你要找這個嗎？」
秘書Lily攞住本書好認真咁睇。
「嗯。」
雷門進一點點頭回答。
秘書Lily搖一搖頭。
「我沒見過這植物，你找這植物幹什麼呢？你生病了？」
「它⋯會救媽媽⋯」
雷門進一指住本書講。
我無聽錯？佢竟然聽得明秘書Lily講咩？而且仲識用國語回答？
達叔激動地捉住進一手臂。
「你啱啱講咩啊？仲有！點解你聽得明佢講嘢，但聽唔明我地幾個⋯」
「小心整前人地啊！」
四眼妹一嘢拍達叔個頭，然後拉扯達叔隻手，令達叔鬆開了雙手。
見到一旁嘅我同達叔驚訝嘅面孔，雷門進一便立即細聲解釋。
「我媽媽⋯臺灣人⋯所以我會⋯一點點⋯」
原來佢係個混血兒，咁就難怪會識日語同國語喇。
秘書Lily捉住雷門進一嘅小手。
「你剛才說，你媽媽病了，她現在在哪？」
「她在⋯她在⋯海⋯海⋯海⋯」
雷門進一變得有些著急，佢諗唔出有咩詞語開始回答Lily嘅問題。
見雷門進一著急嘅樣，秘書Lily立即問進一，好讓佢唔再咁著急。
「那你能帶我們去找你媽媽嗎？」
「能⋯但⋯但⋯遠⋯」
雷門進一無奈咁講。
咁樣講，即係有其他雅典娜女神號嘅乘客群居係島上嘅某一個位置，而雷門進一就係嘅到走出嚟嘅。
並唔係得我地營地嘅人生存，仲有唔少人係依個島上生存。
秘書Lily摸著雷門進一嘅頭髮，好溫柔，好親切咁去關心佢。
「很遠嗎？你走了多久才來到這裡？」
雷門進一攞返本書，然後打開本書嘅最後兩頁，書頁上有數條原子筆嘅痕跡。
佢數著書頁上嘅痕跡便答。
「六⋯天⋯」
好聰明嘅小朋友，會用筆畫去記低自己係外面生存咗幾多日。
「六日？」
我同達叔四眼妹再一次驚訝，難以置信雷門進一係叢林裡面生存六日。
秘書Lily繼續問。
「所以你看得懂這書上寫的藥可以救媽媽，就自己一個人出來找藥，對吧？」
雷門進一搖一搖頭。
「我⋯不懂⋯但有人⋯說⋯這植物⋯在森林有⋯它可以救媽媽⋯叫我⋯來找⋯」
秘書Lily撫摸著雷門進一塊面。
「多可憐的孩子，一個人在森林裡生活了六天，吃這麼多苦，弄得滿身泥巴，你餓了嗎？要不姐姐給你拿點吃的？」
秘書Lily真係好溫柔，佢嘅說話同表現完全反應出對雷門進一嘅關懷同憐憫。
「我⋯不餓⋯」
說罷，雷門進一把本書收返入書包裡。
「真乖。」
看著雷門進一收拾書包嘅畫面，秘書Lily雙眼開始有些通紅。
「欸？他是誰？我怎麼沒見過他。」
肥佬陳此刻亦不知不覺出現係我地旁。
秘書Lily聽到肥佬陳，抹了一下雙眼，然後企起身準備回答肥佬陳。
肥佬陳未等Lily嘅回答就擰轉身。
「算了，我去吃飯先，Lily等下再告訴我發生什麼事吧。」
肥佬陳講完，便扭扭捏捏咁行去烤架嘅方向。
果然係肥佬陳嘅性格，對於營地多咗個人嘅事，佢點會在意，係去心目中，只有兩樣嘢係會在意嘅，就係食物同權力。
「好的陳總。」
秘書Lily繼續蹲下身同進一傾計。
秘書Lily啱啱嘅情況，我估，佢應該係諗起自己嘅細佬。
「你真的好勇敢喔，這麼小就已經懂得保護媽媽。」
秘書Lily誇讚雷門進一，雷門進一怕醜地唔知講咩好。
於是秘書Lily同雷門進一熟絡後，Lily便帶著佢，係飛機殘骸範圍走了一圈，去認識新嘅朋友。
四眼妹同達叔就決定去河邊，去睇吓獅子狗佢地乜嘢情況，同埋順便去捕捉幾條魚返嚟。
而我就留係飛機殘骸，一嚟我受咗上需要休息，二嚟我要等藍醫生返嚟，然後帶藍醫生去見雷門進一。
我坐係某一棵大樹下，依棵大樹嘅位置絕對係最佳位置，因為佢可以清晰望到飛機殘骸嘅每一處位置，每一嘅角落。
周圍附近發生乜嘢人事情，我都會係第一個望到，第一個知道。
咦？
我隱約好似見到個人影，係叢林裡面獨自一個鬼鬼祟祟。
我望清楚啲，依個人影矮矮細細，髮線向後十分嚴重，係稀疏男嚟！
佢唔係話要去訓教嘅咩？做咩係叢林裡面走嚟走去？
望住稀疏男係叢林裡面已經來回行走幾分鐘，於是我決定走過去了解吓。
「咁耐㗎⋯大鑊喇⋯仲唔快啲返嚟嘅⋯」
靠近過去，便聽到稀疏男在叢林裡來回地走，自言自語，顯得佢十分著急。
「喂！」
稀疏男聽到我喂嘅一聲，嚇咗一跳後雙腳發軟跌倒在地上，我立即上前扶佢起身。
稀疏男見到係我便鬆了口氣，然後開始抱怨我嚇佢。
「無啦啦喂咁大聲，想嚇死人咩。」
「你啱啱講乜嘢大鑊？」
稀疏男聽到後瞪大雙眼，然後辯駁。
「大鑊？我幾時有講大鑊，我無講過。」
「無講過？你唔係去訓教嘅咩？做乜依家出現係依到！」
我疑惑咁望住佢，佢立即避開我嘅眼神。
「我訓唔著⋯所以出嚟唞吓氣⋯」
稀疏男不斷望周圍嘅花花草草，點都唔敢望向我依邊。
「你講大話！」
「我⋯我無⋯」
佢嘅說話都變得顫抖起嚟。
又避開我嘅眼神，講嘢又口震，係講大話嘅表現！
我捉緊稀疏男嘅衣領，令佢雙眼望住我。
「你好快啲同我講！你到底有咩事隱瞞住我地！」
待續