荒島日記（新手、後宮甜）（不定期更新）: 二人.一
第二朝，原本熟睡中嘅我俾一股烤肉嘅氣味弄醒，於是我坐起身打個喊露。
「學東哥，你醒喇？」
秋儀坐係我旁邊望住我。
「嗯。」
我望一望周圍，唔見雪兒同辣椒妹，達叔同四眼妹亦唔係附近。
「雪兒辣椒妹呢？」
「啱啱藍醫生話急救箱嘅藥已經短缺，所以要去附近睇吓有無啲山草藥，雪兒聽到就話要跟埋去，而光頭叔叔就話要保護藍醫生。」
「咁辣椒妹呢？」
「達叔同四眼妹驚啲熊肉太難食，所以係附近打獵，辣椒妹話學東哥受咗傷，所以代替你陪佢地喎。」
「哦～」
「終於醒喇？細佬。」
依把聲音，我回頭一看，見稀疏男以臥佛嘅姿勢出現係我背後不遠嘅地方。
「咦？你？唔跟光頭佬嘅？」
依幾日嚟，稀疏男都係癡住光頭佬，無論光頭佬去邊佢就係邊，好少見佢自己一個單獨係到。
「我早餐都未食，邊有力氣同佢地去採藥啊～有大佬興一個就可以保護到佢地。」
稀疏男懶洋洋說到。
稀疏男望一望周圍，佢拔下一條野草，然後叼在嘴角，繼續以臥佛嘅姿勢望住我。
「細佬，你記唔記得應承過我啲咩？」
「記得，介紹條女俾你識。」
稀疏男滿意地點一點頭。
「咁就好，等陣食完嘢，我去打扮一吓，你再帶我去見吓佢。」
「我只係介紹，成唔成功就靠你自己。」
「你覺得以我英俊嘅樣貌會溝唔到？」
稀疏男從袋裡掏出把梳，不斷咁梳頭盔上剩餘嘅幼髮。
我真係服咗佢，稀疏男實在太有自信。
「肉烤好了嗎？怎麼還沒好？什麼時候才烤好？我都快要餓死了。」
遠處嘅方向，見到肥佬陳從駕駛室走出，佢望著烤架上嘅肉流曬口水。
「啱啱先烤無幾耐，啲肉仲未熟㗎。」
負責煮食嘅女仔解釋到。
「起碼仲要燒多十幾分鐘。」
我回頭望講嘢嘅稀疏男。
稀疏男望咗我一眼，繼續以臥佛嘅姿勢，懶洋洋咁同我講。
「我以前有開過燒烤檔。」
「隻熊條屍呢？」
我依家先發覺，左望右望飛機殘骸範圍內都唔見黑熊。
「你地個sir帶住幾個學生，話要將隻黑熊運到河邊清洗同切割，烤架上個幾舊肉，係個𡃁仔送返嚟嘅。」
稀疏男打眼色咁望向文健，示意係文健拎啲肉返嚟俾肥佬陳。
滿頭大汗嘅文健走到一旁癱坐喘曬氣，秘書Lily上前關心，文健點一點頭，便大字型咁訓低休息。
秋儀挨係我一邊，小鳥依人般，稀疏男睇到後便白了一眼。
「真係羨慕死人。」
「wow～」
稀疏男突然兩眼發光，望住我背後嘅方向，我擰轉頭望，係秘書Lily，佢正在走過嚟我地依邊。
稀疏男快速走到我身旁，然後係我耳邊細聲說到。
「依條女正啊，以佢嘅樣貌同body，無一皮嘢都唔洗旨意離開酒店。」
「早上好，王學東弟弟。」
秘書Lily婀娜多姿走過嚟打招呼。
「早上好。」
「嘩，依個屁屁正啊。」
稀疏男又在我耳邊細聲說到。
「早啊，靚女～」
稀疏男色瞇瞇咁望住秘書Lily。
稀疏男此刻猥瑣嘅表情，完全表露出佢此刻嘅腦袋，正在幻想意淫強姦Lily一百次。
「你好。」
秘書Lily淡淡地微笑，然後彎下腰，一覽無遺咁展現佢條好深嘅事業線。
雖然一早已經睇曬秘書Lily成個身材，但制服誘惑依然好正，事業線依然要睇。
秋儀見我目光焦點全投放係秘書Lily嘅心口上，便望了自己個心口一眼，然後扁嘴脹卜卜，用楚楚可憐咁眼神望住我。
而稀疏男興奮過度，佢直接伸個頭去靠近，如果可以嘅話，佢恨不得直接將個頭塞入Lily件衫裡面。
Lily尷尬咁笑一笑，原來係笑稀疏男，稀疏男睇Lily嘅事業線睇到滿面通紅，感覺就嚟要噴鼻血。
稀疏男見我望向佢，便對著我豎起大拇指。
「你係咪搵我有事？」
秘書Lily望了一眼係我旁邊秋儀，見佢嘴扁扁脹氣成個河豚咁。
「沒事，只是想了解一下你的傷勢，昨晚因為有事要做，所以沒來得及問你們的情況，很嚴重嗎？」
我知，肥佬陳拖住你，係駕駛室內翻雲覆雨成個晚上。
我摸一摸包紮嘅傷口。
「多謝關心，只要休息幾日，應該就會好返。」
「那就好。」
秘書Lily又再望我旁邊嘅秋儀，佢好似猶豫咁啲咩，不過最後仍走返到肥佬陳身邊。
見秘書Lily離開，稀疏男對著我耳邊講。
「佢真係好撚正，如果我係個肥佬，我諗我幾日就已經精盡人亡，佢個啲叫床聲真係無法抗拒。」
「你又知？」
稀疏男淫賤地笑一笑。
「尋晚半夜去放水，經過駕駛室附近，我聽到裡面嘅聲音。」
稀疏男嘆了口氣。
「唉，但可惜個機頭嘅玻璃裂到花曬，裡面嘅情況乜都睇唔到⋯⋯」
「阿佳，依棵點樣？」
MK傑拍一拍旁邊嘅樹。
高佬佳看了一眼，然後繼續行。
「依棵唔夠高，我地要搵再高啲嘅。」
二人在叢林裡嘅某處，由於昨天慌亂逃脫，導致二人在叢林裡迷路，在林海中迷失方向。
「依棵呢？」
MK傑再次拍一拍途徑嘅樹。
高佬佳抬頭一望，再仔細咁圍住棵樹走了一圈，然後講。
「依棵俾蟲蛀到無曬營養，我驚我地爬到一半就倒下。」
於是佢地繼續行咗十分鐘，終於搵到棵最理想嘅大樹。
「依棵ok，高過周圍嘅樹，爬到上去一定可以搵返佢地。」
高佬佳用力拍一拍棵大樹，棵大樹無跌下任何葉片。
「好，咁交俾你。」
MK傑拍一拍高佬佳膊頭。
高佬佳指住自己。
「我上？我唔識爬樹喎⋯」
MK傑失望咁講。
「吓⋯我都唔識喎⋯」
「咁點搞啊？」
兩人無奈了一會，然後同時望向樹頂。
待續