荒島日記（新手、後宮甜）（不定期更新）: 尋仇.十六

對著周圍瘋狂亂爪嘅熊，由於完全打唔中獅子狗而變得更加憤怒。

獅子狗躲到一旁，等到黑熊動作變得緩慢嘅時候，便立即嚟個快速右揮拳，狠狠打向黑熊個頭。

黑熊向左退後了一步，口水都被獅子狗依一拳打到噴曬出嚟。

「掂啊！掂啊！阿sir！」
肥豬劉興奮地不斷拍手。

黑熊憤怒地再次瘋狂亂爪，仍然無辦法打中獅子狗，動作持續咗近兩分鐘過，黑熊慢慢咁停下動作，開始萌生退意。



四眼妹托一托副眼鏡。
「隻熊似乎要逃跑。」

「你又知？」

四眼妹擺出副神探伽利略姿勢。
「隻黑熊不斷咁搖頭，用耳仔去聽周圍嘅動靜，但明明獅子狗企係佢前方喘曬氣。」

我地再望向黑熊，黑熊得確如四眼妹所講不斷咁擰頭，面上無曬一開始嚟到嘅猙獰。



四眼妹繼續講。
「所以隻熊擰頭唔係搵獅子狗嘅方向，而係去聽周圍有無動靜，佢要確認周圍有無人包圍佢。」

「無錯！」
我為四眼妹嘅觀察力拍手。

「如果係就好，隻熊係我地目前無辦法解決到。」
藍醫生企係光頭佬背後說到。



「但⋯但係隻熊一定會再返嚟搵我地⋯」
肥豬劉唔想放過隻熊離開。

我地仲討論咁，黑熊就掉轉頭狂奔，藍醫生立即鬆了一口氣，這同達叔都抹了一下額頭上嘅汗水。

獅子狗突然衝向黑熊，佢唔俾黑熊逃跑嘅機會。

「你咪走啊！！」
獅子狗發了瘋般大嗌，用盡全力奔向逃跑中嘅黑熊。

「唔係嘛⋯」
我以為今日就此告一段落。

獅子狗究竟係癡咗線，定係想今日內解決隻熊，解決依個後患。



由於隻熊雙眼睇唔到，所以佢係憑感覺咁去跑，左搖右擺行唔到直線，一直係附近奔跑，好似係到兜圈。

boom！

黑熊撞到一棵樹到，然後佢帶著暈眩奔跑，但速度已經比剛才慢了許多。

獅子狗飛奔過去，一躍撲上黑熊嘅背部，然後佢一手緊緊扯住黑熊嘅頭部，另一隻手狠狠咁用指虎打黑熊嘅背隻。

「去死喇！去死喇！」
獅子狗一拳一拳打落黑熊背隻，拳拳到肉，雙手逐漸沾上鮮血。

黑熊雖然哀號不已，仍不斷咁奔跑，試圖用奔跑擺動身體去fing甩係佢背後嘅獅子狗。

人騎馬就睇得多喇，人騎熊我就真係第一次見⋯



「阿sir！小心啊！！」
肥豬劉大嗌著。

獅子狗抬頭一看，黑熊已經奔向嘅前方係棵大樹，好快連帶埋佢一齊撞上，獅子狗立即用力一推，自己從後跌倒。

黑熊撞到棵樹後便趴下，顫抖咗一陣便無再郁動，而哀號聲亦逐漸消失。

從後摔倒嘅獅子狗慢慢起身，然後用手摸著暈眩嘅腦袋。

「隻熊係咪死咗？」
我見隻熊毫無動靜。

「阿sir贏咗？」

四眼妹托一托副眼鏡。


「隻熊無再郁，應該係死咗。」

「隻熊死咗？咁阿sir贏咗？好嘢！！！」
肥豬劉開心到原地大跳，然後衝向獅子狗個邊。

過咗數分鐘，獅子狗才站立起身，慢慢咁靠近前方倒地嘅黑熊。

看著前方毫無動靜嘅黑熊，獅子狗笑了數聲，用手擦了嘴角上嘅血跡。
「咁次你仲唔死！」

「阿sir掂啊！阿sir掂啊！」
肥豬劉走到獅子狗身邊拍曬手。

獅子狗對著肥豬劉得意地笑了，然後走到黑熊旁邊，準備把黑熊嘅屍體拖回去。突然黑熊轉身撲向獅子狗，瞬間將獅子狗壓在地上。



「嘩⋯嘩！！！」
肥豬劉見黑熊突然撲向獅子狗，嚇到雙腳發軟跌倒。

隻黑熊竟然識用扮死去呃獅子狗⋯

獅子狗感到十分震驚，黑熊毫不猶豫直接咬向獅子狗個頭部，獅子狗在黑熊懷裡不斷掙扎去躲避，唔俾黑熊咬自己個頭。

黑熊好似之前咁，去用自身嘅重量壓住獅子狗，獅子狗完全無辦法推開黑熊，無辦法從佢懷裡逃出。

「啊！！！！」
獅子狗發出撕心裂肺的慘叫聲。

肥豬劉雙眼透露出無盡的恐懼，因為黑熊此刻狠狠咬實獅子狗嘅肩膀，鮮血不斷從肩膀中湧出。

「嘩⋯救命啊⋯」
肥豬劉看著咁近距離嘅血腥嘅畫面，嚇到佢連滾帶爬咁離開。

「佢要死？」
辣椒妹自言自語細聲說。

獅子狗俾黑熊咬住左肩膀，令佢左手動彈不得，只能用右手不斷咁反擊，不斷咁拳打黑熊嘅頭部。

「啊！！去死喇！！！」
獅子狗忍著刺痛，不斷咁重拳揮向黑熊，黑熊塊面俾打到血肉模糊，鮮血流滿獅子狗上半身。

獅子狗揮了數十拳，黑熊鬆開了獅子狗嘅肩膀，然後倒在一邊。

獅子狗看著自己肩膀上嘅傷口，憤怒地對著倒在一旁嘅黑熊繼續揮拳，而黑熊卻沒有反抗。

「去救人。」
藍醫生提著急救箱喊著，光頭佬聽到後立即抱起佢，快速咁跑向獅子狗方向，我同達叔四眼妹亦湊熱鬧走過去。

趕到過去後，光頭佬放低藍醫生，藍醫生便立即打開急救箱，緊急處理獅子狗肩膀上嘅傷口。

藍醫生細心敢觀察獅子狗嘅傷口。
「個傷口咁深⋯」

獅子狗肩膀上有數個牙齒印，鮮血從中不斷流出，十分噁心，我睇到自己隻手都開始隱隱作痛。

「忍住痛吓。」
藍醫生深呼吸了一口氣，用急救箱內嘅棉花不斷擦獅子狗嘅傷口，然後再用酒精去消毒，獅子狗咬著忍耐痛楚。

我望向黑熊，黑熊已經失血過多而死去，右邊面已經俾獅子狗打到血肉模糊，而且仲清晰可以見到白色嘅骨頭。

滿地都係黑熊同獅子狗嘅血跡，亦有唔少黑熊面上被打甩嘅肉碎。

血腥嘅畫面令雪兒緊緊攬實我，秋儀更被嚇到躲入我懷裡。唔少人看到此畫面感到作嘔作悶，嘉雯同稀疏男更被嚇到嘔吐起嚟。

「頂唔順⋯太過嘔心⋯」
稀疏男用手扶著棵樹說到。

藍醫生好冷靜咁處理獅子狗嘅傷口，並且好快地令傷口止血，然後再包紮起嚟。



肥豬劉同光頭佬，用數條粗樹幹作管道，以滾筒嘅形式將黑熊運到飛機殘骸。

肥佬陳一聽完文健嘅報告，知道獅子狗打死隻黑熊並且運咗返嚟，便連條褲都未著好，從飛機駕駛室內衝咗出嚟。

「解決了嗎？熊的問題真的解決了嗎？」
肥佬陳赤裸上身，揪著褲從駕駛室內走出。

「陳總，你無睇到啊，阿sir係有幾咁厲害啊，冒住生命危險去同隻熊搏鬥，對住隻熊左一拳右一拳⋯⋯」
肥豬劉繪影繪聲示範獅子狗同隻熊搏鬥嘅情況。

肥佬陳看完肥豬劉嘅詳細描述後拍手。
「太棒了，施老師果然厲害！施老師現在人呢？」

「我係到。」
獅子狗走上前來。

肥佬陳原本想攬向獅子狗，見獅子狗肩膀包紮起嚟，便緊張地捉住佢隻手。
「受傷了？嚴重嗎？藍醫生看了嗎？」

藍醫生在一旁說到。
「都算嚴重，施sir需要觀察一排，睇吓個傷口會唔會受感染同發炎。」

「那好，施老師就交給你了，藍醫生。」
肥佬陳對著藍醫生吩咐著，藍醫生點一點頭。

肥佬陳吩咐完便走到黑熊邊，然後佢圍住隻黑熊近距離走了一圈後便發出讚嘆嘅聲音。
「哇！這熊好啊！可以吃好幾天啊！」

「我未食過熊肉，唔知係乜嘢味道呢。」
肥豬劉對著黑熊流篩口水。

「我諗，應該好難食。」
四眼妹同達叔亦在討論。
「我都咁話。」

「應該很騷吧？」
肥佬陳不停咁聞黑熊發出嘅氣味。

「大家忍耐一晚，等聽日天一光，就將隻熊運去河邊清洗，然後再用嚟煮食。」
獅子狗在一旁說到。

「那好，明天你來指揮大家，今晚就好好休息吧。」
肥佬陳講完，便高高興興咁走返入飛機駕駛室內，留下我地眾人。

獅子狗轉身吩咐大家。
「大家點多幾個火堆，我驚黑熊嘅血腥味會引來唔少野獸。」

於是我地生出數個火堆，將我地包圍著，火堆上嘅火光照亮成個飛機殘骸。

我同獅子狗受咗傷，短期內都無辦法去打獵，我又唔放心達叔同四眼妹去打獵，肥豬劉佢地打獵技術太差，解決自己溫飽都係個問題。

而眼前嘅黑熊就完全可以解決我地數日嘅糧食問題，俾足夠嘅時間我地去康復。



待續