荒島日記（新手、後宮甜）（不定期更新）: 尋仇.十四

「東哥！」
「大陸仔！」
四眼妹同達叔因叢林裡嘅嘈吵而跑過嚟，不過我無諗過嘅係，連肥豬劉都跑到我身邊，一見到我就激動地捉住我膊頭。

「喂喂喂！痛啊喂⋯」
手上嘅傷口因肥豬劉嘅拉扯而裂開返，痛到我眼淚都流出嚟。

「喂！你想點啊！趁佢病攞去命啊！」
達叔用力想推開肥豬劉，但肥豬劉體重係佢嘅兩倍以上，根本無辦法推開。



四眼妹亦上前去拉開肥豬劉，仍然無辦法分開我地兩個。

「同你好撚熟啊？快啲放開我條仔！」
啪！辣椒妹一巴車落肥豬劉塊面，肥豬劉才停下動作。

達叔見到肥豬劉緊張嘅樣，便不屑咁講。
「去你阿sir個邊啊嘛。」

肥豬劉聽完便得低頭。
「阿sir⋯阿sir好似癡咗線⋯佢聽到隻熊嚟⋯佢⋯竟然傻笑啊⋯」



肥豬劉一講完，飛機殘骸內便傳出獅子狗嘅笑聲，笑聲仲逐漸增強。

四眼妹托一陀眼鏡。
「睇嚟真係俾隻熊打傻咗。」

「咁我地點算啊⋯」
達叔見獅子狗傻咗，便緊張地望住我，依到睇嚟得返我一個可能想到辦法對付。

肥豬劉再次激動地捉實我。


「係囉！我地依家點算啊⋯我都話要殺咗隻熊佢嘅喇⋯」

對住依家嘅肥豬劉真係好唔習慣。
「你冷靜啲⋯依家帶曬所有人全部集中係火堆旁邊，隻熊始終都係怕火，唔敢貿貿然咁上嚟襲擊我地。」

我帶住雪兒佢地去到火堆旁邊，四眼妹同達叔亦帶住女伴快速跑過嚟。

「我地都齊人。」
肥豬劉走到我面前報到，而佢身後跟住嘅係佢幾名女伴。

「佢阿sir傻咗，依家唯有投靠大陸仔，所以先會見到佢係到。」
四眼妹同佢三個女伴解釋到，三個女伴望了一眼後便點點頭。

肥豬劉雖然聽到四眼妹講咩，但佢完全唔在意，因為佢認為性命俾恥辱更重要。



我白了一眼肥豬劉，然後便觀察眾人。
「咦！藍醫生呢？稀疏男兩兄弟呢？佢地去咗邊？」

「係到～哈哈哈～」
光頭佬快速咁跑過嚟，佢用強而有力嘅臂彎抱起稀疏男同藍醫生跑過嚟。

「得喇，可以放我落嚟。」
藍醫生拍一拍光頭佬膊頭，光頭佬便放低藍醫生同稀疏男。

稀疏男立即躲入人群中。
「死喇⋯我地點算啊⋯肯定係隻熊嚟⋯」

「怎麼回事？怎麼外面吵吵鬧鬧的？」
衣衫不整嘅肥佬陳從飛機駕駛室內走出，秘書Lily亦此時走出，面上嘅紅光令人動心。



見到肥佬陳走出嚟，肥豬劉便擺出副哭喪樣同佢講。
「陳總⋯隻熊又嚟咗啊⋯枝槍⋯」

「熊⋯熊！那就靠你們了！你們加油！」
肥佬陳捉住秘書Lily隻手，係我識佢咁耐，第一次以飛快嘅速度跑返入飛機駕駛室內。

肥豬劉無奈地走返嚟。
「啊大⋯唔係⋯師弟，今次靠曬你⋯」

「你都係叫返我咗大陸仔，你叫我做師弟，我好唔習慣。」
依家肥豬劉扮到同我好似好fd咁，我真係一啲都唔習慣。

佢一直以嚟嘅囂張氣燄已經深深咁烙印係我腦海裡。

「咁好喇⋯大陸仔師弟，依家我地可以點？我有咩可以做？我幾嘅老婆都好做得嘢，你可以隨便吩咐佢地，唔洗介意。」


我白了佢一眼後，便回頭望了一眼肥豬劉幾個女伴。

佢各個女伴都長得高大魁梧，全部都有好大嘅老鼠仔，有時我懷疑佢地幾個心口上嘅唔係胸部，係胸肌。

「你收聲就得喇。」

「好。」
肥豬劉點一點頭，便無再講任何說話。

「我地幾個攞住火把先。」
我、達叔、四眼妹、光頭佬、肥豬劉，同埋佢幾個女伴都手握著火把，對著正在發出巨響嘅叢林。

我嘅手受咗傷，光頭佬亦傷痕累累，肥豬劉中看不中用，似乎得返達叔依個辦法。
「達叔，可能你要再跳個段舞。」



我一講完，稀疏男便緊緊抱實懷裡嘅酒，不願交出來。

「吓⋯東哥⋯唔好喇⋯」
達叔左望右望，要係眾人面前再跳佢個mega mega fire應援舞，佢寧願死咗算。

黑熊從叢林裡衝出嚟，見到我地眾人後，發出強勁嘅咆哮聲。

「嚟⋯嚟咗啊⋯」
見到黑熊出現，肥豬劉嚇到開始手震。

我把火把向著前方，達叔佢地亦跟住我，將火把對著黑熊。
「所有人唔好走出去！！」

黑熊見我地對準佢後，仍然寸步不離唔肯離開，佢已經無視我地手中嘅火把，無視我地對佢嘅警告。


我地嘅火把，似乎對佢已經無阻嚇性⋯



待續