荒島日記（新手、後宮甜）（不定期更新）: 尋仇.十三

「阿佳⋯阿佳⋯」
MK傑一直叫著高佬佳，但高佬佳並無因此擰轉頭，而係一直向前走。

「阿佳⋯阿佳⋯我地仲要行幾耐⋯」
MK傑喘著氣跟在高佬佳身後。

見高佬佳仍然無理會佢，MK傑繼續追問。
「阿佳⋯究竟要行幾耐⋯又話五分鐘就返到去⋯已經行咗好耐⋯仲未返到去嘅⋯」

此刻MK傑十分疲倦，一整天打獵，在加上依家嘅走動，佢已經無曬力氣行落去。


「我唔得喇⋯行唔郁喇⋯」

說罷，MK傑便癱坐在地上喘著大氣，聽到MK傑坐低嘅聲音，高佬佳先停低腳步回頭。

「傑少⋯我地⋯蕩失路⋯」
高佬佳失望咁講。

MK傑驚訝到。
「吓⋯又話⋯搵到返去嘅路嘅⋯」



高佬佳此刻已經欲哭無淚。
「搵唔到⋯依頭附近嘅樹⋯全部都無標記⋯我地無辦法唔去⋯」

「咁我地⋯點算⋯」

「今晚留係到過夜，聽朝早我地睇吓森林裡面邊個方向有煙，有煙就代表佢地係到煮食，我地就可以搵得返佢地。」
高佬佳放下背後嘅竹籃，然後開始收集附近嘅枯葉枯枝。

「咁唯有⋯係到過夜喇⋯」
MK傑已經攰到訓係地上⋯








「今晚大家的食物⋯就只有這麼多⋯」
我從負責煮食嘅人手上接國嘅食物，只有我平時嘅食物五分一⋯

平時食完半夜都會可能會感到肚餓，今晚得依個份量⋯食完同無食有咩分別⋯

雪兒見到我望住啲食物發呆，於是把手上嘅食物遞到我面前。

我立即望向雪兒，雪兒微笑咁望住我。
「你受咗傷，要食多啲先會快啲好返。」



見雪兒嘅反應後，秋儀亦都把食物遞到我面前。
「學東哥，我唔肚餓啊，你幫我食咗佢啊？」

辣椒妹亦都將食物遞到我面前。
「我⋯我今日減肥。」

我笑著拒絕三人嘅好意。
「傻嘅⋯點可以要你地嘅食物，我點都唔可以俾你地餓親，我餓一日半日有咩所謂。」

「喂⋯大陸仔，請你食喇。」
四眼妹偷偷摸摸咁走過嚟，好似好驚俾其他人發現，見無人理會佢，佢便從懷裡攞出隻蛋出嚟。

三女見到後，目光全部立即投放在四眼妹手上嘅野雞蛋，眼神充滿著渴求。





「文健，由於你今天不努力工作，所以你今天沒有飯吃。」
說罷，肥佬陳便把文健手上嘅食物搶去，然後一啖吞落肚，文健只能眼巴巴咁望住肥佬陳。

雖然食咗文健嘅晚餐，但肥佬陳仍十分肚餓，於是望向其他人。

秘書Lily見肥佬陳飢餓嘅樣，於是把食物遞到肥佬陳手上，凌兒亦跟住把食物交到肥佬陳手。

肥佬陳滿意地點一點頭，然後把佢地兩人嘅食物一口氣吞落肚。

秘書Lily同凌兒回到駕駛室裡面，而肥佬陳仍然感到肚餓，所以留係原地望住其他人，睇吓有辦法再得到食物。

文健係肥佬陳身後不斷做鬼臉，並且細聲吐罵著。
「食到咁肥肥白白⋯小心隻熊返嚟搵你做晚餐！」



果然除咗秘書Lily同凌兒外，就無其他人肯願意俾食物，肥佬陳係原地等咗十分鐘，
見無人願意俾食物佢，佢失望地走返去駕駛室內。

光頭佬走到藍醫生旁邊，佢慢慢坐低，對著藍醫生傻笑幾秒，然後從懷裡攞出剛才同四眼妹一齊偷偷煮熟嘅野雞蛋。
「藍醫生～送俾你～哈哈哈～」

藍醫生見到數隻野雞蛋感到有些驚訝，不過語氣仍然平淡。
「點解你會有雞蛋？」

「哈哈～我特登捉返嚟～俾你食㗎～」
說罷，光頭佬便用粗糙嘅手，好溫柔咁剝雞蛋殼，然後遞到藍醫生嘴上。

藍醫生見無辦法拒絕光頭佬，便食下隻野雞蛋。



見到藍醫生肯食佢嘅雞蛋，光頭佬開心地笑了數聲，準備再剝雞蛋俾藍醫生，點知藍醫生捉住佢隻手。

「你都食。」
藍醫生搶走光頭佬手上嘅雞蛋，然後剝走啲蛋殼，將雞蛋遞到光頭佬嘴上。

光頭佬見藍醫生喂佢食嘢，開始到一啖食曬隻雞蛋，而且無意中錫咗藍醫生嘅手指。
「哈哈哈～多謝～」

於是光頭佬同藍醫生互相喂對方食雞蛋，此時此刻，光頭佬露出幸福嘅傻笑，而稀疏男在一旁，好羨慕咁望住佢地兩個。

我走返到依幾日休息嘅地方，打算今晚早啲訓，令自己無咁肚餓。

躺下後準備合埋雙眼入睡，耳仔緊貼著地面，荒島上嘅晚風吹過，真係好舒服。

叢林裡突然有一大片鳥叫聲，原本要入睡嘅眾人聽到後，紛紛聚集埋一齊靠攏。

「發生什麼事了？」
「突然咁嘈嘅？」

肥豬劉抬頭看天，見到一大群遮擋月光飛鳥就心知不妙，立刻跑向獅子狗身旁，獅子狗亦在觀察四周嘅情況。

「阿sir阿sir⋯佢又嚟喇⋯」
肥豬劉激動地捉住獅子狗。

獅子狗冷笑一聲，然後慢條斯理咁走入飛機殘骸內，肥豬劉個樣顯得難以置信。
「死喇⋯阿sir癡咗線啊⋯」



待續