荒島日記（新手、後宮甜）（不定期更新）: 尋仇.十一

「我同你地講啊⋯返到去唔好講俾人知啊⋯」
肥豬劉再隊伍最後面扭扭捏捏說到。

達叔回頭邪惡地笑著說。
「唔好講啲咩啊？」

稀疏男在旁和應。
「唔好講俾人知佢瀨～尿～囉～」

達叔扮肥豬劉剛才好辛苦嘅樣講。


「求下你地⋯快啲帶阿sir離開⋯」

稀疏男亦都跟住學達叔扮肥豬劉。
「我無得救嘅喇⋯」

達叔就同稀疏男一齊大笑著，肥豬劉尷尬到面紅發熱，四眼妹面無表情，而光頭佬一如既往地傻笑，目光注視著飛機殘骸嘅方向。

肥豬劉吃力地跟抬住擔架，係喇！獅子狗仍然處於昏迷嘅狀態，我地用咗啲竹同樹藤，臨時製造出個擔架嚟抬佢。

而負責抬擔架嘅兩人，便是光頭佬同肥豬劉。光頭佬活力充沛，抬獅子狗顯得較為輕鬆，而肥豬劉就吃力很多，已經流曬大汗喘著大氣。



要快啲返去，以三女嘅性格，見我地咁耐都未返去，一定會著急到出嚟搵我地。

稀疏男突然走到我旁邊。
「細佬，你之前講嘅嘢要算數喎。」

我唔記得咗應承稀疏男啲咩。
「我講過啲咩要算數？」

稀疏男以為我扮傻扮懵，於是提高語氣說到。


「介紹啊！」

「哦！得得得，等陣見到佢就同你講。」

我地行咗二十分鐘左右，終於返到飛機殘骸個到，果然不出所料，一嚟到飛機殘骸，就已經見到雪兒準備帶住辣椒妹同秋儀去搵我。

如果我地再遲返嚟少少，可能就見唔到佢地三個。

見到我手嘅傷勢後，雪兒就非常緊張，立即帶我去搵藍醫生，秋儀睇住我嘅傷口，雙眼變得通紅。

唯獨辣椒妹對我嘅情況絕對放心。
「大陸仔唔會咁容易死嘅～」

藍醫生話四眼妹對於我嘅傷口處理得唔錯，目前已經止曬血，而且無傷口發炎嘅跡象，觀察多幾日應該就無乜事。



「嗱，我都話大陸仔無事嘅喇。」
辣椒妹講完便攬住我個頭，用佢嘅巨乳摩擦我個頭一陣。



「藍醫生，我呢我呢？」
肥豬劉好緊張咁問到。

「你～你應該無乜事，至於流鼻血個到，應該係鼻腔裡面嘅微絲血管爆咗。」
藍醫生剛講完，便立即按低肥豬劉個頭，然後用佢溫柔嘅手，捏住肥豬劉嘅鼻翼。

「好似我咁樣做，過一陣就會止到鼻血嘅喇。」
肥豬劉點點頭，藍醫生便走向光頭佬同獅子狗嘅位置。

同佢地兩位對比，我手嘅傷唔算啲咩，佢兩個遍體鱗傷，身上每一處位置都有傷痕或撞擊造成嘅瘀傷。



獅子狗已經醒咗過嚟，但對於剛才點解昏迷就無乜印象。佢一想起頭先俾隻熊搞到如此狼狽，便發誓下次一定要整死隻熊。

而光頭佬笑騎騎咁望住藍醫生，藍醫生好溫柔咁處理佢地兩人身上嘅傷痕。
「好彩啲傷口都唔係好深。」

幫光頭佬同獅子狗包紮完傷口之後，藍醫生便走向肥佬陳個到，同肥佬陳交談幾句後，肥佬陳便走到場中間。
「大家，大家，全部都過來集合！現在我們臨時開個會議！」

「開會？怎麼了？」
「過去再說吧。」
於是大家紛紛向肥佬陳前集合，負責煮食嘅人亦都放下工作，與眾人一起坐係肥佬陳前面。

肥佬陳乾咳了數聲。
「我們今天兩組打獵的隊伍遭遇猛獸的襲擊，還好沒有造成人員的死亡，不過！施老師和光頭兄弟受傷不輕，王學東也受了傷，不宜走動，所以我決定！這幾天我們都留在這裡，等大家傷勢好的差不多再出發趕路！」



「好！」
眾人紛紛拍手表示支持，肥佬陳回到秘書Lily身邊後，聚集嘅眾人才散去。

「大陸仔大陸仔！」
四眼妹扯住達叔好著急咁跑過嚟。

達叔不情願地拉扯住四眼妹。
「你做咩咁急要扯住我過嚟？我都未同老婆仔傾完。」

四眼妹鄙視咁望了達叔一眼，然後擰轉頭同我講。
「大陸仔，高佬佳同MK傑好似失咗蹤，到依家仲未返嚟。」





待續