荒島日記（新手、後宮甜）（不定期更新）: 戰爭五（2月24日更新）

緋仁一腳踢開把武士刀，望著躺在地上嘅文太講。
「沒了把刀，你什麼都不是。」

「還以為可以玩久一點。」
說罷，李飛便向躺在地上嘅文太掟出數把小刀。

咚咚咚！！！

躺在地上嘅文太在地上滾動，避開曬李飛所有嘅飛刀，然後緩慢咁企返起身，對著緋仁擺出副格鬥嘅姿勢。



緋仁看著文太嘅動作感到興奮。
「要赤手空拳嗎？有意思。」

緋仁隨即衝了過去，文太看著衝咁過嚟嘅緋仁，便想伸出右拳打向緋仁。

緋仁見到文太右邊身向後移咗少少，並且右肩有郁動嘅跡象，就估到文太準備要揮動右拳。

緋仁立即彎下腰躲了文太嘅一拳，然後對準文太嘅腹部，狠狠地打了一個重拳，文太痛到退後數步。

「動作幅度太大，一眼看穿。」


說罷，緋仁再次衝向文太，文太舉起雙手去格擋，點知緋仁左右扭動身體，一個左膝撞向文太無保護嘅一邊。

「啊⋯」
文太痛到叫咗一聲，隻手一直按住被撞嘅位置，個種痛楚就好似腎臟被踢到爆裂。

緋仁無俾文太休息嘅機會，一個轉身踢，再次將文太踢到在地，數秒後，文太喘著氣企返起身。

腎臟位置嘅疼痛令佢企唔穩，緋仁緊握雙拳，對著文太急速狂毆，文太雙手護頭，承受住緋仁令人恐懼嘅拳法。

吧！吧！吧！



一下又一下嘅重拳不斷咁打係文太嘅身上，緋仁愈打愈興奮，完全當文太係個沙包般不留手咁打。

「可以可以！」
緋仁愈打愈有勁，拳速愈嚟愈快，文太俾佢打到雙手開始顫抖。

最後嚟個上勾拳，打中文太無保護到嘅下巴位置，吃了上勾拳嘅文太隨即向後倒下，吐了一口濃濃鮮血。

「看來已經結束了。」
緋仁擰轉身準備離開。

「巴嘅⋯」
緋仁轉個身去，望到文太此刻雙手按在地上，好努力咁想企返起身。

李飛看著文太緩慢起身嘅背影，便從袋裡取出三把小刀。



「別，等我來。」
緋仁伸手阻擋李飛，李飛點一點頭，把小刀放回袋裡。

噔！！！

緋仁用力踩地面發出巨響，佢一躍在空中，對準文太嘅背後頸部位置嚟個膝撞，準備嚟個致命一擊。

叭！

文太唔知從邊到執了條鐵通，擋下了緋仁嘅飛膝踢，膝蓋猛烈咁撞上鐵通發出響聲，然後兩人因衝力倒在一邊。

文太坐返起身，佢以為自己嘅格擋會給了緋仁疼痛嘅一擊，點知緋仁若無其事咁企返起身拍一拍身上塵土。

文太有些少驚訝。


「Monster？」

「對比我曾經受的傷並不算什麼！」
緋仁講完便快跑向文太身邊，文太雙手緊握著鐵通揮向緋仁。

「太慢。」
緋仁急速蹲下身，並且對準文太個下巴嚟個朝天腳，文太完全未反應過嚟，硬食緋仁這一腳，文太再一次倒在地上。

「也不過如⋯」
緋仁未講完，原本倒在地上苟延殘喘嘅文太突然企咗起身，並且握著長鐵通以拔刀式嘅姿勢對住佢。

文太閉上雙眼，慢慢去調節呼吸，好讓自己冷靜下來，緋仁看著文太嘅反應後，以為文太睇唔起佢，激到佢衝上去揮拳。

叭！



文太睜開雙眼，用鐵通擋住了緋仁嘅重拳，緋仁望向文太嘅雙眼，這眼神，和剛才見到文太好唔同，而且令緋仁感到有少許害怕。

緋仁緊握雙拳，向文太再次快速揮拳，文太雙手握實鐵通，瘋狂地用鐵通格擋。

叭！叭！叭！叭！

緋仁嘅重拳一下又一下咁打過嚟，文太握著鐵通不斷地格擋，拳頭打鐵通嘅聲音愈嚟愈大，愈嚟愈頻密。

緋仁絲毫感覺唔到疼痛，拳速愈嚟愈快，文太亦無落下風，手中嘅鐵通揮舞得逐漸加快，一旁嘅李飛緊張地看著二人。

此刻嘅文太已經回復正常狀態，和剛才簡直係天淵之別。

「去死！！」
左右不斷揮拳嘅緋仁突然嚟個膝撞。



文太向左避開，趁緋仁仍然單腳企立時反手毆了佢一棍。

這一棍，把緋仁嘅牙齒打甩咗一隻，徹底激怒緋仁。

緋仁咆哮一聲，然後發狂似的衝向文太，文太再次擺出拔刀嘅姿勢，緋仁望一望周圍環境，噔！一腳踩上旁邊嘅牆壁，對住文太凌空飛踢。

文太用手臂硬食這一腳，緋仁得意地嘴角上揚，誰知文太右手一揮，鐵通狠狠地敲了緋仁嘅左側臉，緋仁失平衡地倒在地上。

「血⋯血！！」
緋仁企返起身，左手沾滿左側臉嘅鮮血。

「文太！有好多人殺進來了！文太！快回來！別和他們耗時間！」
遠處有人大嗌著，文太擰轉頭望，看到自己所居住嘅地方此刻火紅一片。

「別分神！你的對手可是我啊！」
緋仁迅速走到文太旁邊，從後用雙手緊緊攬實文太，然後擰轉文太向另一邊。
「李飛！是時候了！」

李飛從袋裡抽出一把匕首，然後衝向俾緋仁攬實嘅文太⋯⋯



待續