荒島日記（新手、後宮甜）（不定期更新）: 戰爭四（2月23日更新）

穿著白色衣服中年女人快速地走過，經過某個位置嘅時候便停低，擰轉頭望向裡面躺睡中嘅女人。

躺睡中嘅女人係個三十幾歲的婦人，留著長長的曲髮，俾人有股貴婦嘅氣質。

裡面突然走出另外一個女人，佢身穿寬鬆嘅衣服，把自己包得密密實實，只露出手掌和頭部嘅位置。

著得密密實實嘅女人見到白色衣服嘅中年女人後用普通話同佢打招呼。
「霞女士，你好。」

「祖嘉姑娘，你好。」


白色衣服嘅中年女人禮貌地點點頭。

依個叫祖嘉嘅女人係個年紀同佢相近嘅中年婦女，自稱一直從事保姆嘅工作，今次同僱主一齊上船旅行，誰知遇上依個船難事故。

佢雖然年過半百，但佢係無結過婚，無拍過拖，傳聞話佢天生係個克夫嘅女人，所以造成咁。

但唔少人相信佢係因為樣貌而被男人厭棄，因為佢個樣有點面目猙獰，而且滿面都係皺紋，再加上佢喜愛塗上一層又一層嘅白色粉到面上，配埋佢嘅烈焰紅唇。

噢⋯係男人都頂唔順⋯



「靜宜小姐這兩天有些好轉，今天沒有吐過一次血。」
祖嘉姑娘一邊走上前幫躺睡中嘅女人蓋好啲被，一邊同門外嘅中年女人霞女士講。

「咁就好，好多謝祖嘉姑娘你嘅細心嘅照顧。」
說罷，中年女人霞女士從袋裡掏出一張紙出嚟，交到祖嘉姑娘手上。

祖嘉姑娘雙手接了個張紙。
「別客氣，這是我份內工作，應該的。」

「依張票你可以換幾日嘅食物。」


霞女士走到床邊，好溫柔咁摸睡美人靜宜小姐嘅頭髮。

「謝謝，對了，霞小姐，你是不是有煩惱？你今天的臉色有點凝重。」
收好張食物票後，祖嘉姑娘就觀察到霞女士嘅神情。

「無嘢，只係想起啲煩事。」
一想起個西裝男，霞女士嘅右手便不自覺地握成拳頭。

看著昏迷不醒嘅睡美人靜宜，霞女士嘆了口氣，然後同祖嘉姑娘講。
「祖嘉姑娘，你可唔可以出去一陣先？」

「好的。」
祖嘉姑娘講完便走出門外。

霞女士見祖嘉姑娘離開後便蹲下身，係睡美人靜宜耳邊細聲講。


「靜宜⋯好對唔住⋯如果你醒咗⋯你應該會好痛恨我吧⋯」

「我答應過你好好睇住你老公⋯好好照顧你個仔⋯但你嘅美好家庭⋯你嘅老公⋯你個仔⋯乜都無曬啦⋯靜宜⋯」
眼淚不斷從霞女士嘅眼眶流出，一滴又一滴咁滴到地上。

霞女士激動地捉住靜宜嘅手。
「我寧願你突然醒返⋯狠狠地刮我一巴⋯都唔想你好似個死人咁⋯一直都唔醒⋯」

「我求吓你⋯你快啲醒啦⋯我求吓你⋯」

霞女士抹走臉上嘅淚珠，望向床上嘅靜宜小姐，睡美人靜宜無睜開雙眼，無任何動靜，只聽到佢微弱嘅呼吸聲和心跳聲⋯⋯






一個月前



霞女士從床上醒來，聽到外面敲鑼打鼓嘅聲音，便打開個門走出門外。

聽到嘈吵嘅聲音，唔少睡眠中嘅人都紛紛醒來，打著喊露捽著雙眼走出。

「有人受傷⋯有人受傷！有人受傷！！」
不遠處嘅房間外有人大嗌著。

所有人紛紛走過去個房間，那大嗌著嘅人突然跪在地上，恐懼咁望住其他走咁過嚟嘅人。
「他⋯他死了⋯」

眾人紛紛嚇到流汗，另一邊嘅房間亦傳嚟求救嘅聲音。


「弟弟啊⋯來人啊！救救我弟弟啊！救救我弟弟啊⋯」

那發出求救聲嘅女人從房裡拖出佢細佬，佢細佬面色蒼白，胸口上插著一把小刀，鮮血不斷從傷口上流出。

「發生什麼事⋯」
眾人驚恐咁望向滿身鮮血嘅兩姐弟。

「救救我弟弟⋯救救我弟弟⋯」
那女人痛哭著向眾人求救。

美婦人靜宜從人群中走出，然後蹲下身觸摸了受傷嘅男人嘅傷口位置。
「要立刻去急救，快，把他帶到陳醫師的房間。」

幾個男人上前抬起受了傷嘅細佬，快速走到陳醫師門外，美婦人靜宜立即敲門。
「陳醫師，有個人受了致命傷，需要立即搶救。」



然後美婦人靜宜一開門，一個黑色嘅身影快速走出，一腳把美婦人靜宜踢到一邊，並且用刀快速地刺傷了靜宜。

「妻！！！」
其中一個男人看到美婦人倒地後便憤怒大嗌，然後抽起武士刀衝上前。

「文太⋯文太⋯」
美婦人望了一眼自己兩處傷口位置，然後再望向揮著武士刀嘅男人。

黑色身影繼續快速地逃跑，文太握著武士刀拼命追上去，看著文太沒有放棄，黑色身影嘴角上揚，從袋裡掏出數把小刀。

「去死吧！！」
黑色身影急速擰轉身，向文太拋出數把飛刀。

文太見到飛咁過嚟小刀，立即用手中嘅武士刀，快速地將小刀擋下。

見到文太好輕鬆咁將佢嘅飛刀全部擋下，黑色身影好淡定咁講。
「原來你就是文太，果然有點本事，不過我和那群雜魚不同，我可是高手！」

說罷，黑色身影雙手插入袋裡，從左右嘅衫袋裡掏出一把把小刀，然後不斷咁向文太掟過嚟。

文太舉起雪亮嘅武士刀，不斷咁去擋黑色身影掟過嚟嘅飛刀，小刀撞向武士刀發出釱釱釱嘅金屬撞擊聲音。

把所有飛刀擋下嘅文太，憤怒地握著武士刀衝了上去，黑色身影笑了一聲。

文太察覺到有啲嘢，立即雙手護頭，旁邊高處突然飛出一個人，一腳咁踢向文太，將文太踢飛到一邊。

那踢文太嘅人像泰山般用手捉住繩索，在空中來回咁搖擺，文太執起武士刀，望著空中搖擺中嘅人。

那人鬆開了手後便降落在黑色身影旁邊，黑色身影此刻脱下了連衣帽，露出佢嘅容貌，然後對著旁邊嘅人說到。
「來的真即時啊，緋仁。」

「李飛，他就是鼎爺所說的高手文太嗎？真有趣。」
緋仁鬆了鬆雙手嘅筋骨後，便衝向握著武士刀嘅文太到。

文太看著赤手空拳衝了過嚟嘅緋仁感到奇怪，但從剛才看到嘅身手，佢唔敢對眼前這人輕敵。

文太向緋仁揮了一刀，緋仁輕巧地避開咗，並且趁文太未反應過嚟，一腳咁踢向文太個肚到，文太隨即退後了幾步。

「動作太慢了，文太。」
說罷，緋仁唔知幾時走到文太面前，向文太揮了一下重拳，狠狠地打中文太個頭，文太立即倒在一邊。



待續