荒島日記（新手、後宮甜）（不定期更新）: 戰爭六（2月27日更新）
「你就這樣去死吧！」
係背後緊緊攬實文太嘅緋仁說到。
文太望著李飛衝咁過嚟，以李飛握著匕首嘅姿勢，似乎係對準文太嘅心臟位置。
文太左右扭動，無辦法擺脫緋仁，緋仁用盡力氣去鎖實佢，搞到自己滿面通紅，看著逐漸靠近嘅李飛，難道真係要死係佢地兩個手上？
李飛與文太嘅距離只係數步之內，李飛已舉起右手，匕首嘅刀光反亮係係文太面上。
文太對準緋仁隻右腳用力咁踩，鎖實文太嘅雙手突然顫抖咗一下，文太見緋仁嘅反應，似乎腳趾係緋仁嘅弱點。
於是文太不斷咁踩，緋仁逐漸面容扭曲，雙手顫抖起嚟，無辦法再縮實文太，前方舉起匕首嘅李飛已衝咗過嚟。
文太捉住緋仁嘅手臂，向著李飛位置用力一扯，緋仁隨即撞上李飛，兩人倒在一邊。
居住地發著紅光，文太知自己無時間再同依兩個人糾纏，回頭衝向居住地。
文太察覺到背後嘅情況，於是擰轉身舉起鐵通，一把把小刀飛過嚟，文太巧妙地永鐵通一一格擋。
「還有我呢！！」
緋仁捉住繩索，再次以泰山嘅方式衝到文太方向，文太雙手握著鐵通兩端，擋下緋仁依一腳。
文太又再用拔刀式嘅姿勢對這緋仁，緋仁見刀依個動作就變得暴躁，舉起從李飛到得到嘅匕首。
「去死吧！！！」
文太揮著鐵通阻擋緋仁手中嘅匕首，左手用剛才執起李飛嘅小刀插向緋仁個肚，緋仁反應唔切，看著小刀插入自己個肚。
「啊⋯⋯」
緋仁痛叫一聲，摸著受傷嘅腹部退後數步。
「緋仁！！！你！」
李飛看著緋仁受傷，李飛從袋裡取出大量小刀掟向文太。
文太以靈活嘅步伐和高超嘅技術，避開並阻擋曬李飛嘅飛刀。
李飛看著自己精湛嘅飛刀係文太面前毫無作用，原本不爽嘅佢更加火冒三丈。
既然遠攻唔得就唯有近戰，李飛兩隻手各握著三把小刀，像拳爪般衝向文太。
李飛唔知係太睇小文太，定係太過高估自己，伸出兩拳上嘅小刀就咁刺向文太。
文太亦向著李飛衝咗過嚟，手中嘅鐵通華麗地係李飛揮舞，打飛曬李飛雙手嘅小刀，並且狠狠敲了李飛個頭一下。
李飛痛苦地摸著自己嘅額頭，文太繼續揮舞手中嘅鐵通，向著李飛個頭、腹、小腿快速揮去，行雲流水，打到李飛開始懷疑人生。
特別係小腿位置，力度大到把鐵通都打飛出去。
李飛痛到倒地攬住小腿，文太騎上李飛身上，對著李飛個頭瘋狂重捶，往死裡打。
李飛係俾文太打嘅時候，隻手偷偷伸入衣袋裡，取出一把小刀然後反擊，誰知文太早就把李飛嘅小動作看得一清二楚。
文太捉住李飛握著小刀嘅手腕，用盡力氣逼使李飛刺向自己，李飛驚恐咁望住小刀慢慢刺向自己嘅右眼。
「不⋯不要⋯不啊啊！！！」
小刀已經插入李飛嘅右眼，進入眼窩裡。
眼球被刺破嘅疼痛，令李飛發出鬼哭狼嚎嘅慘叫聲。
原本挨係一邊嘅緋仁衝咗過嚟救李飛，佢忍住腹部嘅傷痛，用力起飛腳一嘢踢落文太嘅背隻，文太成個人趴到前面數米，個頭感到暈眩。
「李飛⋯李飛⋯」
緋仁拉起在地上痛叫嘅李飛。
「啊⋯我的眼睛⋯緋仁⋯我的右眼看不到東西⋯我的眼⋯⋯」
文太拉扯住緋仁嘅衣袖。
「容⋯容祿一定會治好你的⋯」
說罷，緋仁吹了一聲哨子，然後扶住李飛，用繩索再次以泰山個方式高處降落地面。
文太清醒返後走過去，只見到緋仁帶住李飛落到地面，然後攙扶住李飛向前走，數秒後有個騎住犀牛嘅男人出現係兩人面前。
「你們兩個⋯」
犀牛男望著渾身發抖流著鮮血嘅兩人。
「別問了⋯快送我們去找容祿⋯」
緋仁拉起李飛上犀牛上，然後犀牛快速奔跑向叢林，消失的無影無蹤。
文太見兩人已無辦法去追，於是執起跌在不遠處一旁嘅武士刀，然後向著居住嘅地方跑。
居住地已火光沖天，散發著燒焦嘅氣味，
文太走上去時，一名肚破腸流嘅男人正在挨坐係一邊，原本奄奄一息嘅佢，見到文太走上嚟，便用僅餘嘅力氣呼喚著文太。
「文太⋯」
文太蹲下捉住依個男人，近距離咁看到依個男人嘅傷勢，文太感到一絲憂傷，男人用力拉著文太。
「文太⋯他們進來放火殺人⋯以前搶我們的食物⋯現在想霸佔我們的地方⋯」
文太看著依個男人痛苦嘅樣，開始怪責自己同剛才兩人糾纏太耐。
男人知道文太係到怪責自己，於是用手拍一拍文太嘅手。
「你不要怪自己⋯是我們弱⋯是我們沒有居安思危⋯才讓他們有機可乘⋯文太⋯我從來都不怪你⋯從⋯來⋯都⋯」
男人未講完說話便斷了氣，原本捉住文太嘅手，亦慢慢緩下放低。
文太幫這個男人合埋雙眼，握著武士刀走向居住位置，沿途唔少人逃跑，走到某個位，其中一個指揮大家嘅女人見到文太，即刻拉住文太。
「文太⋯文太⋯」
霞女士好激動咁拉住文太嘅衣服。
「霞⋯女士⋯」
文太用唔標準嘅音同霞女士講。
霞女士激動咁講。
「文太⋯你老婆靜宜⋯唔知係唔係失血過多⋯依家處於昏迷嘅狀態⋯」
「Doctor chen？」
霞女士一聽到文太講Doctor chen，眼眶上嘅淚水瞬間崩堤。
「陳醫師⋯佢死咗⋯佢死咗啦⋯⋯」
霞女士把剛才大家看到嘅情況講俾文太知，李飛係好早嘅時候已經潛入陳醫師嘅住所，等候陳醫師返嚟。
文太攞住武士刀衝向李飛嘅時候，大家就衝入陳醫師嘅住所，成間房都充滿血腥臭味，當大家走入啲，只見陳醫師變成一具冰冷嘅屍體⋯
陳醫師屍體係被綁係床上，身上多處都有嚴重嘅刀傷，頭部嘅位置更被插上幾把小刀，死不瞑目⋯
「佢地係有預謀潛入嚟殺死陳醫師⋯」
「依個係我嘅！」
一個藍衫人捉住其中一個女性，用繩索綑綁住女性嘅雙手。
「老竇⋯媽咪⋯救我啊⋯」
那女性不斷求救。
突然一道白光划過，藍衫人捉住繩索嘅手掌被切了半邊骨肉分離，藍衫人仲未大嗌，文太便用刀尖在藍衫人嘅頸部蜻蜓點水般輕輕滑過。
那藍衫人絕望咁用手按住自己條頸，但頸部嘅大動脈不斷噴出鮮血。
佢痛苦咁望住文太，文太冷漠咁望了佢一眼，然後提著武士刀離開。
而旁邊充滿火光嘅地方，不斷傳嚟邪惡嘅笑聲和慘叫聲。
「跑啊～跑啊～我睇你跑得去邊～」
看著火光裡嘅人影追趕，文太眼神看到火光裡嘅人影，瞬間充滿怒火。
佢緊握著武士刀，衝向火光裡嘅人影，沿途唔少藍衫人見到文太衝咗過嚟，立即舉起武器對抗。
文太手中嘅武士刀一揮，左右兩旁嘅藍衫人頸部位置迅速被切開噴出鮮血，藍衫眾人毫無還手之力。
火光裡嘅追趕變得更激烈，文太所到之處，都有撕心裂肺嘅叫聲，一件件藍色衫沾滿鮮血。
「求下你⋯我係被逼㗎⋯唔好殺我⋯」
其中一個藍衫人對著文太跪地求饒。
文太從旁走過，那跪地求饒嘅藍衫人鬆了口氣，佢用手抹走額頭上嘅汗水。
一道白光從佢面前划過。
生命是如此脆弱。
半個鐘後，文太站在一堆屍體之中，空氣中瀰漫著濃濃嘅血腥味，武士刀上嘅血早已吹乾。
佢抬頭望著天空，今晚嘅月亮俾烏雲遮蓋，沾滿鮮血嘅雙手開始顫抖著，佢回頭望去。
哀號遍野，不少人失去家人，年邁嘅父母抱著兒子嘅屍體，年幼嘅仔女捉住僵硬嘅父親的手，哭著尋找母親嘅下落。
文太捉緊手中嘅武士刀，所謂嘅和平，係需要令人產生強烈嘅恐懼。
就算係「虛假的和平」，佢都要實行。
待續