荒島日記（新手、後宮甜）（不定期更新）: 提早

隊伍行咗四個鐘後，便係叢林裡其中一個位置作為臨時居住地，之後我地再次分組去打獵。



「掂啊！」
達叔高興地仰天大嗌。

今日嘅收穫唔錯，我地只係用咗短短嘅十五分鐘，就已經捉咗六隻野雞同四隻兔仔，簡直如有神助。

今日大家嘅狀態同運氣簡直係無得頂。



「所以跟大陸仔係無錯嘅！」
四眼妹同佢一個女伴忙碌地用樹藤綁住野雞雙腳，再將四隻兔仔綑綁埋一齊。

「少吹捧我一陣⋯」

四眼妹將綁住野雞嘅樹藤纏繞住碌竹，令一隻隻野雞吊掛係條竹上面。
「咁你係掂啊嘛，話時話，你個傷好返曬未？」

我摸一摸心口，仍然有少少痛，但對比依幾日已經好返好多。


「都好返七七八八。」


達叔望一望手中嘅腕錶。
「依家先五點，正！我地今日可以早啲休息！可以早啲返去見老婆仔！」


十分鐘後返到臨時居住地，係臨時居住地等待嘅人，一開始用疑惑嘅眼神望住我嘅出現，當達叔同四眼妹攞住啲野雞同兔仔返嚟後，紛紛露出驚訝嘅表情。

「哇！他們今天收穫這麼多⋯」



「看來我們今晚可以吃飽一點了。」

「還要看施老師他們捉得多不多。」

我望去一邊，見肥佬陳同Lily、凌兒坐係一邊，肥佬陳望住Lily此刻嘅裝束，嘆了一口又一口氣。

佢望到我帶住咁多食物返嚟，比着以前佢會好興奮好高興咁走過嚟望兩望，但今日佢無咁做，而係繼續坐係一邊，毫不關心今晚嘅晚餐。


「快啲做嘢啦，等陣佢地返嚟見仲未有柴火就鬧嘅啦⋯」
有個女仔抱怨地講，將自己執到枯木放在地上，其他人見到後亦開始做嘢。

達叔放低啲食物後，便衝到去自己個女伴到擁抱，而佢嘅女伴亦緊緊攬住佢，個畫面似足達叔當兵打完仗返嚟咁，紫霜亦攬住達叔，但無好似佢地攬得咁緊。



連紫霜都變成咁⋯


「今日咁早就返嚟嘅？」
雪兒微笑咁行過嚟。

「今日運氣太好，唔洗一陣就已經捉到好多隻野雞同兔仔返嚟。」

「學東哥～」
秋儀衝過嚟緊緊地攬實我，我用手好溫柔咁摸佢柔順嘅頭髮。

「辣椒妹呢？」

「佢係個到。」
秋儀伸手指向一邊，辣椒妹坐係不遠處嘅其中一棵樹下面。



雪兒秋儀同我傾完幾句，便走去四眼妹到幫手，我就走過去辣椒妹個邊。

辣椒妹靜靜咁挨坐係樹邊，雙手拎住條幼樹枝，幼樹枝上嘅樹葉已經俾佢抆曬，掉到一地都係。
「喂，辣椒妹。」


辣椒妹仍然望住其他地方，完全無聽到我叫咁佢，於是我用手掂一掂佢膊頭，佢先擰返轉個頭望我。

此刻，辣椒妹雙眼中流露出一絲憂愁，佢一見到我，眼中嘅憂愁好快消失咗。
「嗯？大陸仔。」

「你做咩啊你？最近心事重重咁嘅？」

四眼妹聽到後有些少愕然。


「無啊⋯」

「真係無？」
我唔係好信。

「真係無啊，大陸仔，點解你今日咁快返嚟？唔通你偷懶返嚟？估唔到你⋯⋯」
辣椒妹又變返好似以前咁活潑，攬實我嘅手臂請我食波餅。

個波餅食到我都有啲扯旗，係喎，好似自從離開山洞，我都未有再扑過嘢。

辣椒妹似乎知道我嘅生理反應，佢立即係我耳邊說到。
「我依幾日都安全。」

你個淫娃蕩婦⋯




其中一個營地女人左望右望。
「水呢？負責找水的人呢？還沒回來？」

「佢地仲未返嚟啊？唔通依頭附近係無河流？」
啲女仔開始變得手忙腳亂。

留地係臨時居住地嘅人，要負責執柴、煮飯同搵水，啲水係負責用嚟洗啲食物，洗走食物嘅血腥味。



突然有個女人跑返嚟喘曬大氣，佢係負責搵水十人組裡面嘅其中一個。

「搵到水啦？」
大家紛紛湧上前去，個女人兩手空空，並無拎住裝水嘅桶返嚟。

個女人抹走頭上嘅汗水。
「大家⋯你們跟著我⋯我們在找河流的時候發現了一個地方⋯⋯」


留低幾個女仔等待獅子狗個隊返嚟，我地便跟住個女人行，個女人無講啲咩，只係叫我地跟住佢。

我地就咁行咗將近十分鐘。


「大陸仔⋯」
眼前嘅畫面，令雪兒緊張地握緊我隻手。

原本認為個女人大驚小怪嘅達叔，同其他人睇到後便完全O曬嘴講唔到嘢。

而四眼妹同佢嘅女伴們望到後，卻逐漸露出笑容。


「依個係⋯」


我地眾人眼前嘅，係一架飛機嘅殘骸⋯⋯



待續