荒島日記（新手、後宮甜）（不定期更新）: 飛機（1月20號更新）

「飛⋯飛機⋯」

對於眼前嘅畫面，真係難以置信。


依架飛機嘅大細，係一部只可以載到四十至六十人嘅小型客機，兩邊嘅翼上都有個好大嘅螺旋槳。

對比一般係機場見到嘅波音737、747同埋A380，依架飛機真係細好多。




「我們確定它是不能起飛了，因為它已經斷成三截，玻璃全部都碎裂了。」
帶我地過嚟嘅女人說到。

我掃視成架飛機。
「咁有無生還者？」

我見依家飛機除咗斷成三截外，並無昏黑嘅痕跡，所以好肯定墜機嘅時候無發生大爆炸。


個女人搖搖頭。


「不清楚，但我們在裡面看了一陣子，沒有發現屍體。」

無發現屍體⋯


突然其中一個女仔摷亂失敗啲頭髮，然後睜大雙眼同眾人講。
「靈⋯靈異事件啊！架飛機墜落係依個島⋯但竟然一條屍都唔見⋯可以做成咁⋯一就係鬼⋯二就係UFO⋯」

幾個女仔聽到蓬頭散髮嘅女仔咁講，嚇到攬埋一齊。



「睇少啲怪談啦⋯」

「之前已經覺得佢怪怪地⋯」

我走上前觀察咗一陣，用手摸一摸架飛機嘅殘骸，然後嘆了口氣。
「睇嚟架飛機墜落係到都有一段日子，啲樹藤都纏繞住架飛機嚟生長。」


「發達啦！發達啦！」

我回頭望去聲音方向，見四眼妹同佢嘅女伴係後面叉住腰望住架飛機殘骸，四眼妹面上盡是笑容。

我地眾人完全唔明四眼妹講咩發達，而蓬頭散髮嘅女仔以為四眼妹撞邪，係地上執起兩條樹枝以十字對住四眼妹。




四眼妹用手托一托副眼鏡，令副眼鏡鏡片反曬光。
「姐妹們，係時候做嘢！」

四眼妹嘅女伴立刻舉手和應。
「好！」

發生乜嘢事？佢地幾個想做乜嘢？


見四眼妹同女伴們完全無視佢，蓬頭散髮嘅女仔握緊手中兩條樹枝做嘅十字，然後一步步咁上前。
「何方妖怪！快啲速速現形，唔係就唔好怪我對你唔客氣！」

「唉！死開啲啦！」
四眼妹推開阻擋佢嘅蓬頭散髮嘅女仔，然後佢地四個快速咁跑進個飛機殘骸裡面。



好奇心爆發嘅我，亦跟住四眼妹嘅步伐走進飛機殘骸裡面。

「死啦，好肯定係惡靈嚟⋯咁就難對付啦⋯」
蓬頭散髮嘅女仔並無放棄，亦同我一樣跟住四眼妹進入飛機艙裡。


一入到去，就見到四眼妹同佢嘅女伴對飛機內部展開搜索。

「彤姐！我搵到個小錘仔！」

「彤姐！我搵到個水壺！」

「彤姐！依到有幾個火機！」

「唔錯唔錯，但大家都要再細心啲，好多唔顯眼嘅地方，其實都收埋唔少好嘢。」


四眼妹講完，便從凳底位置取出毛毯。

「係！」
女伴們應了一聲後，繼續搜索艙裡面有無物品。

五分鐘後，四眼妹佢地係飛機殘骸裡面搵到唔少物品出嚟，救生衣降落傘背囊都摷出幾個。

我終於明白四眼妹以前住嘅山洞點解會有咁多雜物⋯


「似乎係一個喜好收集物品嘅靈體⋯」
蓬頭散髮嘅女仔在我身後細聲說到。


依個女仔⋯真係睇怪談睇到有啲神經質⋯



達叔亦都走入機艙裡面，觀察著機艙內混亂一片嘅情況。
「好彩⋯仲以為到處都係屍體同血跡。」


「彤姐！有個門完全開唔到！」
大家一齊望過去，便見到四眼妹其中一個女伴正在用力拉扯個門柄。

四眼妹望一望個門外嘅設計。
「依個⋯似乎係機頭駕駛室嘅門嚟！」

達叔聽到駕駛艙後便講。
「聽聞飛機駕駛室到門唔係一般人可以開得到，而係要個機長先可以開到。」

聽完達叔嘅說話，我都閉上雙眼回想返。


以前睇YouTube好似有條片係介紹飛機，裡面有講述飛機駕駛艙個門起飛後無辦法打開，自從911恐怖襲擊後，駕駛艙到門只可以由機師嚟開。


「但好明顯，依個唔係。」
四眼妹講完，便開咗個門。

我地所有人呆咗咁望住四眼妹。
「你係點開㗎⋯」

四眼妹微笑咁托一托副眼鏡。
「好簡單姐，佢拉錯咗個手掣。」

「但我記得飛機駕駛艙⋯⋯」

四眼妹伸手示意叫停達叔。
「大家唔好諗得咁複雜啦，你地講個啲係大型飛機嚟，依㗎係小型嚟，睇返內部嘅設計，好明顯係私人飛機啦，無咁著重駕駛艙安全。」

「好啦，我地入去睇吓有乜好嘢。」
說罷，四眼妹便轉身走入，然後佢望一望兩邊嘅座位嘅時候突然跳起。
「嘩⋯有條鹹魚⋯⋯」



待續