荒島日記（新手、後宮甜）（不定期更新）: 願意

肥佬陳再嘆了口氣，然後便企起身準備離開，秘書Lily立即拉住肥佬陳，肥佬陳無回頭望，而係用手溫柔咁拍一拍秘書Lily隻手。
「放心吧，我從小就命大，這種事情應該難不到我的⋯Lily，如果我不在了⋯你要小心施老師他們⋯你如果想找人幫忙，找王學東他們吧，他們沒有惡意。」

鬆開秘書Lily隻手後，肥佬陳便得低頭向前走去，行咗無幾多步，秘書Lily從後攬實肥佬陳，肥佬陳想鬆開秘書Lily隻手，秘書Lily便更加用力攬實佢。

「唔唔⋯唔唔⋯」
背後傳嚟秘書Lily微弱嘅哭泣聲。

肥佬陳笑著說。
「都長這麼大了，還哭成小孩似的。」



「我去吧⋯陳總⋯」
秘書Lily突然開口講，令肥佬陳瞬間愕然。

「真的嗎？Lily！謝謝你啊！」
肥佬陳激動地攬實秘書Lily⋯⋯



就係咁。」


後母美思講完便收好啲魚準備離開。

真係估唔到肥佬陳為咗身分地位，會將自己嘅女人去取悅別人⋯
「無啦？」

「有！」
後母美思微笑地再次攤大個手板，索要多一條魚，真係極度貪心嘅女人⋯

我二話不說地再俾一條魚佢，後母美思好開心地接條魚。
「仲有！阿施sir曾經同陳總講過一句說話，話咩會儘快攞返⋯⋯」



「你個惡毒後底乸！嚟依到想做咩啊！」
達叔突然從遠處河道走過嚟，憤怒地對著後母美思，後母美思見到達叔後立即攞起包住魚嘅衫，然後快速地跑入叢林裡面，無幾秒後便完全消失。

後母美思仲未講完⋯就咁俾達叔嚇到走咗⋯我仲要損失咗一條魚⋯

「大陸仔！唔洗驚！我地一定會保護你！」
四眼妹亦都從河道走過嚟，達叔聽完四眼妹嘅說話拍曬心口咁保證，我真係俾你地兩個激死⋯

「東哥！仲咩啲魚少咗㗎？」
達叔著急地走嚟走去尋找唔見咗個三條魚。

「好啦，我都休息夠啦，繼續捉多幾條魚先！」
說罷，我便起身拍一拍身上嘅泥土，再次走去河邊捕魚⋯⋯








返到臨時居住地，獅子狗同肥佬陳去咗附近嘅叢林密談一輪後，便高高興興地走返嚟，獅子狗面上嘅喜悅如迎接新婚嘅新郎，而肥佬陳雖然掛著笑容，但卻有些別扭。

肥佬陳同獅子狗一返到嚟，兩人便望向在一邊個秘書Lily，獅子狗如餓狼般嘅眼神望過去，而肥佬陳嘅眼神帶著一絲憐憫。

此刻在我眼中，肥佬陳個禿頭頂好似發著綠色嘅光芒，是多麼的耀眼，多麼的奪目。

秘書Lily察覺到獅子狗鹹濕嘅目光，便立即轉身，唔俾自己同獅子狗有眼神接觸，獅子狗見到秘書Lily嘅反應後，便低頭同肥佬陳咬耳仔。

究竟獅子狗係到講咩？由於係咬耳仔，根本就聽唔到佢地講咩，而且因為太遠，都睇唔清楚嘴形。



肥佬陳連忙地點點頭，獅子狗高興地搭住肥佬陳膊頭，笑到露出昏黃嘅牙齒，而旁邊嘅肥佬陳擺出強顏歡笑同獅子狗一齊笑。

「你睇佢兩個，搭曬膊頭笑到咁，唔講仲以為係襟兄弟。」
達叔依個時候嚟到我身邊，面上卻多了幾點紅光。

達叔一講就講中咗⋯襟兄弟⋯我應該都算係襟兄弟⋯Lily真係可憐⋯
「咁快返嚟？你唔洗陪老婆仔咩？」

達叔淫笑咁望住我。
「夜晚～大把時間啦～」

見到達叔佢幸福嘅樣，真係感慨，係香港個陣，我地兩個仲係青頭仔嚟，係中二個陣我就同達叔傾過，如果畢業出到嚟做嘢都溝唔到女嘅話，就一齊去馬檻破處。

但嚟到荒島之後，咩都改變曬。



「東哥，我地會唔會一直住係到？」
在旁的達叔突然問到。

「唔知⋯」

達叔接著問到。
「咁如果你有機會返去香港嘅話，你會唔會返去？」

「會！」

「點解？」
睇嚟達叔會認為我答唔會返香港。

「點解？可能我驚掛。」



「驚啲咩？」
達叔擰轉頭望向我，雙眼充滿著疑惑。

「我驚佢地會病，我驚我幫唔到佢地，我驚我救唔到佢地。」
我望住三女個方向說到。

達叔拍一拍我膊頭講。
「有藍醫生係到，唔怕喎！」

我同達叔一齊望向藍醫生個方向。
「藍醫生都係人，佢都會病，而且佢手頭上都唔係好多藥，救到一時救唔到一世。」

「東哥⋯其實⋯你唔驚⋯佢地返咗香港之後就唔再搵你咩⋯」



待續