荒島日記（新手、後宮甜）（不定期更新）: 請求

肥佬陳疑惑咁望住獅子狗。
「那⋯施老師，你想我幫你什麼⋯」

獅子狗嘴角突然上揚，然後挨到肥佬陳耳邊，肥佬陳一開始點點頭，半分鐘後便瞪大雙眼，面色變得沈重。
「這⋯這⋯這不行⋯」

獅子狗用手輕輕拍獅子狗膊頭，然後低下頭同肥佬陳講。
「陳總，你可知道，我的學生現在可是很聽我的話。」

肥佬陳聽到獅子狗說話後變得憤怒。


「你⋯你是在威脅我嗎！！」

獅子狗立即搭住肥佬陳膊頭。
「沒沒沒，我沒這個意思，我只是想說，如果你同意了，我會聽你的命令，擁護你領導的地位，其他人看到我這樣，也會聽你的話的。」

原本面紅耳赤嘅肥佬陳，聽完依句說話後，面上嘅憤怒好快地消失，只剩下憂愁無奈。

「陳總，我不逼你，你慢慢考慮吧。」
獅子狗講完便離開，只留低肥佬陳一個⋯







「喂喂喂！究竟獅子狗同肥佬講咗啲咩？」
我唔明肥佬陳點解有咁大反應。

「識做啦～」
後母美思攤大個手板，表示要多一條魚先肯繼續講落去。



真係貪心嘅女人⋯好！你好嘢！

我捉起一條魚扔過去，後母美思好開心咁接住，雙手上擺著兩條魚，腦海係到想像等陣食烤魚嘅畫面。

「講得未？」

後母美思用件唔要嘅衫包起兩條魚，然後繼續同我講。
「係係！其實呢，我都唔知佢係耳邊講咗啲咩。」

「咩話！你玩我啊！」
我嬲到想起身搶返條魚，後母美思見到我激動嘅樣後，立即用手拍我膊頭。
「做咩咁激動，我都未講完。」

我忍耐著。
「好！咁你繼續講。」



後母美思盤腳坐在地上，然後閉上雙眼。
「嗯哼，跟住我都返去啦，返到去之後就見你暈咗係一邊，隻熊俾你打走咗，大家食晚飯，一直都無事發生，直到大家準備要訓教嘅時候⋯⋯

「陳總⋯怎麼了？」
肥佬陳無講嘢，而係拉著秘書Lily隻手，拖著佢走入一邊嘅密林。

見到肥佬陳十分著急，秘書Lily用力拉停不斷前進嘅肥佬陳。
「陳總⋯陳總⋯你怎麼了⋯你現在帶我去那裡？陳總！」

「Lily，這裡說話不方便⋯我們去遠一點的地方說，再遠一點點就可以了。」
秘書Lily聽完肥佬陳嘅說話後，便安靜咁係後面跟住。

走咗兩三分鐘後，肥佬陳終於停低腳步回頭，認為已經離遠臨時居住地後，便伸出雙手拉住秘書Lily嘅手，示意一齊坐低。
「陳總⋯現在可以說了嗎？」



「Lily⋯」
肥佬陳個樣顯得有些緊張。

「怎麼了陳總？你看你，跑一會兒就滿頭大汗的。」
秘書Lily伸手抹走肥佬陳額頭上嘅汗水。

「我⋯我⋯我需要你⋯」
肥佬陳有些氣喘咁。

秘書Lily噗嘰地笑了一聲。
「原來陳總想要這個～」

秘書Lily挨近肥佬陳，然後拉住肥佬陳隻肥大手臂攬住自己條蠻腰，令秘書Lily感到驚訝嘅係，肥佬陳係依個時候收返隻手。
「不⋯不是這樣⋯我需要你幫我做一件事⋯」



「怎麼了陳總？什麼事呢？」
秘書Lily完全唔明肥佬陳想做咩。

肥佬陳低下頭，好細聲咁講。
「我需要你⋯陪一陪⋯施老師⋯」

秘書Lily聽完後雙眼一直望住肥佬陳，肥佬陳伸手捉緊秘書Lily嘅纤手。
「Lily⋯我是逼不得已的⋯」

秘書Lily雙眼此刻出現淚光。
「陳總⋯你可答應過我⋯我不是商品⋯」

聽到秘書Lily嘅說話後，肥佬陳心跳加速，身體開始微微顫抖著。
「我也不想⋯我真的是逼不得已⋯施老師要脅我⋯他說如果不答應他這個要求⋯我的地位就不保了⋯」



秘書Lily無講嘢，淚水開始滑過臉頰，慢慢滴落到地下，肥佬陳見秘書Lily傷心嘅樣，心裡不是滋味，但一想起獅子狗為人⋯他不能不答應。
「Lily⋯就一次⋯就一次好不好⋯你想一想以前，那些大客戶要你，我寧願不做那筆大買賣也要保護你，損失好幾千萬，但這一次⋯他是要脅我性命⋯在這島上⋯我沒辦法解決⋯」

肥佬陳見秘書Lily仍然無答應佢，於是繼續勸說到。
「Lily⋯你想一想⋯你爸的官司誰幫你解決的⋯你爸的墳我可花了一大筆錢⋯你和你弟的讀書費用⋯Lily⋯Lily⋯」

秘書Lily仍然無答應肥佬陳，肥佬陳坐在一邊嘆了口氣，然後慢慢抬頭，苦笑著。
「算了⋯我可是個男人，怎麼可以要你幫忙，我自己去解決好了，大不了就是死！反正我都活了四十八年了，人生已經賺了！哈哈，想不到臨死之前，還可以看到滿月⋯」



待續