荒島日記（新手、後宮甜）（不定期更新）: 尋日

吓？單嘢發生係我昏迷嘅時候？可能對我嚟講好重要？
「尋晚？尋晚發生乜嘢事？」

後母美思無講嘢，而係向我伸隻手過嚟，索要物品交換佢嘅情報，我都估到佢無咁好心講俾我知。

我緩緩地向前彎腰，然後伸手向擺放魚嘅位置，推其中一條魚到後母美思面前。
「好啦，可以講啦嘛？」

後母美思瞪大雙眼，然後翹起雙手搖搖頭咁同我講。
「一條？唔得！我要全部！」



咩話？要曬全部？唔好去搶？依個女人！除咗惡毒就係貪心！我真係想見下紫霜老竇一面，究竟係點樣頂得順依個惡毒又貪心又醜陋嘅女人！
「全部？唔好妄想啦！」

後母美思立即挺直條腰，撐大個鼻哥窿同我講。
「我同你講！依單嘢！得我一個人知，其他人都唔知有依件事！咁你覺得依單嘢值唔值五條魚啊？」

依單嘢得你一個人知？我立即望後母美思個眼神，佢唔似講咁大話。

我向後挨，然後嘴角上揚。


「全部魚俾曬你，咁我地今晚食咩啊？依單嘢得你一個知又點？嗱！你咁遠走過嚟搵我，即係依單嘢只可以賣俾我一個，係其他人到係一文不值，你賣俾我就有一條魚，如果你賣俾其他人，可能半條都無啊！」

佢依家處於被動，咁我就要強硬嘅態度去應對佢。我真係活學活用，前幾日係四眼妹個到學返嚟嘅商業技巧，估唔到依家會用嚟對付後母美思。

後母美思俾我嘅說話激到面紅耳赤，不斷發出磨牙嘅聲音，見到佢又嬲又急嘅樣，睇嚟係俾我講中，依單情報係其他人到係一文不值。

「點啊？一條肯唔肯？唔肯就走啦。」
我毫不客氣咁對後母美思，對付依啲心狠惡毒貪婪嘅人，唔需要對佢地客氣，對佢地好，佢地係唔會珍惜。

後母美思緊握著拳頭，眼神充滿著怒火，恨不得將我捉起拳打腳踢，但飢餓又懶惰嘅佢，佢眼前嘅魚肉，係唯一可以醫飽佢個肚餓。


「好⋯好！一條就一條！」

「好！咁你講，究竟尋晚發生咗咩事？」

後母美思左望右望，然後坐係我面前。
「件事係咁嘅⋯⋯」





一個鐘後，我地三個返到嚟臨時居住地，四眼妹便將我地今日嘅收穫交俾負責煮食嘅女仔，達叔就急急忙忙咁去搵自己嘅女伴。

「大陸仔，搵咁啲咩啊？」
雪兒見我左望右望咁，便問到。



「大陸仔，可能係到𥄫女呢～」
辣椒妹同秋儀亦都走到我身邊。

辣椒妹一講完，雪兒嘅面色就變得難看，辣椒妹真係想害死我！
「你個辣椒妹！想害⋯⋯」

原本想咪辣椒妹塊面，辣椒妹雙眼剎那間流露出一絲憂愁。
「辣椒妹，你個樣突然心事重重嘅？」

辣椒妹那份憂愁瞬間消失的無影無蹤，面上露出燦爛嘅笑容，然後隻手好大力咁拍打我手臂一下。
「我邊有心事重重啊～」

難道我睇錯？定係辣椒妹係到強顏歡笑？



辣椒妹見我好似唔信佢，於是用手臂夾住我個頭，令我個頭不斷磨擦佢對木瓜奶。
「大陸仔，你再𥄫女，信唔信我地三個再綁你多一次！」

我想起俾你地三個綁起輪流上嘅個日，真係慘絕人寰⋯苦不堪言⋯

「我⋯我無𥄫女，我只不過係發呆姐。」
係我地傾計嘅時候，獅子狗亦帶隊人安全返嚟，雪兒同秋儀即刻走去幫手煮食，一嚟睇獅子狗佢地有無偷懶，二嚟確認有無俾人分少食物。

肥佬陳知道獅子狗一返嚟，便匆忙咁上前迎接，獅子狗見到肥佬陳後，身體微微咁鞠躬，兩人相敬如賓。

肥佬陳突然擺出過往老總嘅姿態對所有人，揮一揮手，所有人便立刻散去，然後肥佬陳雙手放後，帶著獅子狗走去一邊。高佬佳、肥豬劉同MK傑三人雖然覺得好奇怪，但不敢過問。

兩人嘅關係突然會變得咁好，原本獅子狗係唔在乎肥佬陳，此刻卻對佢好似自己上司般⋯睇嚟後母美思講嘅事係真嘅⋯






後母美思合埋雙眼，回憶尋日發生嘅事。
「我見佢地兩個搭曬膊頭鬼鬼祟祟咁，未就係後面跟住佢地囉⋯⋯

「施老師，你剛才說的是真的嗎？」
肥佬陳好緊張地問獅子狗。

「真的。」
獅子狗好淡定咁答肥佬陳。

肥佬陳激動地握著獅子狗隻手。
「施老師！我果然沒看錯你！你人這麼好，如果回國了，你有什麼事需要我，你就打一個電話給我，我什麼事都可以幫你擺平，什麼事都幫你解決！」

獅子狗點點頭。


「對，我就是有事要你幫忙。」

「很重要的事？很麻煩的？不怕，我在香港認識許多朋友，你財務有問題，我可以幫你找林氏企業的老闆，如果有法律上的問題，我可以幫你找賈博士，她這幾年當上了議員，許多法律上的問題都可以解決！」
肥佬陳拍曬心口咁保證。

獅子狗倒頭大笑。
「哈哈哈！我不是找你幫我這些。」



待續