荒島日記（新手、後宮甜）（不定期更新）: 不安

黃昏降臨，天色逐漸昏暗，火堆嘅光芒照亮臨時居住地每一處地方。

「還沒回來⋯怎麼還沒回來⋯」
秘書Lily焦急地來回咁走，不時望向叢林嘅方向。

我地返嚟臨時居住地已經差唔多半個鐘，照時間同路程嚟睇，文健同肥豬劉應該一早已經返到，而唔係到依家都未返。

天色已晚，但佢地小隊仲未返嚟，大家開始討論佢地。
「佢地係唔係發生乜嘢事？」
「我感覺他們⋯應該死了⋯」


「不是吧⋯他們那隊有胖哥在⋯」
「胖哥中看不中用啊⋯」
「就算出事了，也不會一個人都沒回來吧⋯」
「可能他們遇到一群野獸⋯」

「大陸仔，你覺得佢地係唔係出咗事？」
雪兒攬住我手臂問。

「我都唔清楚⋯我地三個係依附近打獵，所以無遇到啲咩猛獸，除非⋯⋯」



「除非什麼？王學東弟弟。」
Lily聽到我同雪兒嘅對話便走過嚟問我。

「除非⋯佢地走到好遠嘅地方⋯係我地無經過無探索嘅地方⋯就會遇到我地遇唔到嘅猛獸⋯」

「不會吧⋯我通知一下陳總。」
秘書Lily急促地走向肥佬陳身邊，同肥佬陳匯報最新嘅狀況，肥佬陳一邊聽Lily稟報一邊點頭。

「佢地可能迷路，不如我地大嗌，俾佢地有個方向返嚟。」
MK傑正想開口大嗌，獅子狗立刻伸手用力按住MK傑個嘴。



「傻咗啊？到時唔係令佢地有方向返嚟，而係令覓食嘅猛獸搵到我地啊！」
MK傑望住獅子狗發狠嘅樣，已經嚇到雙腳不斷咁顫抖，高佬佳立刻上前拉走MK傑，並且不斷向獅子狗道歉。

「如果今晚都唔返嚟，咁佢地個隊就應該凶多吉少。」
大家聽完我嘅說話後，都無奈咁望向叢林方向，而肥豬劉幾個女伴，正在雙手合十，祈禱肥豬劉佢地平安無事。

「好了好了，不用在乎他們了，快做飯吧，我都快餓死了。」
原本一直躺係一邊休息嘅肥佬陳，此刻卻挺著個大肚腩悠哉悠哉咁走過嚟，唔少人用鄙視嘅眼神望佢，討厭佢只在乎溫飽，不在乎人命。

「話曬文健係佢條𡃁，咁樣都有⋯」
「就是就是⋯」
「跟著這樣的人真的死定了⋯」
「那可是人命啊⋯」



「我操你媽的！快幹活！少他媽在這說廢話！這裡可是荒島，到處都有危險，死亡是很正常的事！」
肥佬陳對住幾個女仔大喝，幾個女仔立刻嚇怕到收聲。

時間一點點過去，望住叢林方向仍然無人影，高佬佳感到愈嚟愈不安。
「施sir施sir，我地依家可以點做？再咁落去師兄佢地無事都變有事。」

獅子狗雙眼一直注視著叢林。
「依家已經夜晚，野獸會出嚟覓食，就咁入去會好危險，我地可以做嘅，就係為佢地祈禱平安無事返嚟。」

我係附近尋找更多柴火返嚟，要確保住個火堆可以燒足成晚，火，係目前唯一最有效驅趕野獸嘅方法。

「快做飯吧，別等他們了，可能做完飯，他們聞到香味會跑回來。」
肥佬陳催促著負責煮食嘅女仔，高佬佳望一望獅子狗，獅子狗便點頭同意執行，啲女仔先開始煮食。

數分鐘過後，原本只有鳥獸聲嘅叢林，突然傳嚟密密麻麻嘅腳步聲，肥佬陳聽到腳步聲後，便立刻起身叉腰好高興咁講。


「我就知道他們會聞到香味跑回來的。」

由於天已經黑曬，我地只可以隱約咁睇到有人在叢林裡面穿梭，但係個人影係男係女，我地就完全睇唔到，肥佬陳見到有影係叢林裡，便對住個影大嗌。
「我們在這！」

原本叢林裡面嘅人影漫無目的咁跑，聽到肥佬陳把聲後，便向住我地方向跑過嚟，人影同我地愈嚟愈接近，佢跑步猶如溜冰嘅姿勢，我便知道係邊個嚟。

人影衝出叢林，個人影係文健嚟，佢好驚恐咁喪跑，見到我地眾人係佢前方時，佢就拼命地大嗌。
「救⋯救命啊！」

「發生乜嘢事？做咩得佢一個？」
高佬佳對於文健嘅情況感到不解。

「大家小心啲⋯」
我帶住三女慢慢咁向後退，達叔同四眼妹亦跟住我，望住文健驚慌逃竄嘅樣，我便抽出把開山刀，緊緊地握在手中。



文健拼命喪跑，一失足便撲到地上滾到獅子狗面前，十分狼狽，獅子狗扶起佢起身，秘書Lily亦依個時候走咗過去。
「發生什麼事情文健？」

文健好驚青咁捉住Lily隻手喘著大氣。
「浩⋯豪⋯毫⋯」

「什麼？聽不懂⋯」

「文健！我屌你老母！！！」
叢林裡傳嚟肥豬劉撕裂嘅咆哮聲。



待續