荒島日記（新手、後宮甜）（不定期更新）: 到達

某海域





進入烏雲密佈嘅海域已經唔知幾多個鐘，船身一直不斷劇烈地搖晃，所有船上嘅人都企不穩而倒在地上，四周不斷有海水拍打上窗前。

期間不斷有閃電在四周閃過，雷鳴聲一次比一次強勁，閃電一次比一次接近，感覺就嚟會劈中艘船。



望住駕駛艙內早已亂成一片嘅船員，上將仍然努力地指揮著。
「大家不要慌張！穩定船隻！穩定船隻！我們一定會安全渡過的！」

「報告⋯船上所有儀器突然全部失靈⋯已經無法控制⋯」

駕駛室除咗上將一個人外，其餘人聽到依個消息後都非常震驚，係後面嘅中將見到如此情況後，亦忍唔住抱頭吶喊。
「我都說不應該進去的⋯這個魔鬼的海域⋯你帶我們進來是送死的⋯」

上將憤怒地一拳打中中將塊面，然後再一腳把佢踢去另一邊。
「少給我扯蛋！害怕就滾回自己的房間！別在這給我製造麻煩！」



原本上將仲想繼續對中將拳打腳踢，突然船隻傾斜差唔多到九十度，把船上所有人都拋到一邊去，駕駛艙內所有人都被依一下嚇到呆咗。

中將恐慌地望住自己已趴在窗上，看到海面與自己嘅距離十分接近。
「完了⋯」

艘船不斷左右傾斜九十度，室內嘅燈光全部熄滅，有唔少駕駛室內嘅船員都忍唔住嘔吐，佢地有咁多年豐富嘅航海經驗，都係第一次遇到咁嚴峻嘅情況。

有一道光線照向駕駛室內，上將用手遮擋這耀眼嘅光芒。
「什麼回事⋯」



艘船不斷搖搖晃晃咁向光線逼近，依道暴風夜中嘅曙光，光線愈嚟愈亮，把成個駕駛室都照亮⋯⋯

嗖！




就係依一瞬間，船隻脫離咗烏雲暴風雨，好寧靜咁漂浮係海面上，無再強烈的搖晃，中將向後跑去，望住艘船逐漸遠離烏雲密佈嘅海域。

「上將！所有儀器都恢復運作！」

前面有人激動咁講。
「報告！前方有島嶼！有島嶼！！」



「真是不可思議的海域⋯」
中將不敢相信雷達上顯示嘅島嶼，明明之前雷達先顯示依片海域係無島嶼。

上將快速地跑上最前，隔住船窗，眺望住遠方嘅孤島，孤島上有一座座高山，圍繞住係一大片叢林，一啲現代嘅科技同建築都無。
「果然給我猜對了！全球最先進的雅典娜女神號，就是沉沒在這種地方，才會消失在世界上。」

愈望愈興奮，係茫茫大海尋找咗咁多日，終於搵返消失咗咁耐嘅雅典娜女神號，完成林總嘅任務後，以後便可以過上大富大貴嘅日子。

船隻又再開始劇烈地搖晃起嚟，唔少啱企穩嘅人又再跌倒係地上，然後不斷地左碌去右碌去，佢好吃力咁捉住一旁嘅扶手。
「是怎麼回事？怎麼又開始搖晃了？」

駕駛船隻嘅男人有些少緊張。
「報告⋯島嶼附近有許多大大小小的漩渦，影響船的穩定性！」

「原來是這樣！不過我們這艘船可是非常堅固的，暴風雨難不倒我們，這種漩渦就更加難不倒我們，現在開最大馬力！全速前進！」



制服男人拿起廣播。
「全體注意！全體注意！我們現在要全速前進⋯⋯」

數分鐘後，船隻終於安全到達島嶼邊嘅海面，開始放下一艘快艇駛入島嶼，上將一直翹住雙手，目光注視著快艇上嘅軍人。

過了半個鐘，上將著急地來回走，但通訊設備嘅燈仍然無著，時間愈耐，佢就愈心急如焚。

唔知又過咗幾耐，通訊設備嘅燈終於亮起，地位甚高嘅男人立刻按下接聽。

「沙沙沙⋯⋯沙沙沙⋯報告！找不到任何人！」

上將望住島上嘅叢林。
「唉⋯通知其他人穿上裝備！現在下船深入叢林搜索生還者！」



於是一個又一個穿著迷彩軍裝嘅人從船上走下到快艇，佢地背住好大嘅背囊，手上都揸住把衝鋒槍，而右腿上扣住把手槍，乘坐快艇到沙灘上集合。

上將亦到達沙灘上，然後佢舉起手中嘅電話，在這隊接近百人嘅隊伍中穿梭。
「大家，你們背包裡的電話，那些名單，活要見人！死要見屍！知道沒有！現在出發！」

這些人全部都係訓練有素嘅士兵，所有人聽到命令後，立刻舉起衝鋒槍走入大叢林裡面⋯⋯



待續