荒島日記（新手、後宮甜）（不定期更新）: 身份

「施Sir？」
雪兒望向眼前高大強壯嘅男人。

「咦？林雪兒同學，原來你都係到？」
說罷，叫施Sir嘅男人便走上前，然後想伸手拍一拍雪兒嘅膊頭。

我立刻將雪兒拉到我身邊，然後擋住男人嘅雙手，原本男人塊面笑淫淫咁，因為我擋在前面而瞬間感到不爽。

我不屑咁望住佢。
「化咗灰都認得你！獅子狗！」



施孝南，我地稱呼佢為獅子狗，年齡係三十五歲，仍未結婚，身高米八幾左右，身體十分強壯。

中三中四時候嘅體育堂阿sir，亦係負責學校籃球隊嘅阿sir，為人係眾人面前陽光正面，實際背後係個陰險狡詐嘅小人，為咗自己嘅利益可以不擇手段。

回想當年⋯我地阿sir都係俾佢陷害⋯⋯

不過佢實際太好戲⋯所以學校無乜人知佢真正嘅為人係點⋯⋯

係背後嘅雪兒即刻拉一拉我隻手，然後係我耳邊細聲說到。


「大陸仔，唔準你對阿Sir咁無禮貌。」

你識啲咩啊⋯我從來都唔當眼前依條粉腸係阿sir！我地各個都叫佢做獅子狗。

「咁耐無見，你仲係咁大口氣啊～」
獅子狗雖然笑住咁講，但佢係皮笑肉不笑，個笑容令我感到無比深寒⋯

高佬佳企起身指住我。
「大陸仔！唔準你對施Sir咁無禮！好快啲同施sir道歉！」



獅子狗拍一拍高佬佳膊頭。
「算啦，我都慣咗佢地咁嗌我。」

「想不到施老師你為人師表，心胸這麼廣闊，對於無禮之徒不拘小節，歡迎你加入我們的大家庭！以後大家互相照應，請多多關照！」
肥佬陳講完，便伸手向獅子狗表示友好，而獅子狗亦伸手同肥佬陳握手。

見到肥佬陳同獅子狗握曬手咁，肥豬劉開始拍手慶賀。
「估唔到我地施sir平安無事，係荒島生存完全無難度，以後有施sir同陳總嘅帶領吓，我地一定會生活無憂！」

「施sir！我地果然無入錯籃球隊！果然無跟錯你！」
高佬佳亦都跟住拍手。

肥豬劉拉一拉嘉雯嘅手仔，想將嘉雯拉到自己身邊。
「嘉雯，過嚟坐低啊，師兄帶咗啲食物俾你同阿sir食，我諗你一早訓醒都好肚餓嘅啦。」



「多謝師兄⋯我企吓得嘅啦⋯」
嘉雯推一推肥豬劉隻手。

高佬佳見到肥豬劉唔要面咁去摸嘉雯嘅手仔，立刻露出羨慕嘅目光。

我望向係一旁無出聲嘅獅子狗，此刻佢望住肥豬劉猥瑣嘅表情，面色變得暗啞無光，手臂上血管青筋暴漲。

但肥豬劉沈醉係食女神嘉雯豆腐嘅畫面，而高佬佳亦處於羨慕妒忌嘅狀態，兩人都無發現已經怒氣沖天嘅獅子狗。

嘉雯忍住淚珠。
「可以見得返大家真係太好啦⋯估唔到有咁多人無死到生存係到⋯我以為以後都見唔到大家⋯」

「嘉雯，其實仲有幾個同學係我地個邊啊，不如你過去睇吓啊，同大家報個平安都好嘛。」
說罷，雪兒便伸手去拖嘉雯隻手。



「真係嘅？仲有其他同學生存？」
嘉雯聽到有其他同學生還而感到高興。

「嗯，你跟我過去睇吓。」
雪兒講完，便想拉住嘉雯隻手，帶佢去我地個邊。

突然獅子狗從後一手攬住嘉雯嘅蠻腰，我俾獅子狗依一下舉動嚇親，雪兒更嚇到鬆開隻手。

獅子狗不屑咁講。
「嘉雯依家唔得閒。」

我望住嘉雯，嘉雯並無講任何嘢，而係微微地得低個頭，雙手緊緊捉住自己件衫，而獅子狗攬實嘉雯，將嘉雯成個人扯到佢面前。

身材高挑嘅嘉雯，係獅子狗高大強壯嘅身軀下，顯得如小鳥依人般，獅子狗隻手慢慢從腰部滑落嘉雯嘅臀部，嘉雯立刻用手擋一擋，然後面紅地說到。
「唔好⋯依到多人⋯」



獅子狗無再摸落去，而係挨落去，聞嘉雯嘅秀髮嘅清香，嘉雯沒有推開獅子狗，而係繼續好羞恥地得低頭。

獅子狗此刻嘅行為係話俾我地知，嘉雯係佢嘅女人，我地其他人唔好諗住接近，唔好對佢有胡思亂想。

學校嘅女神嘉雯⋯估唔到會同個咁嘅人渣一齊⋯如果俾曾經拜倒佢石榴裙下嘅男仔知道，一定會痛哭流涕。

唔係，依到好似有三個係到⋯

我望向企係一邊嘅高佬佳同肥豬劉。

佢地兩個都露出極度驚訝嘅表情，睇嚟佢地兩個都係第一次見到獅子狗同嘉雯咁親密嘅接觸，肥豬劉更有啲接受唔到佢兩個嘅關係，牙齒開始咬住下唇。

而已經走咗入嚟嘅文健，因為依一幕而淚光閃爍掛係眼眶上，雙手不斷拉扯住自己件衫尾，嘴裡細細聲說到。
「點⋯解⋯」






待續