荒島日記（新手、後宮甜）（不定期更新）: 充公

肥佬陳連咳幾聲，然後同達叔講。
「我是為了大家生活著想！才想出這個辦法！能一起生活在這個島嶼是一種緣分！大家應該要團結起來！互相幫助！」

四眼妹細細講。
「初頭嚟依到個陣又唔見你咁講⋯」

達叔思考數秒，便問。
「咁你係唔係都交出食物先？」

聽到達叔既說話，肥佬陳嘴角逐漸上揚。


「當然會啦！我願意帶頭交出食物！做大家的好榜樣！！！」

係依個時候，我發現營地眾人中既高佬佳同肥豬劉，面上都露出不尋常既笑容⋯

肥佬陳一邊講一邊轉向營地眾人，然後慢慢張開雙手，好似當自己係聖人般。

「陳總好波！」
高佬佳同肥豬劉帶頭歡呼。

「陳總萬歲！萬歲！」


營地眾人熱烈鼓掌。

肥老陳笑到見牙唔見眼，不斷同眾人點點頭。
「這是我應該做的，應該做的。」

肥佬陳咁爽快地答應交出食物，令到我感到有些少愕然，因為食物對於肥佬陳嚟講，仲重要過佢條命！

佢一定有咩古惑！！

「陳總！你果然係我地既再生父母！！」


其中一個山洞裡走出MK傑，佢激動地走過嚟依邊。

高佬佳連忙上前，扶住MK傑走嚟空地。
「傑少⋯你既傷仲未好返㗎⋯」

「今日咁特別！！咁神聖既日子！！！我傑少點可以錯過！！依啲傷難唔⋯⋯」
MK傑仲未講完，佢條褲瞬間流出橙黃色既液體出嚟，然後散發出臭味。

「嘩⋯⋯」
營地眾人一片嘩然，然後立刻按住自己個鼻停止呼吸。

「瀨屎就咪撚走出嚟啦！！」
辣椒妹大嗌，MK傑即刻羞愧地快步行返入山洞裡面，高佬佳緊握拳頭，凶狠地望辣椒妹數秒。

「好了好了！我們繼續開會！你們幾位，我知道你們不相信我！現在我就請其中幾個人幫我把食物拿出來平分！」


肥佬陳揮一揮手叫咗幾個女仔入去山洞攞食物出嚟，佢再叫埋達叔跟住入去做證。

無幾耐，幾個女仔終於從山洞走出，抱住啲罐頭行過嚟，但啲罐頭數量加加埋埋先得個十幾廿罐。

無理由⋯肥佬陳個山洞應該有百幾二百個罐頭先啱⋯再加埋其他食物，足夠維持營地既人兩個星期進食，點會得返十幾廿個罐頭咁少⋯⋯

達叔無奈咁走返過嚟，我同達叔對望，達叔既眼神同咁我講，山洞裡面確實係無曬啲食物⋯真係得返依十幾廿罐罐頭⋯

幾日耐，肥佬陳係絕對食唔曬啲罐頭既⋯唯一可以解釋食物唔見，就只有將咁多食物轉移曬其他地方⋯

我同達叔深知肥佬陳既食物唔會得咁少，但無理由話肥佬陳收埋曬大量食物⋯咁只會講俾佢地知⋯我地曾經偷入過佢山洞裡面⋯所以知道佢有幾多食物⋯

肥佬陳得戚咁講。
「怎麼樣？我食物已經拿出來了，該輪到你們了吧～」



高佬佳和應肥佬陳。
「就係啊！快啲嚟啲食物出嚟平分！定係你地唔夠人手！係唔係需要我地幫你攞過嚟啊？」

今次達叔真係踩中肥佬陳既陷阱，肥佬陳今日開會要平分食物，果然係有備而來，佢一早將大量既食物收埋，然後自己帶頭實行，再強逼我地跟隨⋯⋯

依招真係陰毒⋯

「我人手充足！可以幫你地攞過嚟！」
肥豬劉同佢幾個女伴起身。

辣椒妹即刻從後抽出把開山刀，開山刀係日光照耀下，顯得更鋒利無比，營地眾女見到後急退後數步。

辣椒妹對住肥豬劉眾人咆哮。
「邊個敢搶我啲食物！我就斬佢十碌八碌！然後攞去喂狗！！」



聽到辣椒妹既說話，肥佬陳激動咁講。
「你們還是人嗎？大家都遇到了生死關頭！危在旦夕！！你還是只為自己著想！還是那麼的自私！你們不配做人！！」

四眼妹亦激動起嚟，眼角吊掛著淚珠。
「之前唔見你咁講！依家見到我地食物多就要平分！你分明係想搶我地啲食物！唔抵得我地！！」

我慢慢企起身，拍一拍小腿上既泥土。
「總之！我地係唔會交出食物既啦！」

肥佬陳哈哈大笑，然後從褲頭中取出把黑色手槍，槍頭對準住我。
「看來！你們是不見棺材不流淚！！」



待續