荒島日記（新手、後宮甜）（不定期更新）: 泥地

嘩⋯依啲蚊咁恐怖既⋯好似餓咗好幾日咁⋯一嘢衝過嚟吸我啲血⋯⋯

「大陸仔⋯點解會有咁多蚊㗎⋯」
辣椒妹邊跑邊問。

「咪就係你要食個啲蟹囉！佢地住個邊全部都係蚊嚟！唔好理啦！快啲跑去河個邊！啲蚊多到會咬死人！」

穿過樹林，辣椒妹即刻轉左向上游跑，我用盡全力加速跑到佢身邊，然後我攬住佢跳入條河到。

噗！我地兩個插水式跳入，但河水好淺，我地需要蹲坐先可以淹沒成個身體。



辣椒妹即刻閉氣蹲坐，我亦都閉氣，靜靜地等啲蚊散去。

咕嚕嚕⋯可能啱啱太急，我開始唔夠氣繼續閉氣，辣椒妹見到我個嘴不斷咁冒泡，即刻雙手纏繞我條頸，然後把香唇堵上我漏氣既嘴巴。

我地就咁，靜靜地，係河裡面。

依個咁戲劇性既畫面，真係估唔到會係依種時候發生⋯

過咗差唔多一分鐘，我地先露返個頭出嚟，辣椒妹撥一撥遮面既秀髮後，雙眼一直望住我，佢塊面慢慢變紅，嘴角慢慢上揚，幾秒後，嘴裡發出爆笑既聲音。


「哈哈哈！哈哈哈！！！」

我疑惑咁望住佢。
「你笑咩啊⋯」

「哈哈哈！你依家個樣哈！好似哈哈！好似徐錦江哈哈哈！」
辣椒妹抱到大笑。

「徐錦江？點解似徐錦江？」



辣椒妹指住我個頭大笑。
「哈哈哈！即係撚樣啊！哈哈哈！！！」

下巴係依個時候感到有些少熾熱，我伸手摸一摸，隨即有疼痛感，我依家先發現原來我成個下巴都腫曬，我個頭既形狀變成飯糰般。

辣椒妹笑到眼淚水都標埋出嚟。
「哈哈哈！！又紅又腫！真係好似撚樣啊！哈哈哈！！！唔得啦！我就嚟笑到有腹肌啦！哈哈哈！」

「仲好意思笑！就係因為幫你去捉蟹！先會俾蚊咬到咁！係喎！啲蚊終於飛走曬？睇嚟科學堂無白上！」
我左望右望，都唔見蚊群係附近，確認啲蚊真係飛走曬。

辣椒妹終於停止大笑冷靜返，便觸摸自己濕透既衫褲。
「做咩我推落水啊⋯搞到成身都濕曬⋯」

「推你落水你先唔會俾蚊叮啊！啲蚊係聞我地身上散發出嚟啲汗味同體溫嚟追蹤我地，跳入條河就細沖走我地啲汗味，而且可以令我地降溫，你依家著住件衫咁深色，啲蚊唔咬死你就奇！」


我講完，辣椒妹便望自己身上既黑色衫。

「科學堂⋯⋯我經常攞嚟訓教既！點記得啲蚊既特性呢！」
辣椒妹R一R頭。

我拉起辣椒妹，然後就向山洞個方向行返去，辣椒妹見到我想返去，即刻拉住我隻手唔俾我走。
「做咩返去⋯我地都未捉到啲蟹返去⋯」

我指住我又紅又腫既下巴同條頸。
「你唔會見到我咁既樣！！仲想叫我返去捉啊嘛？我真係會俾啲蚊叮死㗎！！！」

辣椒妹一邊講一邊望樹林個方向。
「但係⋯我真係好想食蟹啊⋯你忍多一陣啊⋯捉一隻就得既啦，一隻⋯」

「咁你講個理由俾我聽！點解我要咁搏命去捉俾你食！要攞條命嚟校飛？」



辣椒妹思考咗數秒。
「我有份俾你屌㗎！！！」

我呆咗望住辣椒妹，因為辣椒妹依個答案真係令我有些少啞口無言⋯真係唔知點駁返佢⋯

「仆你個街⋯明明係你勾引我先既！」

辣椒妹用力扯住我手臂。
「我唔理⋯總之我今日要食蟹啊⋯你快啲諗辦法捉啲蟹啦⋯你平時咁多計仔！」

最後，我死死氣咁俾辣椒妹扯返到樹林個邊，望住泥地上橫行霸道既蟹群，真係有啲肚餓，但望返天上成群既飛蚊，雙腳都係唔敢踏出泥地第一步⋯

辣椒妹見到我緊張既樣。
「唔係嚟到先淆底啊嘛⋯」



「我一直都淆⋯椒姐啊⋯啲蚊真係咬人好痛㗎⋯」
我一直指住紅腫位置，希望可以得到辣椒妹既同情憐憫。

呱！呱！呱！呱！

依個時候，泥地上出現咗隻大青蛙，佢一直跳向蚊群個邊，雙眼緊盯著蚊群，準備要享受佢既美食，而我同辣椒妹停止對話，全神貫注咁望住大青蛙。

啱啦！食曬啲蚊佢！咁就無嘢可以阻到我地捉啲蟹！

我心裏默默咁為青蛙打氣！

突然啲蟹群衝向大青蛙個邊，大青蛙都俾蟹群搞到有少少愕然，停低係原地。

蟹群快速靠近隻青蛙，全部都伸出強而有力既蟹鉗，瞬間將隻青蛙分屍⋯隻青蛙連慘叫聲都嚟唔切發出⋯個畫面講好似睇咁喪屍片⋯實在太血腥⋯



唔怪得依到啲蚊同蟹會咁多咁大隻⋯佢地根本就係互相幫助令大家都可以生存⋯

「辣⋯辣椒妹⋯我地都係返去先啦⋯徒手係捉唔到啲蟹⋯我地返去諗辦法對付啲蚊先⋯繼續係到只會浪費時間。」




待續